LATEST NEWS
MU RWANDA
Abanyeshuri 2124 basoje amasomo yabo muri kaminuza yigenga ya ULK
Publish Date: mercredi 16 décembre 2015
VISITS :716
By Admin

Kuri uyu wa gatanu tariki 11∕12∕2015, abanyeshuri bagera ku 2124 barangije amasomo yabo muri kaminuza yigenga ya ULK.

Mu byiciro byombi, 336 bahawe impamyabumenyi y’ icyiciro cya gatatu cya Kaminuza (Masters degree) naho 1788 bo basoje mu cyiciro cya kabiri cya Kaminuza (Bachelors degree) bose hamwe bakaba 2124.

Iyi ikaba ari inshuro ya 12 ULK, itanga impamyabumenyi ku barangiza icyiciro cya kabiri cya kaminuza (bachelor’s degree), ndetse n’inshuro ya kabiri ku barangiza icyiciro cya gatatu cya kaminuza ( masters degree) mu mashami atandukanye.

Umuyobozi w’iyi kaminuza Prof. Kalisa Mbanda mu ijambo rye, yavuze ko ibikorwa iyi kaminuza imaze kugeraho bishingiye ku bufatanye n’ubutwari n’umuco wo gukunda igihugu barushaho gushyigikira gahunda za leta z’iteranbere mu bukungu bashyize hamwe, abanyeshuri, abarimu, ababyeyi ndetse na Guverinoma.

Mu mwaka wa 2012, leta y’u Rwanda yemeje amashami 9 y’icyiciro cya gatatu cya kaminuza (Masters) muri iri iyi kaminuza yigenga ya ULK, usanga bizafasha abanyarwanda kurahura ubumenyi mu Rwanda batarinze bajya kuburahura mu mahanga, bikazanafasha leta y’u Rwanda kugabanya ingengo y’imari itangwa mu gufasha abanyeshuri kujya kwiga icyo cyiciro hanze y’igihugu. Ibi ni ibyatangajwe na Dogiteri Sekibibi Ezechiel, umuyobozi wungirije w’iyi kaminuza.

Umuyobozi w’iyi kaminuza kandi yasabye abahawe impamyabumenyi kutazatatira iki gihango cy’ubumenyi bahawe barushaho kuzirikana no gutekereza icyateza imbere igihugu n’abanyarwanda.

Umuyobozi mukuru washinze ULK, Prof. Rwigamba Balinda yashishikarije aba barangije amasomo kwishyirahamwe bakihangira imirimo ngo kuko nta mutwe umwe wigira inama.

Yagize ati : “Ndagirango mugende muhange akazi kuko ibyo twabigishije guhanga akazi nabyo birimo, mutinyuke, mwirukane ubwoba,”

Yakomeje akangurira aba basoje amasomo kudashyira imbere ku vuga ngo babuze igishoro ngo kuko igishoro kiza ku mwanya wa kane mu nama yabagiriye.

Yagize ati : “ Udufaranga duke dushoboka dufite imigisha y’Imana twagufasha kugera ku igenamigambi rinoze, amafaranga meza make kandi ahawe imigisha n’Imana akoreshejwe ahantu agenewe igihe akenewe agira akamaro, ati kandi ayo mafaranga azava kuri cya cyizere ufitiwe n’abantu kuko ntawatinya kukuguriza amafaranga makeya mu gihe akubonamo icyizere.” Yababwiye kandi kuba bakwishyira hamwe nka sosiyete bakaguza amafaranga yo gukora imishinga.

Muri izi nama yabagiriye kandi Prof.Rwigamba yakomeje agira ati : “ icya mbere ni ukwigirira icyizere, udafite icyizere nta kuntu watinyuka ngo uhange umushinga, ati nta kuntu wahanga umushinga ufite ubwoba, ati kandi icyo cyizere kizatuma ugira igenamigambi rifatika ryiza, ryahawe umugisha n’Imana,” Yakomeje ababwira kandi kugira umwete n’ubwitange bwo hejuru, bongera amasaha yo gukora kandi banazirikana indangagaciro z’ubunyarwanda n’ubunyangamugayo buhamye kandi byose bakabitura Imana.

Mukesha Sandra, umunyeshuri wavuze mu izina rya bagenzi be basoje amasomo, nawe ahamya adashidikanya ko ubumenyi bahawe buzabafasha kugera kuri byinshi.
Yagize ati : “Abanyeshuri twahawe ubumenyi buhagije , twabonye n’ibikoresho bihagije n’amasomo yo ku rwego rwo hejuru azadufasha gupiganwa ku rwego rw’akazi,”
Mukesha akomeza anakangurira bagenzi be kwigirira icyizere no gukomera ku ndoto zabo zo kwiyubakira ejo hazaza.

Bamwe mu banyeshuri basoje icyiciro cya kabiri cya kaminuza muri iri shuri baganiriye n’ikinyamakuru Rushyashya, harimo abarangije mu ishami ry’ikoranabuhanga (computer science). Bavuga ko bazashobora gupiganirwa akazi nta mbogamizi z’ubumenyi buke bafite.

