LATEST NEWS
New section No17
Akarere ka Gatsibo kaboneye igisubizo Perezida Kagame
Publish Date: lundi 9 novembre 2015
VISITS :1719
By Admin

Mu myaka ibiri ishize Nyakubahwa Perezida wa Repubulika Paul Kagame yagaye tumwe mu turere twabaga utwa nyuma mu kwesa imihigo, akavuga ko hari utwishimira kuguma mu myanya ya nyuma.

Mu ijambo Perezida Kagame yagejeje ku bavuga rikijyana bo mu ntara y’Iburasirazuba tariki ya 13 Ugushyingo 2014, yagaye cyane uturere twa Gatsibo na Rwamagana duhora mu myanya ya nyuma mu mihigo.

“Ariko icyo umuntu yakwibaza, iyo uje mu ba nyuma inshuro ebyiri zikurikirana biba bivuze ko hari ikintu udakora neza.

Muri abo babiri hari abaje mu ba nyuma inshuro zirenze imwe. Ubwo rero hari ikibazo.

Ikibazo iyo wakibonye nabwo ukakireka ngo gihite gusa, ugomba gushaka uko ugikemura.”- Perezida Kagame

Ubuyobozi bw’akarere n’abafatanyabikorwa bako, bari mu mwiherero kuva tariki ya 06-08 Ugushyingo i Gabiro mu karere ka Gatsibo, bakaba baraganiriye ku kintu kibura kugira ngo akarere kese imihigo.

Bimwe mu bitekerezo byagarutsweho n’abafatanyabikorwa b’akarere bagaragaje ko hari abayobozi bategera abaturage ngo bumve ibibazo byabo ndetse abandi bakaka ruswa abaturage.

Ibindi byagarutsweho ni ugukorera hamwe, no gukora igenamigambi ryaganiriweho, ikindi amacakubiri yakunze kuranga ubuyobozi bw’akarere akaba amateka nkuko byagarutsweho n’ umuyobozi w’intara y’Iburasirazuba Odette Uwamaliya.

Kugira ngo akarere kese imihigo no kuva ku mwanya 24 kariho ubu mu kwesa imihigo, harasabwa uruhare rwa buri wese haba mu bayobozi ndetse n’abaturage.

“Harabura iki ngo twese imihigo ?”

Iyi ngingo ni imwe mu byaganiriweho mu mwiherero hagamijwe kurebera hamwe ikibura kugira ngo akarere ka Gatsibo gashobore kuva ku mwanya wa 24 kagere mu myanya myiza mu kwesa imihigo.

Mu kiganiro umuyobozi w’akarere Richard Gasana yagiranye n’itangazamakuru, yasobanuye bimwe mu bibazo byatumaga akarere ka Gatsibo katitwara neza mu kwesa imihigo ariko ko hari n’ibisubizo bashoboye kubona.

Yagize ati “Twasanze ikibazo gihari ari ukutegera abaturage kugira ngo tubereke ko ibyo dukora ari ibyabo, dufashe umwanzuro ko cya cyuho kiri hagati y’ubuyobozi n’abaturage tukiziba, ku buryo twegera abaturage tukamenya ibibazo bafite […] ariko n’ ibisubizo bitabonetse uwo mwanya, tukiremamo icyizere cy’uko ibitabonetse igihugu kibitekerezaho bikazakemuka.”

Nkuko yakomeje abitangaza, yavuze ko hari icyakorwa kugira ngo akarere kese imihigo kasinyanye na Perezida Paul Kagame.

Ati “Tugomba gukora igenamigambi rihuriweho, dufatanije twese, abafatanyabikorwa mu karere, abikorera, inzego zitandukanye tugahurira ku igenamigambi, tugakomeza turijyana muri bya byerekezo bigari by’igihugu, tugakora imishinga iramba, gutekereza ku mishanga yatuma ubuzima bw’abaturage buhinduka mu gihe cya vuba.”


Nyobozi y’akarere, uturutse iburyo ni umuyobozi ushinzwe imibereho myiza y’abaturage, Meya w’akarere, umuyobozi ushinzwe umukungu, n’umunyamabanga Nshingwabikorwa w’akarere.

