LATEST NEWS
MU RWANDA
Abapolisi bo mu bihugu 8 bitegura kujya mu butumwa bwa LONI batangiye amahugurwa i Gishali
Publish Date: mardi 24 novembre 2015
VISITS :163
By Admin

Umuyobozi mukuru wa Polisi y’u Rwanda, Inspector General of Police, Emmanuel K. Gasana, tariki ya 23 Ugushyingo 2015, yatangije amahugurwa y’abapolisi bitegura kujya mu butumwa bw’amahoro bw’umuryango w’abibumbye (LONI), aya mahugurwa yitabiriwe n’abapolisi 60 baturutse mu bihugu umunani. Akaba azamara ibyumweru bibiri.

Aya mahugurwa agamije gutegura no guha ubumenyi abapolisi bitegura kujya mu butumwa bw’amahoro, yateguwe n’Umutwe wa Polisi wo mu karere k’Iburasirazuba bw’ Afurika, ushinzwe gutabara aho rukomeye (EASF).

IGP Gasana yagize ati, “U Rwanda rumenyerewe nk’igihugu, aho abapolisi bo mu bihugu byo muri Afurika y’Iburasirazuba baza bagabwa amahugurwa ku bumenyi bujyanye n’ubutumwa bw’amahoro, n’ubwo dutegura amahugurwa kuri aba bapolisi ndetse n’abaturuka mu bindi bice bitandukanye by’isi, natwe ubwacu by’umwihariko nk’iri ishuri, rihakura ubumenyi n’ubunararibonye butuma bategura aya mahugurwa mu buryo bwa kinyamwuga.”

Yunzemo kandi agira ati, “Kugira ngo tubashe guhangana n’ibibazo by’ umutekano bigenda bihindura isura, Polisi y’ u Rwanda yafashe ingamba yo kongerera ubumenyi abapolisi. Abapolisi bitegura kujya mu butumwa bw’amahoro bagomba gutegurwa neza bahabwa ubumenyi bubafasha kuzuza neza inshingano zabo aho bari hirya no hino mu butumwa bw’amahoro.”

Abateraniye muri aya mahugurwa batoranijwe mu bihugu nka : Comoros, Ethiopia, Kenya, Somalia, Sudan, Uganda, Denmark n’u Rwanda rwayakiriye.

Umuyobozi mukuru wa Polisi y’U Rwanda yakomeje avuga kandi ko, u Rwanda rumaze igihe kinini rutanga umusanzu warwo mu kohereza abapolisi n’ abasirikare mu butumwa bw’ amahoro, u Rwanda rukaba kandi ruzanakomeza gutanga uyu musanzu kugira ngo rukomeze gufasha mu kugarura umutekano hirya no hino ku isi.

Yanagaragarije abari muri aya mahugurwa ko, u Rwanda rufite abapolisi mu bihugu umunani hirya no hino ku isi ndetse ko ubu ruri ku mwanya wa gatanu ku isi mu bihugu byohereza abapolisi benshi mu butumwa bw’amahoro.

Aya mahugurwa yateguwe n’Umutwe wa Polisi wo karere k’Afurika y’Iburasirazuba, ushinzwe gutabara aho rukomeye (EASF) ku bufatanye n’igihugu cy’u Bwongereza.

Amasaderi w’Ubwongereza mu Rwanda, William Gelling yagize ati, “Aya mahugurwa arerekana ko ubufatanye bwa za Polisi zo mu karere ari ingenzi ndetse ko nta cyananirana mu gihe izi polisi zihuje imbaraga, aya mahugurwa arerekana kandi uburyo u Rwanda rumaze kuba igihugu cy’icyitegererezo, rufite ahantu hujuje ibisabwa byose, aho abapolisi baturutse mu bindi bihugu biza kuvoma ubumenyi mu bijyanye n’ubutumwa bw’amahoro.”

Ambasaderi Gelling yashimye kandi Polisi y’u Rwanda kuba yarakiriye aya mahugurwa ndetse anashima ibihugu byemeye kohereza abapolisi kugira ngo baze kuyitabira.

Yavuze ko igihugu cye cyiteguye gukomeza gutera inkunga ibikorwa byose bijyanye no kubungabunga amahoro.

Yagize ati, “Intego yacu ni uko dukomeza guharanira ko, abapolisi berekeza mu butumwa bw’amahoro bahabwa ubumenyi bubategurira gukora neza akazi kabo mu butumwa bw’amahoro, bityo kugira ngo igihe bari muri ubu butumwa bagire umusaruro ugaragara.”

Mu gihe cy’ibyumweru bibiri, abateraniye muri aya mahugurwa, bazahabwa ubumenyi mu masomo akurikira : Imvo n’imvano y’Umuryango w”Abibumbye n’Umuryango w’ Afurika, imiterere y’ubutumwa bw’amahoro na disipuline igomba kuranga abari mu butumwa bw’amahoro, imbogamizi zirebana n’ubutumwa bw’amahoro ndetse n’uburyo bwo kuzirinda, uko bagomba kwitwara mu butumwa bw’amahoro n’andi.

Finn-Torre Peterson, uhagarariye Umuryango utabara aho rukomeye mu karere k’Afurika y’iburasirazuba (EASF) yavuze ko, aya mahugurwa ariyo ya nyuma muri uyu mwaka,akaba abaye ku nshuro ya kane.

Umwe mu bitabiriye aya mahugurwa, Kapiteni Chaibou Mohamed wo mu birwa bya Comores, yavuze ko aya mahugurwa aje akenewe ndetse ari ingezi, dore ko yivugira ko kugira ngo abapolisi babashe kuzuza neza inshingano zabo zo kurinda no kubungabunga umutekano, bisaba ko abapolisi baba bafite ubumenyi buhagije.

RUSHYASHYA

IBITEKEREZO

TANGA IGITEKEREZO

Kwamamaza
Kwamamaza
Also in this section
Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

Abikorera bagaragarije Umukuru w’Igihugu Paul Kagame ikibazo cy’inyubako...

Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...