LATEST NEWS
New section No17
Abakora cyangwa bagakwirakwiza amafaranga y’amiganano akabo kashobotse
Publish Date: mercredi 11 novembre 2015
VISITS :404
By Admin

Polisi y’u Rwanda iributsa abaturarwanda ko amafaranga y’amiganano agira ingaruka mbi ku bukungu bw’igihugu bityo ikaba ibakangurira kutayakora no kutayakwirakwiza kandi bagatanga amakuru ku gihe y’umuntu ubikora.

Ubu butumwa buje bukurikira ifatwa ry’abantu batanu bafatiwe mu turere twa Nyarugenge, Bugesera na Kicukiro ku itariki 8 Ugushyingo 2015 bafite ibihumbi 430 by’amafaranga y’u Rwanda y’amiganano agizwe n’inoti z’ibihumbi bitanu.

Mu karere ka Bugesera hafatiwe Rurangirwa Louis ufite imyaka 76, Majyambere Silas uri mu kigero cy’imyaka 26 na Hakizimana Evariste ufite imyaka 34, aba bakaba barafatanywe angana n’ibihumbi 105 barimo kugura ibicuruzwa bitandukanye mu kagari ka Mbyo, mu murenge wa Mayange bakoresha ayo mafaranga y’amiganano.

Habiyambere Venuste ufite imyaka 43 yafatiwe mu kagari ka Nyakabanda, Umurenge wa Niboyi, mu karere ka Kicukiro, agiye kubitsa angana n’ibihumbi 270 kuri Banki.

Uwitwa Ndikumana Ezechiel uri mu kigero cy’imyaka 30 yafatanywe ibihumbi 55 ashaka kubigura terefone igendanwa mu kagari ka Nyabugogo, mu murenge wa Kimisagara, mu karere ka Nyarugenge.

Umuvugizi wa Polisi y’u Rwanda Chief Superintendent of Police (CSP) Celestin Twahirwa yagize ati :" Kwigana amafaranga ntibirafata intera ndende mu Rwanda ariko n’iyo yaba make ateza igihombo abantu, ibyo bikaba bigira ingaruka mbi ku iterambere ry’abo yahawe ndetse n’iry’igihugu muri rusange, akaba ari yo mpamvu buri wese akwiye kubyirinda no kubirwanya."

Yakomeje asobanura ko amafaranga y’amiganano atuma ifaranga nyaryo ry’igihugu rita agaciro maze agira inama abatarabona ubushobozi bwo kugura imashini itahura amafaranga y’amiganano kujya basuzuma neza inoti bahawe mbere y’uko uzibahaye agenda kugira ngo barebe ko ari nzima kandi abasaba kujya bihutira kumenyesha Polisi vuba igihe cyose bahawe cyangwa babonye ufite ay’amiganano.

CSP Twahirwa yashimiye abaturage batanze amakuru yatumye bariya batanu bafatwa maze abasaba gukomeza gukorana neza na Polisi y’u Rwanda bayiha amakuru yatuma hakumirwa ikintu cyose kinyuranyije n’amategeko ndetse yanatuma hafatwa abagikoze cyangwa abategura kugikora.

Yavuze ko aba bafatanywe ariya amafaranga y’amiganano bafungiwe kuri sitasiyo za Polisi y’u Rwanda muri turiya turere mu gihe iperereza rikomeje.

Ingingo ya 601 y’igitabo cy’amategeko ahana y’u Rwanda ivuga ko umuntu wese, ku bw’uburiganya wigana,uhindura cyangwa wonona amafaranga y’ibiceri akoreshwa mu Rwanda cyangwa mu mahanga, impapuro zifite agaciro k’amafarangay’igihugu zisinywe na Leta, ziriho tembure yayo cyangwa ikirango cyayo, inoti zemewe cyangwa izindi mpapuro zikoreshwa mu Rwanda cyangwa mu mahanga, n’uzana cyangwa ukwizamu Rwanda izo mpapuro n’izo noti azi ko ziganywe cyangwa ko zahinduwe, ahanishwa igifungo kirenze imyaka itanu kugeza ku myaka irindwi.

Ingingo ya 602 yo ivuga ko umuntu wese ukora ibyaha biteganyijwe mu ngingo ya 601 y’iri tegeko mu rwego mpuzamahanga, ahanishwa igifungo kuva ku myaka irindwi kugeza ku myaka icumi.

Kamurase Hassani

IBITEKEREZO
Mike

Ni byo rwose ayo mafaranga ashobora gutesha agaciro ifaranga ryemewe ry'igihugu.Polisi yakoze gufata bariya bantu bari bayafite. Abayakora n'abayasakaza bo bashaka babireka kuko isaha iyo ari yo yose bazafatwa.

KAMANZI

amafaranga yamahimbano adindiza iterambere ryigihugu kandi turangajwe imbere no guteza imbere igihugu cyacu bityo abo bashaka kudusubiza inyuma turabamaganye kandi polisi turayishimira uburyo ibarwanya natwe tuyifashe mukuyiha amakuru

Juma

Nibyo koko iki gikorwa ntago kirafata intera ndende gusa ibijya gushya birabanza bigashyuha kandi umwana apfa mu iterura aba bahimba amafaranga y'amahimbano bagomba guhashywa kandi hagafata ibihano bikarishye mu rwego rwo guhashya ubu butekamutwe kuko bitabaye ibyo byafata indi ntera ifaranga ryacu rigata agaciro.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Agatha Kanziga : sinigeze nunva radio RTLM na Habyarimana ntayo yumvaga

29-04-2017

Agatha Kanziga : sinigeze nunva radio RTLM na Habyarimana ntayo...

Abava muri FDLR bose bagaragaza gucikamo ibice gukomeye

29-04-2017

Abava muri FDLR bose bagaragaza gucikamo ibice gukomeye

Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...