LATEST NEWS
Amakuru
Byinshi utari uzi kuri Noheli y’Abakirisitu
Publish Date: vendredi 25 décembre 2015
VISITS :1556
By Admin

Kuri uyu wa gatanu tariki 25/12/2015 ni Umunsi mukuru wa Noel , umunsi ufite igisobanuro gihambaye mu buzima bw’abakirisitu bose ku isi.

Impamvu nta yindi, ni uko kuri uyu munsi wa 25 Ukuboza ari bwo hizihizwa ivuka rya YeZu w’i Nazareti, ari na we shingiro ry’ubukirisitu.

Gusa iyo urebye muri Bibiliya, igitabo cyera kirimo ijambo abakirisitu bavuga ko ryahumetswe n’Imana ndetse kikaba ari na cyo kibumbatiye amahame yose ya gikirisitu, usanga nta hantu hagaragara ko Yezu yavutse kuri iyi tariki, ndetse nta Noheli irimo.

Ibi byatuma wibaza inkomoko nyayo ya Noheli, n’ubwo abenshi bazi ko kuri uyu munsi ari wo Yezu Kristu yavutseho koko.

Abantu bavuga byinshi ku nkomoko ya Noheli Abakirisitu bizihiza buri mwaka. Nk’uko imbuga za noel-vert.com na Wikipedia zibitangaza, ngo Noheli ryaba ari ijambo rikomoka ku magambo abiri akomoka muri Gaule, (akarere kari karigaruriwe n’abaromani kuri ubu ni Ubufaransa, Ububiligi ndetse na Luxembourg), ari yo Noio bisobanura ikintu gishya, ndetse na Hel, bisobanura izuba.

Ngo aya magambo yahuzwaga bashaka kuvuga kugaruka kw’izuba nyuma y’igihe cy’imvura n’ubukonje. Na ho mu cyinyejana cya mbere, mbere ya Yezu Kristo, mu bwami bw’i Rome hizihizwaga umunsi w’ikigirwamana Mithra bishatse kuvuga “Izuba ridatsindwa”, ku wa 25 Ukuboza, aho habagwaga ikimasa mu kwizihiza uwo munsi.

Ku bakirisitu, kwizihiza umunsi mukuru wa Noheli ntibyabagaho, ngo mu kinyejana cya kabiri ni bwo kiriziya yatangiye gushakisha umunsi nyawo w’ivuka rya Yezu, uwo ivanjiri itavugagaho na gato.

Kubura inyandiko zigaragaza igihe Yezu yavukiye, byatumye kiriziya ihitamo umunsi wizihizwagaho imigenzo ya gipagani, kugira ngo bayiburizemo.

Mu mwaka wa 330, ni bwo umwami w’abami Constantin yashyizeho umunsi wa 25 Ukuboza nka Noheli y’abakirisitu, hanyuma biza kwemezwa burundu na Papa Liberius ko ari wo munsi nyawo wo kwizihizaho isabukuru y’amavuko ya Yezu Kristo.

Ngo icyo gihe, abo mu bindi bihugu by’i Burayi bo bizihizaga ivuka rya Yezu ku wa 6 Mutarama, baje kuyoboka na bo iyo tariki ya Rome babikesheje umutagatifu Grégoire de Nazianze.

Mu mwaka wa 425, umwami w’abami Théodose yahariye umunsi wa 25 Ukuboza isabukuru y’amavuko ya Yezu Kristu, anakuraho indi mihango ya gipagani yari isanzwe yizihizwa kuri uwo munsi.

Mu mwaka wa 529, kwizihiza Noheli byagizwe itegeko n’umwami w’abami Justinien, ndetse na misa y’igitaramo cya Noheli iba mu ijoro ryo ku wa 24 Ukuboza ni bwo yatangijwe.

Kuri ubu, Noheli ntikiri gusa umunsi mukuru wa gikirisitu ahubwo wabaye nk’uburyo bwo guhuza imiryango, guha abana impano ndetse no kwishima muri rusange.

Umwanditsi wacu

IBITEKEREZO
Kayira

Aha !Byaribyiza Nuko Babihinduye.Abantu ! Ntawamenya.

gedeon

ubwose sukongera kubyo dusoma kandi mubyahishuwe lbice22:18 hatubuza kongeraho


TANGA IGITEKEREZO

Kwamamaza
Kwamamaza
Also in this section
Nyarugenge : Polisi yafashe agatsiko k’abajura bibye mudasobwa muri GS Nzove

Nyarugenge : Polisi yafashe agatsiko k’abajura bibye mudasobwa muri GS...

Nyagatare : Abaturage basabwe kugira uruhare mu kubungabunga umutekano

Nyagatare : Abaturage basabwe kugira uruhare mu kubungabunga...

Seyoboka yagejejwe imbere y’urukiko rwa Gisirikare, urubanza rurasubikwa kubera Avoka

Seyoboka yagejejwe imbere y’urukiko rwa Gisirikare, urubanza rurasubikwa...

Kagame yihanganishije Abanyacuba nyuma yo kubura umukambwe Fidel Castro

Kagame yihanganishije Abanyacuba nyuma yo kubura umukambwe Fidel...

Nyaruguru:Umusaza w’imyaka 70 yiciwe iwe n’abantu bataramenyekana

Nyaruguru:Umusaza w’imyaka 70 yiciwe iwe n’abantu bataramenyekana

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...