LATEST NEWS
MU RWANDA
Abakurikiranye neza ikibazo cy’uwahoze ari Meya wa Rubavu bahamya yuko yashyizwe mu manza bitari ngombwa
Publish Date: mercredi 9 décembre 2015
VISITS :1500
By Admin

Hamaze iminsi havugwa iyegura n’ifungwa rya ba Mayor b’ Uturere dutandukanye ndetse n’abanyamabanga Nshingwa bikorwa b’Utugari n’Imirenge. Ibi biraba mugihe ba Mayor bose bo mu gihugu bagomba kurangiza manda zabo muntangiriro z’uyu mwaka wa 2016.

Muri uyu mwaka ninaho hateganijwe amatora y’inzego z’ibanze. Tukazakomeza kubagezaho ibirebana n’Imihigo n’ibibazo byaranze uturere dutandukanye twibanda ku miyoborere myiza ndetse n’impamvu zateye ifungwa rya bamwe mu bayobozi b’uturere.

Muri iyi nkuru turibanda kubibazo uwahoze ari umuyobozi w’Akarere ka Rubavu, Bahame Hassan, yahuye nabyo ariko ababikurikiraniye hafi bakavuga yuko bitari ibibazo byagatumye umuntu atwarwa mu nkiko !

Bahame Hassan yatwawe mu manza biturutse kucyemezo cyo kugurisha isoko riri mu mujyi wa Gisenyi mu Karere ka Rubavu, Bahame Hassan yari abereye umuyobozi.

Umuyobozi w’Akarere ni nka Perezida w’igihugu mu karere ayoboye ariko aho bitandukaniye n’uko umuyobozi w’Akarere hari ibyemezo biturutse hejuru agomba gushyira mu bikorwa yabyemera cyangwa atabyemera. Perezida wa Repubulika we hari ibyemezo ashobora kwanga, izindi nzego zabyemera cyangwa zitabyemera.

Nk’uko twabikomojeho Bahame Hassan yatwawe mu manza kubera ibyemezo byafatiwe mu karere yari abereye umuyobozi ariko atari afitiye ububasha bwo kubyanga. Yarezwe yuko yatanze isoko ryo kugura isoko ryo mu mujyi wa Gisenyi akoresheje gutonesha kandi ku giciro gito cyangwa ku buntu. Iryo soko ryahawe kampuni yitwa ABBA Ltd.

Nyamara amakuru dufite n’uko icyifuzo cyo kugurisha iryo soko kitari icy’Akarere ka Rubavu cyangwa ngo Bahame Hassan abe yarabigizemo uruhare rubogamye cyangwa kuritangira ku buntu nk’uko ababimushinja babivuga.

Amakuru dufite kandi yizewe n’uko icyemezo cyo kugurisha iryo soko riri mu karere ka Rubavu cyafashwe kubushishozi bwa MINALOC, ari nayo yohereje impuguke yayo kureba uko iryo gurishwa ryashyirwa mu bikorwa ntawe uhenze undi. MINALOC yohereje umutekinisiye wayo witwa Sibomana Said.

Uyu mutekinisiye yashoboye kumvisha njyanama y’Akarere ka Rubavu yuko iryo soko rikwiye kugurishwa nayo irabyemera. Aha hose twagerageje kureba uruhari rwa Bahame Hassan nti turubone. Inama zose zo gutanga iryo soko ntabwo Bahame yari azirimo. Uko rero yakuruwe mu rubanza ugasanga bidasobanutse. Ujya mu rubanza ute kandi utarufitemo uruhari ? Abarufitemo uruhari ni inama njyanama, yatanze isoko kimwe na ABBA Ltd yaritsindiye.

Icyo abantu bibaza n’uko igitekerezo cyo gutanga iryo soko cyavuye muri MINALOC, kigakurikiranwa n’umukozi wayo kugeza ubwo gishyirwa mu bikora, bifatanyije na bamwe mu bayozi b’Akarere.

Ubwo se meya yashinjwa babihereye ku ki ? ese Bahame ashinjwa kuba yaratanze umutungo wa leta ku buntu kandi bigaragara yuko uwo mutungo wagurishijwe kuri kampuni yitwa ABBA Limited kandi Mayor Bahame atari anahari.

Twakurikiranye icyo kibazo dusanga muri rusange isoko ryaratanzwe ku buryo bukurikira : MINALOC yafashe icyemezo cy’uko Akarere ka Rubavu kagomba kugurisha isoko ryubatse mu mujyi wa Gisenyi mu kagari ka Nengo mu kibanza nomero 1069.

Nk’uko twabikomejeho haruguru MINALOC yohereje umutekinisiye wayo akaba DG muri LODA, Sibomana Said, washoboye kumvisha inama njyanama y’Akarere ka Rubavu impamvu yo kugurisha iryo soko. Abajyanama 25 kuri 25 bemeje yuko iryo soko rigurishwa, isaba nyobozi kubishyira mu bikorwa, hubahirijwe amategeko yo gutanga amasoko ya leta.

