LATEST NEWS
MU RWANDA
Abapolisi b’u Rwanda bari mu butumwa bw’amahoro basabwe kwimakaza indangagaciro za LONI
Publish Date: lundi 16 novembre 2015
VISITS :186
By Admin

Abapolisi b’u Rwanda bari mu butumwa bw’umuryango w’Abibumbye (LONI), babungabunga umutekano mu gihugu cya Centre Afrique, basabwe kwimakaza indangagaciro za LONI.

Ibi byatangajwe tariki ya 14 Ugushyingo, na Commissioner Louis Carrilho uyobora Ishami rya Polisi ry’umuryango w’Abibumbye ribungabunga umutekano muri Centre Afrique.

Aha, hari mu gikorwa cyo gusoza amahugurwa y’iminsi 4, aho abapolisi b’u Rwanda 140, bahabwaga ubumenyi butandukanye bugamije kubafasha gusobanukirwa n’inshingano zabo bityo kugira bazabashe gukora neza akazi kabategereje muri iki gihugu.

Yagize ati, “Bagenzi banyu bababanjirije mri iki gihugu, bakoze neza banasiga urugero rwiza, ibi bikaba byarahesheje ishema LONI ndetse n’igihugu cyabo. Uyu munsi, nimwe mutahiwe murasabwa rero ku zagera ikirenge mu cyabagenzi banyu kandi mu haranira kwimakaza indangagaciro za LONI zirimo, ubunyangamugayo, ubunyamwuga ndetse no kubaha imico y’abandi.”

Iri tsinda ry’abapolisi b’u Rwanda ryahawe aya mahugurwa rifite inshingano zirimo ; kurinda abayobozi bakomeye b’iki gihugu ndetse no kurinda bimwe mu bikorwa remezo.

Muri iki gihe bamaze bahugurwa, bahawe amasomo arimo nk’ ; imiterere y’ikibazo cy’umutekano muri CAR, ubumenyi bujyanye no gutabara no gukiza abafashwe bugwate, ibijyanye n’ihohotera rishingiye ku gitsina, uburyo bwo gukoresha imbaraga za gisirikare aho biri ngombwa , ndetse no kurinda abana n’ibindi.

Uyu muyobozi yakomeje avuga kandi ko, muri rusange abapolisi bari mu butumwa bw’amahoro muri CAR, bafite inshingano zitandukanye, izi zirimo nko ; kurinda abasiviri, kwimakaza ubutabera, gufasha inzego z’umutekano kwiyubaka, kurinda iyangizwa ry’umutungo kamere, kurinda uburenganzira bwa kiremwa muntu n’ibindi. Yakomeje asaba ko buri wese agomba kugira uruhare kugira ngo izi nshingano zibashe kugerwaho.

Yibukije abapolisi barangije aya mahugurwa ko bagomba kandi kurangwa na disipuline bityo kugira ngo babashe kuzakora neza inshingano zibategereje.

Yunzemo agira ati, “Disipuline niyo nkingi mwamba izabafasha kugera ku byo LONI ibategerejeho.”

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

NEW POSTS
Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...