LATEST NEWS
New section No17
Abitabiriye inama y’inteko rusange ya 84 ya Interpol bigiye hamwe uko ibyaha byambukiranya imipaka byarwaywa
Publish Date: mercredi 4 novembre 2015
VISITS :83
By Admin

Kuwa kabiri tariki ya 3 Ugushyingo, imirimo y’inama y’inteko rusange ya Interpol yakomeje imirimo yayo. Abayiteraniyemo bigiye hamwe uko ibyaha byambukiranya imipaka byarwaywa.

Hanaganiriwe kandi ibyerekeranye no kurwanya ibyaha by’ubukungu ndetse na ruswa kuko nabyo ari inzitizi y’iterambere ry’abaturage.

Abatanze ibiganiro by’uwo munsi ni bamwe mu bagize inzego zo hejuru muri interpol barimo Alan Bersain, Filippo Dispenza, ndetse n’abandi bo mu bihugu nka Nigeriya Olushola Subair, ukomoka mu Butariyani Rosario Aitala, na Ying Wu ukora muri Interpol yo mu Bushinwa.

Muri iyo nama havugiwemo ko inzego za leta ndetse n’abakora ibikorwa by’ubucuruzi bakoresha ikoranabuhanga ryo ku rwego rwo hejuru mu gihe abikorera ndetse n’abaturage bo baba bakishakisha mu gukoresha iryo koranabuhanga ryo ku rwego riciriritse.

Abayoboye ibiganiro by’uwo munsi berekanye ko hakiriho imbogamizi abakora iperereza bahura nazo mu bijyanye no gukumira ibyaha bya ruswa ndetse n’iby’ubukungu kubera iryo koranabuhanga bakoresha.

Banaganiriye kandi ku byerekeranye n’icuruzwa ry’ibiyobyabwenge, barebera hamwe imbogamizi mu kubirwanya, ari nako basuzumira hamwe icyakorwa mu kurwanya icuruzwa ry’ibyo biyobyabwenge.

Iki kiganiro cyari kiyobowe na Roraima Andriani uyobora ishami rishinzwe kurwanya ibyaha biba byateguranywe ubuhanga kandi bikwirakwizwa hirya no hino,aho yagarutse ku biyobyabwenge nka heroine, methamphetamine na cocaine.

Abitabiriye umunsi wa kabiri w’iyo nama banaganiriye kandi ku byaha by’ikoranabuhanga, aho hari bamwe mu banyabyaha binjira muri za mudasobwa bakayobya za porogaramu z’abantu runaka cyangwa bagakoreramo ibindi bikorwa bibi. Bose bashyigikiye gahunda zigezweho zo guhashya ibyo byaha no gukomeza ubufatanye mu kubirwanya.

Iyi nama y’inteko rusange ya interpol yatagiye tariki ya 2 ikazarangira tariki ya 5 Ugushyingo 2015.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...