LATEST NEWS
MU RWANDA
Abarenga 130 ku bijyanye n’inshingano zabo zo gutanga amakuru
Publish Date: mercredi 18 novembre 2015
VISITS :91
By Admin

Polisi y’u Rwanda mu turere twa Nyabihu na Musanze, ku wa 16 Ugushyingo 2015, yahuguye abagize komite zo kwicungira umutekano (Community Policing Committees-CPCs) barenga 130 bo mu murenge wa Rurembo, w’akarere ka Nyabihu, n’abo mu wa Nyange, wo mu ka Musanze, ku bijyanye n’inshingano zabo.

CPCs bo mu murenge wa Nyange bageraga kuri 80 bahuguwe na Inspector of Police (IP) Sauda Mujawamariya, akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha muri aka karere, akaba yarabahuguriye mu kagari ka Kivugiza.

Abo mu wa Rurembo bageraga kuri 51 bahuguwe na Assistant Inspector of Police (AIP) Marie Rose Uwizera, akaba na we ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha muri aka karere, icyo gikorwa akaba yaragikoreye mu kagari ka Murambi.

Bose uko barenga 130 bigishijwe ubwoko bw’ibiyobyabwenge nk’urumogi, ingaruka mbi zabyo, haba ku wabinyoye, umuryango we, ndetse no ku bandi bantu kubera ibikorwa binyuranyije n’amategeko babakorera kubera byo.

IP Mujawamariya yabwiye abo mu murenge wa Nyange ko ibiyobyabwenge, uretse kuba kubikwirakwiza, kubinywa no kubicuruza, ubwabyo ari icyaha, biri mu bituma ababinyoye bakora ibyaha birimo gukubita no gukomeretsa, ubujura, ihohoterwa rishingiye ku gitsina, gufata ku ngufu, no gusambanya abana, maze abasaba kongera imbaraga mu gufatanya na Polisi y’u Rwanda gukangurira abandi baturage kubyirinda no kugira uruhare mu kubirwanya.

Yabasobanuriye ko ihohoterwa rishingiye ku gitsina rishobora gukorwa n’umugabo arikorera umugore we cyangwa ikindi gitsina gore nk’uko ryakorwa n’umugore arikorera umugabo we cyagwa ikindi gitsina gabo, aha akaba yarabahaye urugero rwo kumukubita no kumukomeretsa , kumutuka, kumutota, kumuhoza ku nkeke, kumuvunisha, kumukoresha imibonano mpuzabitsina ku gahato, no kumubuza uburenganzira ku mutungo bashakanye.

Yababwiye ati :"Ingaruka zaryo ntizigera gusa ku warikorewe ahubwo zigera no kumuryango we, akaba ari yo mpamvu buri wese akwiye kumva ko kurirwanya no kurikumira biri mu nshingano ze atanga amakuru y’abakoze bene biriya byaha cyangwa abategura kubikora."

Yababwiye kandi kujya basobanurira abaturage ko ibiyobyabwenge bidindiza iterambere ry’ubinywa kuko iyo bifashwe birangizwa, bityo amafaranga yabishowemo akaba apfuye ubusa kandi ko imbata yabyo idakora ngo yiteze imbere.

AIP Uwizera yabwiye CPCs bo mu murenge wa Rurembo kujya bakangurira abagabo b’aho batuye kwitabira umugoroba w’ababyeyi, bakabasobanurira ko ari urubuga rwiza rwo gushakira umuti urambye ibibazo biri hagati y’abantu .

Yabasabye kuba inyangamugayo kandi bagakangurira abaturage kuba ijisho ry’umutekano birinda ibikorwa byose binyuranyije n’amategeko kandi bagaha Polisi y’u Rwanda amakuru ku gihe y’ababikoze cyangwa abategura kubikora.

RUSHYASHYA

IBITEKEREZO
rucogoza

Gutanga amakuru ni inshingano zacu twese nk'abanyarwanda kuko ingaruka z'ibyaha zitugeraho twese.


TANGA IGITEKEREZO

Kwamamaza
Kwamamaza
Also in this section
Ruswa ishingiye ku gitsina mu Rwanda, ihurizo rikomereye Umuvunyi Mukuru

Ruswa ishingiye ku gitsina mu Rwanda, ihurizo rikomereye Umuvunyi...

Uburyo abakoze ibizamini bya Leta bamenya ibigo bazigaho

Uburyo abakoze ibizamini bya Leta bamenya ibigo bazigaho

Hazitabazwa Ambasade ya Kenya mu guca abazunguzayi b’abamasayi bakorera muduce dutandukanye twa Kigali

Hazitabazwa Ambasade ya Kenya mu guca abazunguzayi b’abamasayi bakorera...

Musanze : Police yaganirije abakora mu rwego rw’ubuvuzi kuri ruswa

Musanze : Police yaganirije abakora mu rwego rw’ubuvuzi kuri...

NEW POSTS
Ibyiza dukesha ikoranabuhanga biruta kure ibibazo rishobora gutera - Perezida Kagame

23-01-2017

Ibyiza dukesha ikoranabuhanga biruta kure ibibazo rishobora gutera -...

Abanyafurika bakeneye kwihutisha ibyo bakora ngo hagerwe ku byo batashoboye kugeraho- Kagame

23-01-2017

Abanyafurika bakeneye kwihutisha ibyo bakora ngo hagerwe ku byo batashoboye...

Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...