LATEST NEWS
MU RWANDA
Abashaka gufasha interahamwe gutera u Rwanda “Uwampa ngo babigire vuba nkwereke . Rwose ndaribwaribwa mpora ntegereje
Publish Date: mardi 12 avril 2016
VISITS :1963
By Admin

Perezida Paul Kagame mu kiganiro yagiranye na bamwe mu banyamakuru k’umugoroba wo kuri uyu wa gatandatu, tariki ya 9/4/2016, kuri Stade Amahoro i Remera, yavuze ko ashingiye ku makuru y’uko hari ibihugu byo mu karere bishyigikiye abahunze u Rwanda bashinjwa kugira uruhare rukomeye muri Jenoside yakorewe Abatutsi mu 1994, igahitana abasaga miliyoni ; yavuze ko abazagerageza gutera u Rwanda nabo bazineza ko bitazabahira.

Perezida Kagame yavuze ko u Rwanda rufite inshingano yo guharanira ko Jenoside itazongera kuba mu gihugu, mu bindi bihugu ho rukaba rwafatanya n’amahanga mu kuyikumira.

Umukuru w’igihugu yavuze ko ajya yumva ko mu bihugu by’abaturanyi hari ‘abaribwaribwa’ ngo bashaka gufasha Interahamwe n’indi mitwe gutera u Rwanda, ariko ngo yiteguye guhangana nabo.

Yagize ati “Uwampa ngo babigire vuba nkwereke. Rwose ndaribwaribwa mpora ntegereje, ariko bamwe bashaka no kubikora ubundi barabizi, bazi ko bitazabahira. Ngira ngo ni nacyo kibatinza. Ariko uwangirira ngo babigerageze.”

Perezida Kagame yavuze ko ibikorerwa mu bindi bihugu u Rwanda ruzategereza amahanga icyo azabikorera, ariko ngo ibyo kugarura Jenoside mu Rwanda byo “ntabwo bishoboka.”

PREZIDA PAUL KAGAME YASABYE ABANYARWANDA KUTARANGAZWA N’IBY’ABARUNDI BATUKANA KU KARUBANDA NK’ABASHUMBA

Perezida Kagame abajijwe icyo avuga ku bimaze iminsi bivugwa n’ubutegetsi bw’u Burundi ko u Rwanda rwaba rushaka ko muri iki gihugu naho haba Jenoside, yavuze ko nta mwanya abanyarwanda bakwiye guta bavuga ku bijyanye n’u Burundi.

Ati "Ibiba i Burundi cyangwa ibibera i Burundi numva nta kinini nkwiye kuba mbivugaho ntabwo byantwarira umwanya kuko n’abandi Banyarwanda ntibikabatwarire umwanya munini."

"Ntabwo bikwiye kuturangaza. Dukwiye gukomeza gukora ibyo dushaka gukora byubaka igihugu cyacu. Ibyo bitandukanye n’ibyakwambuka umupaka biturutse aho ariho hose bikinjira mu gihugu cyacu ariko ibivugirwa hanze ntabwo numva twajya mu bitutsi ngo dutukane tubasubize twese tube kimwe."

" Ntabwo njye numva nabijyamo nta n’umunyarwanda nabwira gutukana.

Iby’Abarundi mubirekere Abarundi, Abanyarwanda dukore ibidukwiye bijyanye n’umutekano mu gihugu cyacu n’amajyambere y’igihugu cyacu.

Iby’Abarundi mubirekere Abarundi niyo baba bavuga Abanyarwanda cyangwa batuka Abanyarwanda mubibarekere."

Leta y’u Burundi yagiye ishinja u Rwanda kuba rushyigikiye abagamije guhirika ubutegetsi bwa Perezida Nkurunziza, kugeza n’aho bemeza ko hari urubyiruko rw’Abarundi ruri kwitoreza rugamije gushyira mu bikorwa uwo mugambi.

