LATEST NEWS
New section No17
Abaturage basabwe kwirinda kwihanira
Publish Date: lundi 21 décembre 2015
VISITS :66
By Admin

Polisi y’u Rwanda irasaba abaturage kwirinda kwihanira ahubwo bakagana inzego zibishinzwe kugira ngo zibakemurire ibibazo bafitanye.

Ubu butumwa bwhawe abo mu karere ka Kamonyi, ku itariki 20 Ukuboza 2015, mu kiganiro n’abaturage b’akagari ka Kigese, ko mu murenge wa Rugarika, muri aka karere .

Abaturage bakanguriwe kujya begera inzego zibishinzwe kugira ngo zibagire inama cyangwa zibakiranure n’abo bafitanye ibibazo aho kwihanira nk’uko bamwe bajya babigenza.

Ubu butumwa babuhawe na Inspector of Police (IP) Athanase Niyonagira, akaba ashinzwe imikoranire ya Polisi y’u Rwanda n’abaturage ndetse n’izindi nzego hagamijwe ubufatanye mu kurwanya no gukumira ibyaha mu karere ka Kamonyi.

Ibi yabikanguriye abo baturage nyuma y’aho mu minsi ishize hagaragariye ibikorwa bitandukanye byo kwiganira byagaragaye muri bimwe mu bice by’aka karere.

IP Niyonagira yabwiye abo baturage ati :"Hagati y’abantu hashobora kuvuka ibibazo, ariko uko byagenda kose, ntibikwiye ko umuntu yihanira kandi hari inzego zishinzwe kumukiranura n’uwo bafitanye ikibazo. Bene iyo myanzuro igomba kwirindwa kandi ikarwanywa kuko iteza umutekano muke."

Yababwiye kutanywa, kudacuruza, no kudakwirakwiza ibiyobyabwenge nk’urumogi n’inzoga zitujuje ubuziranenge zirimo izo bita : Ibikwangari, Muriture, Yewe muntu, n’izindi , kuko biri mu bitera ababinyoye kwihanira no gukora ibindi byaha nko gusambanya abana, gufata ku ngufu, gukubita no gukomeretsa, n’ihohorerwa rishingiye ku gitsina.

IP Niyonagira yabakanguriye kuba ijisho ry’umuturanyi kandi abagira inama yo kujya bitabira umugoroba w’ababyeyi , aha akaba yarabasobanuriye ko ari urubuga rwiza rwo kugaragaza ibibazo no kubishakira umuti urambye .

Yagize ati :"Umugoroba w’ababyeyi ntureba abagore, abafite ubushobozi buke cyangwa abatari intiti nk’uko bamwe bashobora kubitekereza.Ufitiye akamaro buri wese kuko ibibazo bishobora kuvuka hagati y’ibyiciro by’abantu bitandukanye ."

Ushinzwe irangamimerere mu murenge wa Rugarika, Uwayisenga Yvone yashimye Polisi y’u Rwanda muri aka karere ku nama yagiriye abo baturage, maze na we abasaba kutihanira no kujya batanga amakuru ku gihe y’abantu bafitanye amakimbirane kugira ngo inzego zibishinzwe zibakiranure atarateza ingorane zikomeye.

Yabibukije gukora amarondo neza kugira ngo barwanye kandi bakumire ikintu cyose kinyuranyije n’amategeko kandi abakangurira kujya bihutira gutanga amakuru ku gihe yatuma gikumirwa ndetse yanatuma hafatwa uwagikoze cyangwa uri gutegura kugikora.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...