Mu cyumweru gishize nibwo hari hatangajwe inkuru z’uko abakerarugendo babiri b’Abongereza bashimutiwe muri Pariki ya Virunga, muri Repubulika Iharanira Demokarasi ya Congo nyuma yo kurekurwa, bitangazwa ko ari inyeshyamba za FDLR zari zabashimuse.
Ku wa 11 Gicurasi 2018, nibwo Abongereza babiri n’abashoferi bari babatwaye b’abanyecongo, bashimuswe, nyuma yo kurasanaho kwabaye hagati y’abashinzwe kurinda pariki n’izi nyeshyamba bitangazwa ko ari iza FDLR.
Ikinyamakuru Africa lalibre, gitangaza ko amakuru ava i Goma ahamya ko ari FDLR yari yashimuse aba bakerarugendo, nyuma iza kubarekura ariko baragize ihungabana.
Minisitiri w’ububanyi n’amahanga w’u Bwongereza, Boris Johnson ndetse n’umuyobozi w’iyi pariki ya Virunga, batangaje ko abari bashimuswe barekuwe bahabwa ubufasha bwo guhumurizwa ndetse banakorerwa ubundi buvuzi,mbere y’uko bataha iwabo.
Umuyobozi mukuru w’ikigo cya Leta ya Congo gishinzwe kubungabunga ibidukikije, Cosma Wilungula, yashimye ikipe yabigizemo uruhare kugirango aba bakerarugendo barekurwe.
Yagize ati “Ndashima ikipe yacu y’umurava yagerageje gushaka igisubizo cyihuse ku kibazo cyari cyabaye ndetse no gusubiza umutekano abongereza babiri”.
Muri pariki ya Virunga ngo hasanzwe habamo imitwe y’inyeshyamba irenga 10, abantu benshi ngo bakaba bakunze guhuriramo n’ihohoterwa, bagashimutwa n’izo nyeshyamba, bamwe bakicwa abandi bakarekurwa nyuma bakorewe ihohoterwa cyangwa se bambuwe utwabo.
![‘ Gutegeka abantu demokarasi runaka, utabanje kumenya uko babayeho, umuco wabo n’amahame y’igihugu, ni ubujiji ‘.- Perezida Kagame [ Igice cya 2 ]](http://rushyashya.net/wp-content/uploads/2017/09/arton8881-360x240.jpg "‘ Gutegeka abantu demokarasi runaka, utabanje kumenya uko babayeho, umuco wabo n’amahame y’igihugu, ni ubujiji ‘.- Perezida Kagame [ Igice cya 2 ]")