Ntibitura Cyuzuzo Emmanuel, avuga ko azabasha kwihangira umurimo, agafasha abanyarwanda n’abanyafurika guhanga udushya abandi batagezeho.
Nubwo abanyeshuri bashima ubumenyi buhagije barahuye muri iri shuri, bamwe bavuga ko bifitiye icyizere cyo guhanga akazi ariko bakagaruka ku mbogamizi z’igishoro.

Madame Irafasha Solange, Ni umwe muri aba banyeshuri, aragira ati : “ mu by’ukuri twabikora tukanategura imishinga ariko kubona igishoro ni ikibazo gikomeye,”
Madame Irafasha akaba asaba leta kugena uburyo yajya ihuza abashomeri badafite akazi, bakabatega amatwi bumva ibitekerezo bafite ndetse ikareba uburyo yabafasha kubibyaza umusaruro.

Madame Nyiranzabonimpa Zuhrat, nawe asoje amasomo y’icyiciro cya kabiri cya kaminuza muri iri shuri rya ULK, mu ishami ry’amasomo ajyanye n’iterambere (Developmeny studies). Avugako icyambere gikomeye mu guhanga akazi ari ukugira ubwonko butekereza neza.

Agira ati : “ Nk’urugero mu buhinzi, tugomba kwitegereza ahantu tukareba uburyo twahabyaza umusaruro, tukishyira hamwe tukabikora tugendeye kuri gahunda za leta tukitezimbere dutezimbere n’abandi badafite akazi, ariko ntitwashora amaboko gusa tudafite igishoro,”

Rushyashya kandi yagiranye ikiganiro na Hakizimana Cesar, umwe mu basoje icyiciro cya gatatu (Masters) mu bumenyi n’ikoranabuhanga.

Agira ati : “ ubumenyi nkuye muri ULK buri ku rwego mpuzamahanga ku buryo bunyemerera gupiganwa n’abo mu bihugu byo muri Afurika ndetse no hanze y’Afurika,”

Avuga ko nk’umusanzu bazageza ku banyarwanda bazakomeza kongera ingufu mu ikoranabuhanga mu bijyanye n’itumanaho ngo kuko ikoranabuhanga ari wo musingi w’iterambere.

ULK, imaze kuba ubukombe kuko abyirangijemo abenshi bari mu myanya y’ubuyobozi munzego zitandukanye no mukazi gatandukanye.

Amafoto agaragaza umuhango uko wari wifashe :

Ms. Sandra Mukesha wabaye indashyikirwa muri EAC

Prof. Dr Rwigamba Balinda, atanga impanuro

Abayobozi bakuru ba ULK bifotozanya n’ababyeyi n’abanyeshuri

Prof. Kalisa Mbanda Chancellor wa Kaminuza yigenga ya Kigali.

Sandra Mukesha wavuze ijambo mu izina rya bagenzi be

Abatsinze neza amasomo yabo

Umuhango watangijwe no kwiragiza Imana

Aba nabo ni abatsinze neza amasomo yabo

Groupe y’abaririmbyi

Abanyeshuri bishimiye kurangiza amasomo

Akarasisi k’abarangije muri ULK

Abanyeshuri n’abarimu bari bishimiye uyu muhango

Hakizimana Cesar yavuze ko azatanga umusanzu we mu ikoranabuhanga

Inzego za leta zitabiriye uyu muhango.

Prof. Dr Balinda yicaranye n’umufasha we.

Dr Sekibibi Ezechiel, Vice Chancellor wa Kaminuza yigenga ya Kigali.

Uhereye ibumoso ugana iburyo, Dr Okoko Osambo na Dr Karambizi Sylvestre.

Abarimu bakurikirana umuhango

Aba banyeshuri bavuzeko ntambogamizi bazagira mu kwihangira imirimo

Hakizimana Elias

IBITEKEREZO

TANGA IGITEKEREZO

Kwamamaza
Kwamamaza
Also in this section
Richard Muhumuza yavanwe ku mwanya w’Ubushijacyaha Bukuru, akazasimburwa na Mutangana J.B

Richard Muhumuza yavanwe ku mwanya w’Ubushijacyaha Bukuru, akazasimburwa na...

Polisi y’u Rwanda na TIGO basinyanye amasezerano ku gutahura ibyaha

Polisi y’u Rwanda na TIGO basinyanye amasezerano ku gutahura...

Muhanga : Umushoferi afunzwe akurikiranyweho guha umupolisi ruswa

Muhanga : Umushoferi afunzwe akurikiranyweho guha umupolisi...

Muri ULK : Abanyeshuri 2986 bahawe impamyabumenyi

Muri ULK : Abanyeshuri 2986 bahawe impamyabumenyi

NEW POSTS
Umudiho uva mu itako

10-12-2016

Umudiho uva mu itako

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...