LATEST NEWS
New section No17
Abantu 10,409 bari mu bizamini byo gukorera impushya zo gutwara ibinyabiziga
Publish Date: mercredi 11 novembre 2015
VISITS :314
By Admin

Guhera tariki ya 2 ugushyingo 2015, abantu 10,409 bari mu bizamini byo gukorera impushya zo gutwara ibinyabiziga hirya no hino mu gihugu nk’uko bitangazwa n’ishami rya Polisi y’u Rwanda rishinzwe kubungabunga umutekano wo mu muhanda.

Abiyandikishije gukora ibizamini bibemerera kubona uruhushya rw’agateganyo rwo gutwara ibinyabiziga ni 5,857 mu turere twose. Mu gihe abagera ku 4,552 bo mu gihugu hose nabo batangiye gukora ibizamini by’uruhushya rubemerera gutwara ibinyabiziga rutari urw’agateganyo.

Ubuyobozi bw’ishami rya Polisi y’u Rwanda rishinzwe kubungabunga umutekano wo mu muhanda buravuga ko ikorwa ry’ibi bizamini, biri muri gahunda yabo y’uku kwezi kwahariwe abakora ibizamini bya rusange.

Ibizamini byitwa ibya rusange birimo gukorwa ubu, birakorwa n’abaturage biyigisha amategeko y’umuhanda ku giti cyabo,hasuzumwa ko bafite ubumenyi buhagije ku birebana n’amategeko y’umuhanda, noneho abazabitsinda,bakazahabwa impushya zo gutwara ibiyabiziga nk’uko bitangazwa n’Umuvugizi w’ishami rya Polisi y’u Rwanda rishinzwe kubungabunga umutekano wo mu muhanda Superintendent of Police (SP) JMV Ndushabandi.

Gahunda y’ibyo bizamini iteye ku buryo bukurikira : Abo mu mujyi wa Kigali bakoze ibyo bizamini kuva tariki ya 2-7 ugushyingo,Intara y’amajyepo hiyongereyeho uturere twa Rusizi, Nyamasheke, Karongi, Rutsiro, na Ngororero barimo kubikora guhera tariki ya 9-11 Ugushyingo,Intara y’Amajyaruguru hiyongereyeho uturere twa Nyabihu na Rubavu ni ukuva tariki ya 16-18 Ugushyingo, naho abiyandikishije gukorera ibyo bizamini bo mu turere tw’Intara y’I Burasirazuba bo bakaba bagomba kubikora guhera tariki ya 23-25 Ugushyingo 2015.

Ubuyobozi bw’ishami rya Polisi y’u Rwanda rishinzwe umutekano wo mu muhanda butangaza ko ibizamini nk’ibyo binateganyijwe kuzakorwa mu kwezi gutaha k’Ukuboza n’abasanzwe biga amategeko y’Umuhanda mu mashuri asanzwe atanga ubwo bumenyi.

Umuvugizi w’ishami rya Polisi y’u Rwanda rishinzwe kubungabunga umutekano wo mu muhanda Superintendent of Police (SP) JMV Ndushabandi yasabye abiyandikishije gukorera izo mpushya zo gutwara ibinyabiziga kujya bazinduka bakagera aho ibizamini bikorerwa mu turere twabo kugira ngo babikore hakiri kare, ku buryo binabafasha bo ubwabo gusubira muri gahunda zabo vuba.

SP JMV Ndushabandi yasabye kandi abantu biyandikisha gukora ibizamini byo kubona impushya zo gutwara ibinyabiziga kujya bakurikiza neza amabwiriza yo kwiyandikisha, kuko hari aho byagaragaye ko hari ababikora nabi maze ntibibone kuri za lisiti mu gihe cyo gukora ibyo bizamini.

Biyandikisha muri ubu buryo bukurikira : Kujya muri terefone yawe ahandikirwa ubutumwa bugufi (SMS), kwandikamo nimero y’irangamuntu yawe,gusigamo umwanya, ukandika akarere wifuza kuzakoreramo ikizamini,gusigamo umwanya,kwandika uruhushya wifuza gukorera,(urugero ;B,C,D….noneho niba ari urw’agateganyo andika P), ugasiga umwanya, ukurikizaho kwandika uruhushya usanganywe (urugero niba wari usanganywe urwa A urandika nimero yarwo, niba ushaka gukorera urw’agateganyo nta rundi usanganywe, urandikamo umubare wa 0) ugasigamo uumwanya, hanyuma ukandika nimero y’urupapuro wishyuriyeho amafaranga muri banki yo kwiyandikisha gukora icyo kizamini.

Iyo urangije wohereza ubwo butumwa kuri 3126 hanyuma ugahita ubona ubundi butumwa bugusubiza ko wemerewe kuzakora icyo kizamini.

RUSHYASHYA

IBITEKEREZO
kagabo

Abantu ibihumbi 10,409 nibenshi pee turashimira police kwegereza servisi abaturage tudatera imirongo kuri polisi ubu ikoranabuhanga ryarabikemuye amategeko y'umuhanda nibwiza kuyamenya.

Mike

Nta ko Polisi y'u Rwanda idakora ngo itwegereze serivisi nziza. Kugira impushya zo gutwara ibinyabiziga bizatuma impanuka zo mu muhanda zigabanyuka.

Juma

Abanyarwanda bamaze kujijukirwa n'akamaro k'amategeko y'umuhanda, erega aya mategeko natgo areba abatwara ibinyabiziga gusa n'abagenda n'amaguru nabo bagomba kugira ubumenyi mw'ikoreshwa ry'imihanda nyabagendwa


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...