Sheikh Hassan Bahame wahoze ari Mayor wa Rubavu

Hakurikiyeho kumenyesha abaturage abaturage bakorera mu isoko rishaje ndetse n’abikorera bo muri Rubavu ngo bishyire hamwe bashobore kuba bafata iryo soko.

Inama yayobowe n’umunyamabanga nshingwabikorwa w’intara, Jabo Paul afatanyije n’uwari visi meya ushinzwe ubukungu, Buntu Ezzechiel.

Hakozwe inama nyinshi n’abikorera ku giti cyabo ziyobowe na visi meya ariko ntibyagira icyo bitanga. Kuwa 24/04/2014 Umunyamabanga uhoraho muri MINALOC yakoze uruzinduko mu karere ka Rubavu mu rwego rwo gusura no gutanga inama muri gahunda zitandukanye mu iterambere.

Yakoranye n’ikipe yo ku rwego rw’intara y’uburengerazuba yari igizwe na guverineri wayo, gitifu w’intara n’umunyamabanga w’intara kimwe n’uwari umwanditsi. Muri iyi nama harimo kandi umukozi wa MINALOC ushinzwe intara y’uburengerazuba, Bigango Prosper. Akarere kari gahagarariwe na visi meya ushinzwe ubukungu na visi perezida w’inama njyanama ushinzwe ubukungu,, Murenzi Janvier.

Nyuma y’aho visi meya atanze incamake y’aho kwegurira isoko abikorera hafashwe umwanzuro ukurikira : Akarere gushaka byihutirwa gushakisha evaluator wemewe n’amafaranga yo kumuhemba agashakirwa muri LODA, bikaba byarangiye tariki 15/05/2014. Akarere gutegura DAU ku bufatanye na RDB, MENICOFIN, RHA, RPPA bitarenze tariki 30/06/2014, gahunda yo gutangira igurisha igatangira tariki 15/07/2014. Iyi gahunda yo kugurisha ikaba yararangiye tariki 31/19/2014.

Izi nzego zavuzwe zose zaramenyeshejwe. RDB ihugura uwitwa Mbarushimana, procurement w’Akarere, ku buryo icyo gikorwa cyakorwa. Ibikorwa byaratangiye hanyuzwa amatangazo kuri TVR, Imvaho Nshya na The New Times.

Abantu barapiganye, harimo CAMEL-PSF Rubavu na ABBA Ltd ari nayo yegukanye iryo soko ku giciro kingana b’amafaranga 1,325,096,283. Ibi kandi byemejwe n’akanama gashinzwe kugena agaciro.

Haje gukorwa amasezerano hagati y’Akarere kari gahagarariwe na shefu wa budget, Kalisa Christpher na Nsabimana Christopher wari uhagarariye ABBA Ltd. Uko rero witegereje uko iryo soko ryatanzwe ushakisha uko Bahame Hassan yabigizemo uruhari ukahabura !

Twibaze ku kirego ubwacyo cyari Gutanga k’ubuntu no kugiciro kidakwiye umutungo wa rubanda igiciro kizakwemezwa ko aricyo hasigara ngo isoko ryatanzwe k’ubuntu abareganywe na Bahame kandi ikirego kimwe babaye abere aribo bari bashinzwe igikorwa cyo kugurisha arinabo batangiranye niyo gahunda kugeza k’umusozo wayo.

Aha rero buri wese yakwisesengurira akareba aho ukuri kuri.

Umwanditsi wacu

IBITEKEREZO
Saviola

Bahame yafunzwe kukibazo cya ruswa yatswe umudamu wqgombaga guhabwa ikibanza cyahahoze ingoro ! Ikibazo cy'isoko sicyo yari afungiwe !


TANGA IGITEKEREZO

Kwamamaza
Kwamamaza
Also in this section
Richard Muhumuza yavanwe ku mwanya w’Ubushijacyaha Bukuru, akazasimburwa na Mutangana J.B

Richard Muhumuza yavanwe ku mwanya w’Ubushijacyaha Bukuru, akazasimburwa na...

Polisi y’u Rwanda na TIGO basinyanye amasezerano ku gutahura ibyaha

Polisi y’u Rwanda na TIGO basinyanye amasezerano ku gutahura...

Muhanga : Umushoferi afunzwe akurikiranyweho guha umupolisi ruswa

Muhanga : Umushoferi afunzwe akurikiranyweho guha umupolisi...

Muri ULK : Abanyeshuri 2986 bahawe impamyabumenyi

Muri ULK : Abanyeshuri 2986 bahawe impamyabumenyi

NEW POSTS
Umudiho uva mu itako

10-12-2016

Umudiho uva mu itako

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...