LATEST NEWS
New section No17
Amateka asigamo abantu imvune- Gen Kabarebe
Publish Date: lundi 16 novembre 2015
VISITS :297
By Admin

Minisitiri w’Ingabo Gen. Kabarebe yasabye Abanyarwanda kudapfusha ubusa amahirwe bafite yo gukomeza kubaka igihugu nubwo hakiri imvune zasizwe n’amateka mabi ya Jenoside yakorewe Abatutsi.

Ikinyamakuru IMVAHO NSHYA kivuga ko ubwo ku Cyumweru yasobanuriraga urubyiruko n’abagore bo mu Mujyi wa Kigali basozaga ukwezi kwahariwe gukunda igihugu kwatangiye tariki ya 1 Ukwakira 2015, Gen Kabarebe yashimangiye ko nubwo u Rwanda rugeze ku rwego rushimishije ndetse n’Abanyarwanda bakaba bamaze gusobanukirwa n’agaciro ko gukunda igihugu, hakiri bimwe mu bisigisigi by’amateka.

Yagize ati “Buriya kuba Jenoside yarabaye mu Rwanda ni imvune ikomeye cyane tuzaheka n’abadukomokaho bakazayiheka, kuyihanagura bizagorana kuko yarabaye.”

Yakomeje agaragaza ko abenshi bahunga igihugu kubera impamvu zishamikiye ku mateka, ati “Umuntu yakora agakosa gato aho kwemera guhanirwa ibyo yakoze akagenda. Umuyobozi yanyereza umutungo wa Leta, bamuvugaho akavuga ngo ndahunga nyine. Uko nta gukunda igihugu kurimo.”

Yashimye uru rubyiruko n’abagore bagaragaje umusaruro ufatika muri uku kwezi, kwashojwe ku wa 15 Ugushyingo, bamaze mu bikorwa byo gufasha abatishoboye.

Umuhuzabikorwa w’Inama y’Igihugu y’Abagore ku rwego rw’Umujyi wa Kigali, yerekanye ibikorwa bakoze birimo amafaranga y’u Rwanda miliyoni yahawe abamugariye ku rugamba, inzu 33 zubatswe mu karere ka Nyarugenge.

Hari utishoboye wo ku Mulindi w’Intwari (Gicumbi) worojwe inka, abatishoboye bo mu murenge wa Masaka bahawe amafaranga ibihumbi 500, kubaka uturima tw’igikoni n’udutanda tw’amasahane mu ngo zitandukanye n’ibindi.

Abitabiriye uyu muhango bibukijwe ko ibikorwa nk’ibi byibutsa intwaro yakoreshejwe n’ababohoye igihugu yo kugikunda bagaharanira ko ibibazo by’Abanyarwanda byakemuka babicishije mu bwitange bari bafite.

Umuyobozi w’Umujyi wa Kigali, Fidèle Ndayisaba, yashimangiye ko gukunda igihugu ari ukurinda ibyagezweho no guharanita iterambere, cyane ko kugikunda bivugwa kubera ko Abanyarwanda bazi ingaruka zo kugitakaza no kwanga kugikunda.

RUSHYASHYA

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...