Kiyovu SC yanganyije na Marines ibura umwanya wa mbere

Ikipe ya Kiyovu Sports inganyije na Marines igitego 1-1 inanirwa kurara ku mwanya wa mbere, umukino wabereye kuri Sitade Mumena.

Uyu mukino wari ikirarane kuko wabaye tariki ya 25 Ugushyingo, uza guhagarara ugeze ku munota wa 34 kubera imvura nyinshi.

Marines FC ni yo yatsinze igitego cya mbere ku munota 19 cyinjijwe na Yamini Salumu, ku ruhande rwa Kiyovu cyishyuwe n’Uwineza Aimé Plaice wagitsinze ku munota wa 39.

Abakinnyi babanje mukibuga ku mpande zombi

Ku ruhande rwa Kiyovu Sports:Ndoli Jean Claude, Ahoyikuye Jean Paul, Uwihoreye Jean Paul, Ngirimana Alexis, Uwineza Aime Placide- Habamahoro Vincent, Kakule Mugheni Fabrice , Kalisa Rashid, Nizeyimana Djuma na Habyarimana Innocent- Vino Ramadhan.

Abakinnyi ba Marines babanjemo: Dukuzeyezu Pascal, Nsabimana Hussein (c), Ishimwe Christian, Ndayishimiye Thierry, Nkusi Prince, Bizimungu Omar, Yamini Salum, Niyitegeka Idrissa, Tuyishime Benjamin, Bahame Arafat na Kalisa Amri.

Kiyovu iyo itsinda uyu mukino yari kurara ku mwanya wa mbere riko ubu iraye ku mwanya wa kabiri n’amanota 16 inganya na AS Kigali ya mbere n’amanota 16, mu gihe Marines FC ifite amanota 9 ku mwanya wa 10 muri shampiyona y’icyiciro cya mbere mu mupira w’amaguru mu Rwanda.

Umukino uteganyijwe kuri iki Cyumweru: Amagaju vs Rayon Sports.