LATEST NEWS
Amakuru
Mgr Mbonyintege arashyize yemeye ko agiye gukorera yubire abajenosideri
Publish Date: dimanche 10 juillet 2016
VISITS :3513
By Admin

Musenyeri wa Diyosezi ya Kabgayi Mbonyintege Smaragde aremeza ko amakuru yari yahakanye mu minsi ishize, y’uko kiliziya igiye gukorera yubile abapadiri barimo abajenosideri, ari ukuri.

Mgr Mbonyintege ariko avuga ko ntawe byagakwiye gutangaza kuko amategeko ya kiliziya atandukanye n’aya Leta kandi isakaramentu ry’ubusaseridoti rikaba ari iry’ubuzima bwose.

Bisobanuye ko padiri akomeza kwitwa padiri hatitawe ku kuba inkiko zaramuhamije ibyaha, ku buryo afunguwe ashobora gusubizwa ku mirimo, ndetse ngo n’iyo kiliziya imuhagaritse ntimwambura ubupadiri.

Mu nkuru dukesha Izuba rirashe Mgr Mbonyintege abisobanura atya : “Kiliziya gatulika iri muri yubile y’imyaka 100 y’ubusaseridoti izasozwa mu mwaka utaha. Ibikorwa rero dukora muri iki gihe byose byibutsa iyo myaka 100 tumaze cyane cyane ibya ordination z’abapadiri (guhabwa ubupadiri). Igice cya mbere kizabera i Mushishiro (mu karere ka Muhanga) ariko hari n’ibindi bizakomeza muri izi vacances. I Mushishiro hari uzahabwa ubupadiri n’abazahabwa ubudiyakoni, noneho hakaba n’abapadiri bakora yubile.

Muri icyo gikorwa rero icyo tugamije ni ugushimira Imana no gusaba imbabazi. Birumvikana ko bariya bakoze Jenoside ari bo ba mbere mu bo dusaba imbabazi umuryango w’abakilisitu tukazisaba n’Imana. Ni ibyo tuzakora. Naho rero gukorera yubile abakoze jenoside (si igitangaza kuko) icya mbere ntibazaba bahari, barafunzwe, icya kabiri twebwe tujya gukora uwo munsi ntabwo wawukora ntuvuge abakoze ibyaha. Ntabwo byaba bihagije.Uko abantu babitwara n’uko babyumva ibyo ngibyo ni ibindi bindi ariko ndumva tugerageza kubisobanura bihagije.”

Abapadiri bahamijwe ibyaha bya Jenoside bari ku rutonde rw’abo kiliziya izakorera yubile y’imyaka 25, ni Rukundo Emmanuel wakatiwe gufungwa imyaka 25 na Ndagijimana Joseph wakatiwe gufungwa burundu.

Si ubwambere Mgr Mbonyintege akora ubuyobozi bw’u Rwanda n’abanyarwanda mu jisho kuko yagiye avugwaho ibintu byinshi bimugaragaza nk’umwe mu bihaye Imana utarishimiye ko Ingabo zari iza RPF, zifata ubutegetsi. Ibi akaba yarabigaragaje yandika u rwandiko ubwo yari i Butare, mu gihe urugamba rwo kubohoza igihugu rwari rurimbanije yihanangiriza Inkotanyi gufata ubutegetsi kungufu.

Mgr Smaragde Mbonyintege

Sibyo gusa kandi Mgr Mbonyintege, aranavugwaho kohereza Abapadiri babiri muri Espagne gushinja Inkotanyi ubwicanyi bw’abanyaespagne biciwe mu Rwanda mugihe cya Jenoside ndetse no gutanga ubuhamya kubwicanyi bwakorewe abihaye Imana biciwe i Gakurazo.

Umwanditsi wacu

IBITEKEREZO
Nkunzurwanda

Ntamivumo mbonya aho ntayo yewe , imivumo yoseee yaganrye kunterahamwe na Kilizia gatulika ningabo zayo ndumva ntayasigaye inyuma kandi izabahame itake ryoseeeeeee

Rubingisa

Musenyeri arakora ibyo azi,ni Umuntu kuva kera wagiye arangwa n,indimi nyinshi,akagwira inda !Ariko se anashaje aho yahereye Arwana ku Gifu ke ubu ntarahaga !

