LATEST NEWS
New section No17
2017 : U Rwanda ruzumva abafite icyo bashaka kuvuga ariko umwanzuro ni uw’Abanyarwanda – Mushikiwabo
Publish Date: mardi 8 décembre 2015
VISITS :227
By Admin

Minisitiri w’Ububanyi n’ Amahanga Louise Mushikiwabo asanga amahanga akomeje kuvuga byinshi ku ihindurwa ry’Itegeko Nshinga ry’u Rwanda agomba kuvuga ibyo ashaka, ariko akumva neza ko umwanzuro wa nyuma ureba Abanyarwanda ubwabo.

Ibihugu bitandukanye birimo Leta Zunze Ubumwe za Amerika n’Umuryango w’Ubumwe bw’Ibihugu by’u Burayi byagiye bigaragaza impungenge ku ivugururwa ry’Itegeko Nshinga ry’u Rwanda, n’ubwo inzego zitandukanye, na Perezida Kagame ubwe, zitahwemye kugaragaza ko ubushake bw’Abanyarwanda aribwo bugomba gukurikizwa.

Ambasaderi wa Leta Zunze Ubumwe za Amerika muri Loni, Samantha Power, aheruka gutangaza ko igihugu cye ‘kizi neza ko hari ugukoreshwa kw’Inteko Ishinga Amategeko y’u Rwanda ku bijyanye no kuvugurura Itegeko Nshinga’.

Umuryango w’Ubumwe bw’Ibihugu by’u Burayi, EU, nawo mu ijwi ry’umwe mu bayobozi bawo bakomeye, Federica Mogherini, uheruka kuvuga ko guhindura Itegeko Nshinga hagatorwa ingingo zishobora gukoreshwa ku muntu umwe, bigira ingaruka ku buremere bw’icyo gikorwa bikanabangamira ihame ry’ihinduka rya guverinoma muri demokarasi.

EU yatangaje ko "Amavugurura aheruka kwemezwa n’Inteko Ishinga Amategeko ku Itegeko Nshinga ry’u Rwanda ashobora kuzamura icyo kibazo”.

Ubwo Minisitiri Mushikiwabo ubwo yaganiraga n’itangazamakuru kuri uyu wa Mbere, mu nama ihuje abaturuka mu bihugu 40 biga ku ruhare rw’abagore muri Politiki iteraniye i Kigali, yavuze ko u Rwanda rutega amatwi ibyo bavuga, ariko ngo bagomba kubanza kwemera ko icyemezo kigomba gufatwa n’Abanyarwanda.

Yagize ati “U Rwanda rwemera ko uburyo iki gihugu kigomba kuyoborwa, impinduka zikenewe, ibigomba kongerwamo ingufu, uburyo bw’imiyoborere y’iki gihugu, ni ibireba abaturage b’u Rwanda.”

Yakomeje agira ati “Twubaha ibyo abandi bavuga barimo n’abafatanyabikorwa bacu, dutega amatwi ibitekerezo byabo kandi bafite uburenganzira bwo kuvuga icyo batekereza ku miyoborere y’iki gihugu, igihe cyose bumva neza ko icyemezo cya nyuma kigomba kuva mu Banyarwanda ubwabo.”

Urugendo rwo kuvugurura Itegeko Nshinga rya Repubulika y’u Rwanda rwatangiye nyuma y’ubusabe bwa miliyoni 3.7 z’Abanyarwanda basabye ko Perezida Kagame akomeza kubayobora na nyuma ya 2017, ubwo manda ye ya kabiri izaba irangiye.

Inzego zose bireba zamaze kwemeza impinduka zakozwe mu Itegeko Nshinga, Mu nama ya biro politiki y’Umuryango FPR Inkotanyi yabaye kuri iki Cyumweru tariki ya 6 Ukuboza 2015, i Rusororo mu Karere ka Gasabo, Abanyamuryango bayo bakaba barasabye Umukuru w’Igihugu ko yakwemeza itariki ya 18 Ukuboza 2015 nk’itariki izaberaho referandumu.

Igihe.com

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’