Twiteze kuza myanya 10 ya mbere mu kwesa imihigo

Meya Gasana avuga ko kugeza ubu akarere kiteze kwesa imihigo ku mwanya mwiza, ariko ibyo bikaba byaratangiye gushyirwa mubikorwa.

Ati “Ugereranije n’umwaka ushize dusanga turimo gutera intambwe, nk’ubu mu masoko 19 twatanze hasigaye amasoko 4 atarasinywa, ni intambwe ikomeye nyuma y’igihembwe kimwe, nkaba mbona dukomeje kuba mu muvuduko.

Tuzageza mu kwezi kwa Nyakanga umwaka utaha, turi mu ruhando rw’uturere dushobora kurwanira imyanya myiza mu kwesa imihigo. Dukurikije aho tuvuye n’ibibazo twagiye tugiriramo nk’akarere nko guhinduranya abakozi, abayobozi nsanga tuje mu myanya 10 ya mbere mu kwesa imihigo byadushimisha.”

Haravugwa ONG za Baringa

Mu magambo ye bwite, Meya w’akarere ka Gatsibo Richard Gasana avuga ko hari imiryango itegamiye kuri leta (ONG) ikorera muri aka karere ariko ibyo ikora bikaba bidafitiye inyungu abaturage.

Yagize ati “Twakoze isesengura kuri izo za ONG zikorera mu karere zishobora kuba zigaragara ko ibyo zikora bidafite ibisubizo ku bibazo abaturage bacu bafite, ngira ngo mu byo twagaragaje hari ONG zigera kuri 5 tugikorera isesengura ryimbitse, ziri mu mutuku, mu by’ukuri ibyo zikora bitaza bisubiza ibibazo abaturage bafite.

Abo rero dushobora kubahindurira tukababwira tuti dore ibyo mukora ntabwo ari byo, ahubwo murebe icyerekezo cy’akarere ni iki, baba batabyemeye tukaba twabasaba ko bashobora kugira n’ibindi bajya gukorera ahandi tukababwira ko ibyo badufasha, abaturage bacu batabikeneye.

[…] Ariko nta nubwo ari ukubirukana, twe turashaka kugira ngo ibyo akarere gakeneye abe aribyo bakora.

Ibanga ryo kwesa imihigo

Meya Gasana agaruka ku ibanga barimo gukoresha kugira ngo akarere ka Gatsibo kazese imihigo.

Ashimangira ko ibanga nta rindi ritari ugufatanya, gukorera hamwe, gukora igenamigambi abantu bashyize hamwe, kwegera abaturage bakagirira icyizere ubuyobozi ariko nanone abantu bakagira n’ugutwi kumva kugira ngo icyerekezo cy’ igihugu kigerweho babigizemo uruhare.

RUSHYASHYA

IBITEKEREZO
inezaye

Gituza avuze nkumunyamagambo gusa. Ibyo avuze ntibiri practical, ashatse kugaragaza ko bameya biburasirazuba ari ibisambo gusa ntacyo bakora, ariko sibyo ibikorwa birivugira, kandi ntibyikora ahubwo bikorwa nabantu bafite ababayobora kandi ntekereza ko gituza atari yaza kuyobora iburasirazuba. Niba hari ibitagenda kubikosora binyuze mukubyunvikanaho ni umwe mumiti yagukora neza, nicy Gastibo yakoze. Abantu ntibagakunde kuvuga nabi gusa. Hari ibyo akarere kemera nka weakness ntabwo kabihakanye, ariko karimo gushyiramo ingufu zo gukosora kuki wowe wunva wajyaho ugahimba gusa ibidafite umumaro.

agizochristian

buri wese akwiye kwiteza imbere ni byo bikwikwiriye ku munyarwanda we se

gituza

Kwifotoza gusa no guhimba amasoko nibyo muzi, ubu kwambara imipira yanditseho amagambo bihuriye he no kujya mu mwiherero, ibi nuburyo bumwe bwo gusesa amafranga y'akarere no gushakisha indonke aho bitari ngombwa ntibizabatangaze igihe cyo gukora audit bavuze ngo impapuro zitanga isoko zarabuze cyangwa zemezwa n'abatanga amasoko ngo zarabuze, konger aiminsi yumwiherero no gutekinika inyemezabwishyu nibyo bya meya b'iburasirazuba


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’