LATEST NEWS
MU RWANDA
Abakekwaho gushora abana bato mu tubari batawe muri yombi
Publish Date: mardi 29 décembre 2015
VISITS :1315
By Admin

Polisi y’Igihugu yataye muri yombi abantu 8 bacyekwaho gushora abana 17 batarageza ku myaka 18 mu tubyiniro no mu tubari.

Mu bafashwe harimo abantu 3 bafite utubari ndetse n’abantu bakuru bajyanye abana mu tubari bagera kuri batanu.

Abana bafatiwe mu tubari harimo abahungu 6 ndetse n’abakobwa 11.

Hirwa Christian ufite akabari kitwa Vision Club avuga yafashwe azira ko mu kabari ke hafatiwe umwana muto w’umukobwa utari ufite indangamuntu.

Akomeza avuga ko ubusanzwe batajyaga basaba abana binjiye mu kabari kabo indangamuntu kuko barebaga ku isura ko umwana akuze cyangwa adakuze.

Aha avuga ko umwana umwe Polisi yafatiye mu kabari ke bari bamwibeshyeho bazi ko afite imyaka y’ubukure.

Hakizimana Omar ukorera mu kabari kari i Nyamirambo mu Mujyi wa Kigali yavuze ko mu kabari ke hafatiwe abana batatu.

Akomeza avuga ko ikosa ryakozwe n’abashinzwe gucunga umutekano w’abinjira mu kabari kuko batigeze basaba ibyangombwa abo bana.

Abari bajyanye n’abana bafatiwe mu tubari twaganiriye na bo bari mu maboko ya Polisi, bavuga ko batari bazi ko ari icyaha kujyana abana mu kabari.

Uwitwa Bosco avuga ko yafashwe yazanye n’umuryango we mu kabari bagiye kwishimira umunsi mukuru wa noheli.

Akomeza avuga ko atari azi ko kujyana bana bo mu muryango mu kabari na byo ari icyaha.

Mutoni Uwase Gisele, umwe mu bana bafatiwe mu tubari avuga ko yafashwe saa saba z’igicuku aho yari kumwe n’abandi bakobwa bamuruta.

Akomeza avuga ko ababyeyi be batari babizi kandi akaba atari gutaha kuko yari kuhava bukeye.

ACP Theos Badege, Umuyobozi w’Ishami rya Polisi y’Igihugu rishinzwe ubugenzacyaha yavuze ko gushora abana mu tubari ari icyaha gikomeye cyane kandi gihanwa n’amategeko y’u Rwanda.

Yakomeje avuga ko ari icyaha gikomeye cyane kuko cyangiza umwana kandi ari we Rwanda rw’ejo.

Ku bantu bose bafite inzu z’utubyiniro n’utubari, ACP Badege yabasabye ko bagomba kureba niba umuntu uhinjiye yujuje imyaka y’ubukure, bikaba byatuma batafatirwa muri iki cyaha.

Anemeza ko abenshi ari abana b’abanyeshuri bari mu biruhuko, hakaba hanarimo abambaye imyenda y’urukozasoni.

Yanasabye Abanyarwanda muri rusange igihe cyose babonye umwana uri mu kabari ko bazajya bihutira kubimenyesha Polisi y’Igihugu mu rwego rwo guca burundu iki cyaha.

ACP Badege yanasobanuye ko nta muntu wemerewe kujyana umwana mu kabari ngo amuhe inzoga nubwo yaba ari umubyeyi we cyangwa umuvandimwe we.

Abakekwaho gushora abana mu tubari

Abana bafatiwe mu tubari

Ingingo ya 219 yo mu gitabo cy’amategeko ahana (Penal Code) ivuga ko umuntu wese uha cyangwa ugurisha inzoga cyangwa itabi, cyangwa umukoresha mu icuruzwa ryabyo, ahanishwa igifungo kuva ku mezi atatu (3) ariko kitageze ku mezi atandatu (6) n’ihazabu y’amafaranga y’u Rwanda kuva ku bihumbi magana atatu (300,000) kugeza kuri miliyoni imwe (1,000 000) cyangwa kimwe gusa muri ibyo bihano.

Ni na byo bihano bihabwa ushishikariza umwana kunywa inzoga cyangwa itabi cyangwa kujya mu tubari.

Umwanditsi wacu

IBITEKEREZO
Kalisa

Ndumva hagomba gutandukanywa discothèque na buvette. Muri discothèque nta biryo bibamo uretse amuse gueles nyamara muri buvette habamo na brochettes n'inkoko. Bibaye kuriya abana bacu bari gufungwa kenshi kuko ntagihe tutabajyanye muri buvette tukabagurira frites na brochettes cyangwa inkoko.Noneho nibabuze n'abantu kujya muri restaurant kuko naho hari ibinyobwa. Itegeko rigomba gusobanuka rikareba disco gusa.

nana

hhhhhhhhhh bariya bakecuru mbona nibo muvugako arabana muziko bariyamuvugako arabana banywa nkimodokari ihiye muransekeje kweli

mayira

Yewe ndumiwe pe ! None se ibi ko bidasobanutse ! Ubu njye mubyeyi njyanye n'abana banjye bafite entre 8 et 12 ans mu kabari nkabagurira inkoko yokeje kubera ko njye ntazi kuyiyokereza, nkabagurira fanta bakarya bakanywa bakishima, mba ndi mu cyaha ? Aha mudusobanurire neza kuko njye buri gihembwe ndabikora.

saba ramos

Hari icyo ntasobanukiwe ku byatangajwe n'uyu muyobozi wa police : umuntu ajyanye n'umuryango we mu kabari, ariko harimo abana batarageza ku myaka 18, maze abakuru niba banywa inzoga bakazinywa ariko abana bakanywa ibinyobwa bidasembuye nka fanta, jus , amazi...bakirira n'ifiriti na brochette. Icyo cyaba ari icyaha kubera ko bakandagiye mu kabari ?


TANGA IGITEKEREZO

Kwamamaza
Kwamamaza
Also in this section
Inama y’Abagore bo mu nzego z’umutekano muri Afurika yasojwe hafashwe ingamba zo guca ihohoterwa rishingiye ku gitsina

Inama y’Abagore bo mu nzego z’umutekano muri Afurika yasojwe hafashwe ingamba...

Abagenerwabikorwa ba Imbuto Foundation bakanguriwe kurangwa n’ikinyabupfura

Abagenerwabikorwa ba Imbuto Foundation bakanguriwe kurangwa n’ikinyabupfura

Amahanga arifuza ikoranabuhanga ryahimbwe n’Abanyarwanda mu gukurikirana abanyeshuri

Amahanga arifuza ikoranabuhanga ryahimbwe n’Abanyarwanda mu gukurikirana...

[AMAFOTO] : Mushakire hamwe ingamba zirwanya ihohoterwa rishingiye ku gitsina-Minisitri w’Intebe Murekezi

[AMAFOTO] : Mushakire hamwe ingamba zirwanya ihohoterwa rishingiye ku...

Bwa mbere, U Rwanda rurakira inama nyafurika y’abagore bo mu nzego z’umutekano

Bwa mbere, U Rwanda rurakira inama nyafurika y’abagore bo mu nzego...

NEW POSTS
Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...