Perezida Kagame yakomoje ku kibazo cy’Abanyarwanda birukanywe muri Tanzania
Kuva Tanzania yabona Perezida mushya, Dr John Pombe Magufuli, umubano w’u Rwanda n’iki gihugu wahinduye isura ugenda uba mwiza ibyemezwa n’abakuru b’ibihugu byombi.

Perezida wa Tanzania yagiriye uruzinduko mu Rwanda aho yanifatanyije n’Abanyarwanda mu muhango wo gutangiza ibikorwa byo kwibuka ku nshuro ya 22 Jenoside yakorewe Abatutsi.

Ageze mu Rwanda yatangaje ko uruzinduko rwe rugamije gushimangira umubano w’igihugu cye n’u Rwanda.

Perezida Kagame mu kiganiro n’abanyamakuru

Ubwo yabazwaga ikibazo cy’Abanyarwanda birukanywe muri Tanzania bagasigayo imitungo yabo, Perezida Kagame yagize ati "Umubano uri hagati y’u Rwanda na Tanzania bitewe n’ubuyobozi bushya buriho umeze neza. Nicyo cyangombwa, nicyo cy’ibanze nubwo umubano mwiza uriho uzakemura ibibazo byose byaba biri hagati ya Tanzania n’u Rwanda binyuze mu butwererane n’inzego zose z’ubufatanye ari hagati y’ibihugu byombi cyangwa se mu bijyanye no kwishyira hamwe kwa EAC.Nicyo rero kiri mu bizakemurwa mu byari bihari. Ngira ngo yarabyivugiye mwarabyumvise ukuntu ubu urujya n’uruza rw’abanyarwanda n’abanyatanzaniya ruzashoboka birenze ibisanzwe n’abafite rero icyo bashaka gukurikirana birashoboka ko bazabikurikirana.

Umwanditsi wacu

IBITEKEREZO
wakarema

Ariko kuki abanyarwanda bamwe ar'intashima koko !!! ese gutegeka abanyarwanda hari uwibeshya ko byoroshye ? H.E President nitwe twamwitoreye nkumuntu twabonyeho ubushobozi, niba hari ikibazo ufite bwira umuyobozi ukwegereye ushinzwe ibyo bibazo ntago President yamenya byose icyarimwe nk'Imana niyo mpamvu hubatswe inzego zubutegetsi zinafite inshingano yo kurinda abanyarwanda n'uzabigerageza cg uwabipimye mwarabyiboneye ejobundi muri Bushenyi cg kwa ex mayor uko byabagendeye baziko bikinze ijoro gusa ibyabarundi bivugisha byo mwarabibonye ko uretse kwica inzirakarengane no kwizimiriza isoko ryabo bisaba gutabaza, ubundi bakazana mdomo mdomo nk'imbwa iri murupangu ikamokera ingwe yihitira, gusa har'ubwo gashyiga izashyigura iyo mbwa ikarenga urupangu basi sebuja akazasigarana akazi ko guhamba imbwa.

Eric

Uwiyise Rudatinya,Wivuga ko amasasu ntacyo yamaze,ko mwari mwiyemeje kumara abatutsi,President iyo adakoresha amasasu hajyaga kurokoka nde ?Ahubwo mbere yo kurota mwatsinze iya democrasi,mwabanje mugashima Paul Kagame wanze ko inkotanyi zihora,iyo zikora uko mwari mwakoze wari kuba uvuga iki ?Harakabaho Kagame uyobora ntavangura,imana imuturindire,naho iyo democrasi uvuze reka tuyitegereze gusa muzanatubwire icyo mwenda guhindura,

Rudatinya M.

Murakoze kumpa urubuga, aho guhora yiteguye intambara y'amasasu ngo n'Interahamwe zo mu nzozi ze gusa, niyitegure iya Demokarasi abanyarwanda bo mu gihugu nabo hanze tugiye kumushozaho nta maraso y'abanyarwanda tumennye. Nta bunda nta masasu tuzitwaza nkuko na we ntacyo imbunda ze n'amasasu ye bizamumarira. N'aribwaribwe natwe turaribwaribwa, iya Demokarasi n'ashobora kuyitsinda. Rudatinya.


TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...