LATEST NEWS
New section No17
Abafatanyabikorwa ba Polisi bahuguwe kwicungira umutekano no ku kurwanya ibyaha
Publish Date: mercredi 11 novembre 2015
VISITS :161
By Admin

Abafatanyabikorwa ba Polisi y’u Rwanda mu kwicungira umutekano barimo abagize Komite zo kwicungira umutekano (Community Policing Committees-CPCs) n’abagize urwego rwunganira uturere mu gucunga umutekano (District Security Support Organ-DASSO) bo mu murenge wa Remera mu karere ka Gasabo barenga 450 ku itariki 9 Ugushyingo 2015, bahawe ubumenyi ku gukumira no kurwanya ibyaha ndetse n’inkongi z’imiriro no kuzizimya mu gihe zibayeho.

Umuyobozi w’ishami rya Polisi y’u Rwanda rishinzwe kurwanya inkongi z’ imiriro no gutabara abari mu kaga Assistant Commissioner of Police (ACP) Jean Baptiste Seminega ni we wabigishije ibijyanye no kurwanya inkongi z’imiriro naho kurwanya no gukumira ibyaha muri rusange bakaba barabyigishijwe na Chief Inspector of Police (CIP) Jean Claude Kabandana, akaba akora mu Ishami rya Polisi y’u Rwanda rishinzwe imikoranire yayo n’abaturage hagamijwe kurwanya no gukumira ibyaha (Department of Community Policing), ubwo bumenyi bakaba barabuherewe mu kagari ka Rukiri ya mbere.

ACP Seminega yababwiye ko mu bishobora gutera inkongi z’imiriro harimo gukoresha ibikoresho by’amashanyarazi bitujuje ubuziranenge, gukoresha abantu badafite ubumenyi mu gushyira amashanyarazi mu nyubako, kwinjiza ibikoresho byinshi bikoresha amashanyarazi mu kindi nacyo kiyakoresha ariko kidafite ubushobozi bwo kubyakira ku buryo kigera aho gisumbywa ubushobozi n’ibyakinjijwemo, ibyo bikaba bitera sirikuwi ari nayo rimwe na rimwe itera inkongi z’imiriro.

Amaze kubasobanurira ibishobora kuziteza, ACP Seminega yabakanguriye kuba abafatanyabikorwa ba Polisi y’u Rwanda mu kuzirwanya, ibyo bakabikora bakangurira abandi kwirinda no kurwanya ikintu cyose gishobora kuzitera.

Aha, akaba yarababwiye ati "Amashanyarazi ari mu bikorwa remezo by’iterambere. Ikosa rito cyangwa uburangare runaka mu mikoreshereze yayo birahagije ngo byangize ibintu bitagira ingano, guhitana ndetse no gukomeretsa abantu, akaba ari yo mpamvu abantu bakwiye kuzirinda no kuzikumira."

Yagiriye inama abaturage muri rusange yo kugura no gushyira ibikoresho by’ibanze byo kuzimya inkongi z’imiriro (Fire extinguishers) mu nyubako zabo kandi bakita ku buzima bwabyo babisuzumisha buri nyuma y’amezi atandatu kugira ngo barebe ko bikiri bizima.

Na none ACP Seminega yabagiriye inama yo kutabika ibikomoka kuri peterori mu nyubako, no kutajya kure ya buji , itara, itadowa, n’ibindi bikoresho biba byaka, kandi ibi bakabikangurira abandi baturage.

Yababwiye kandi kujya bazimya ibikoresho byose bikoresha amashanyarazi nka tereviziyo, radiyo na mudasobwa no gutandukanya ibikoresho bikoresha amashanyarazi muri rusange mu gihe batari kubikoresha kandi ibyo na byo bakabikangurira abo babana mu rugo ndetse n’abandi baturarwanda.

Yagize ati "Abantu bose bakwiye kugira mu nyubako zabo ibikoresho by’ibanze byo kuzimya inkongi z’umuriro, ariko umuntu utarabona ubushobozi bwo kubigura ashobora gukoresha umucanga, amazi, n’ibitaka byumutse mu gihe habaye inkongi y’umuriro kandi agakupa amashanyarazi mbere ya byose ndetse agahungisha ibitarafatwa n’inkongi."

ACP Seminega yabwiye abo bafatanyabikorwa ba Polisi y’u Rwanda mu kwicungira umutekano nomero za terefone za Polisi y’u Rwanda zitabazwa mu gihe habaye inkongi z’imiriro, izo akaba ari : 112, 111, 0788311120, 0788311224, 0788311657 na 0788311335

CIP Kabandana we yababwiye ko abanyoye ibiyobyabwenge nk’urumogi na Kanyanga bakora ibyaha nko gukubita no gukomeretsa, ihohoterwa rishingiye ku gitsina, gufata ku ngufu, no gusambanya abana. Ibi byaha bikaba biteza umutekano muke, bityo buri wese akaba akwiye kutabinywa, kutabitunda, no kutabicuruza, kandi agatanga amakuru ku gihe y’ababikora."

Yababwiye kandi gukangurira abaturage kuba ijisho ry’umutekano, kubakangurira kwitabira umugoroba w’ababyeyi, no kwirinda amakimbirane.

Na none ku itariki 6 Ugushyingo 2015 CIP Kabandana yahaye ubu butumwa abafatanyabikorwa ba Polisi y’u Rwanda mu kwicungira umutekano bo mu murenge wa Kacyiru barenga 200.

RNP

IBITEKEREZO
Mike

Twese abaturarwanda dukwiye kuba abafatanyabikorwa ba Polisi y'u Rwanda mu kurwanya no gukumira ibyaha kuko ababikora babangamira ituze rya rubanda. Urugero : Abanyoye ibiyobyabwenge bakora urugomo, bakubita abantu no kubakomeretsa ndetse n'ibindi byaha bitandukanye.

rucogoza

Police kubufatanye bwayo bwiza natwe nk'abaturage, biduha ikizere ko nyuma yejo nta byaha cyangwa abagizi banabi azaba bakitwihishamo kuko dukoze ikipe cyangwa i team ikomeye.

Mike

Umutekano twese uratureba kuko ntacyo wakora utawufite. Dukwiye rero kunganira Polisi y'u Rwanda mu kuwucunga kuko itabona umupolisi ishyira kuri buri rugo.

KAMANZI

ndashimira polisi uburyo ihora ibungabunga ubusugire bwabanyarwanda ibarindira umutekano kandi ishaka ikintu cyose gihungabanya umutekano ikagikumira kitaraba


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...