F.Nkomeza

Wowe witita fmugisha urumva hari icyo Mgr. Yabahishe se si ukuri ibyo avuga ? Harya ngo muramuhora ko yogeteje abapadiri kuvuga amarorerwa inkotanyi zakoreye iGakurazo ? None se ninde utazi ko hiciwe ba Mgr, abapadiri n'abandi bihaye Imana banyuranye bishwe n'inkotanyi bakaba mwarananze ko bashyingurwa mà » cyubahiro nk'abandi Bose ? Ibyo hari ubishidikanya ntibivugwa cg nawe ubwo mumwikomye murashaka kumwivugana ? Ntimubura urwitwazo. Imyaka 20 irenga ishize mwabuze icyo mumufatiraho ? Imana irengera abayo erega kandi mumenye ko ntawayikoreye wikoreye amaboko ! Ntubizi se ?!

fmugisha

Erega uwo mugabo ntimukamuteho umwanya ujyutinyumugabo ufitindimi ebyiri mukanwa ke ejobundi ngo ngo ntabutumire yakoze none ngo nibyo rwo yubiri yabakoze genoside ngwirahari cyokora ntagitangaje kuriwe kubwe inkotanyi kuba zaratsinze abicanyi zigafatubutegetsi zikabora abicwaga nicyaha gikomeye atazigera ababarira inkotanyi nguwuteguwa gusimbura Ntihinyurwa cyokora abakristu bubu ntagirengo nababandi bakera ubu barashishoza cyane cyane kukinyarwanda cya musenyeri Simaragide Mbonyintege utapfa kmenyicyavu mbesr burigihe avugira munshobera mahanga nakataraza azakaxana

MUHABURA

Ariko koko nk'uyu musaza muramuhora iki ?Abatse iki ?Ntabwo muzakira imivumo y'abo mutoteza,mubahoza ku nkeke ngo bemere ibyo mubabwiye byose n'amafuti byose ngo bamire bunguri.Bitinde bitebuke ukuri kuzajya ahagaragara.


TANGA IGITEKEREZO

Kwamamaza
Kwamamaza
Also in this section
Jean Sayinzoga yashyinguwe mu cyubahiro (Amafoto)

Jean Sayinzoga yashyinguwe mu cyubahiro (Amafoto)

Bernard Munyagishari yakatiwe gufungwa burundu

Bernard Munyagishari yakatiwe gufungwa burundu

Icyiciro cya kabiri cy’abanyamakuru cyatangiye Itorero i Nkumba

Icyiciro cya kabiri cy’abanyamakuru cyatangiye Itorero i Nkumba

Ibuka yanenze ibihano bihabwa abagaragaza ingengabitekerezo ya Jenoside

Ibuka yanenze ibihano bihabwa abagaragaza ingengabitekerezo ya...

Minisiteri y’Uburezi yahagaritse amashami atatu ya Kaminuza ya Gitwe, abanyeshuri basabwa gutaha

Minisiteri y’Uburezi yahagaritse amashami atatu ya Kaminuza ya Gitwe,...

NEW POSTS
Dr Gerard Gahima yandagaje bamwe mu bashaka gupfobya no guhakana Jenoside yakorewe abatutsi mu 1994

24-06-2017

Dr Gerard Gahima yandagaje bamwe mu bashaka gupfobya no guhakana Jenoside...

Bombori-Bombori mu Ishema Party : Uwitwa Muzungu Pierre yandikiye Padiri Nahimana Imyanzuro Ikakaye

24-06-2017

Bombori-Bombori mu Ishema Party : Uwitwa Muzungu Pierre yandikiye Padiri...

Ingabo z’u Rwanda zirashakisha Uruhindu abagabye Igitero i Rusizi cyaguyemo umwe, umunani bagakomereka

23-06-2017

Ingabo z’u Rwanda zirashakisha Uruhindu abagabye Igitero i Rusizi...

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...