LATEST NEWS
New section No17
Batatu bakekwaho guhimba inyemezabuguzi za EBM bafashwe na Polisi
Publish Date: vendredi 4 décembre 2015
VISITS :683
By Admin

Ishami rya Polisi y’u Rwanda rishinzwe kurwanya magendu ryafashe abagabo babiri Abahinde babiri tariki ya 2 Ukuboza hamwe n’Umucungamari w’Umunyarwanda bose bakaba bakurikiranyweho guhimba inyemezabuguzi za EBM z’ibicuruzwa bifite agaciro ka miliyoni zisaga 40 z’amafaranga y’u Rwanda.

Abatawe muri yombi ni Rajendra,Umuyobozi wa sosoyete yitwa Sabura na mugenzi we Jignesh w’iyitwa Sai Service hamwe na Kalisa Abdallah wari usanzwe akora nk’umucungamari mu iduka rya Baale George Soulaiman ricuruza ibikoresho byo mu nzu birimo intebe n’utubati.

Baale George Soulaiman avuga ko Kalisa Abdallah bari basanzwe bakorana nk’umucungamari we akamufasha mu kumenyekanisha imisoro, yatwaye EBM agiye kwishyura imisoro y’iki gihembwe ariko ntiyayishyura.

Yakomeje avuga ko kuwa Kabiri tariki ya 01 Ukuboza 2015, ari bwo yarebye agasanga hasohotse inyemezabuguzi zigera kuri eshatu abajije Kalisa ibyazo amubwira ko hashobora kuba habaye ikibazo, ko ari ukubaza ku Kigo cy’Igihugu cy’Imisoro n’Amahoro.

Yagize ati “Umunsi ukurikiyeho naramuhamagaye ngo tujye kuri RRA yanga gufata telefoni, mfata icyemezo cyo kujyayo jyenyine mbasobanurira uko byagenze baramfasha, banyereka ko izo nyemezabuguzi ziriho amafaranga agera kuri miliyoni 40 zasohotse ndetse hariho n’abo zahawe bakoresheje ikoranabuhanga. Nakomeje guhamagara Kalisa ariko ntafate telefone ku mugoroba ni bwo yaje kunyoherereza ubutumwa bugufi ambwira ko atagishoboye gukorana nanjye.”

Yakomeje avuga ko ubusanzwe acuruza ibikoresho byo mu nzu birimo utubati n’intebe ariko inyemezabuguzi zatanzwe zikaba ari z’ibyuma bikoreshwa mu bwubatsi (Fer à béton) kandi akaba atarazicuruza na rimwe kuva yatangira ubucuruzi.

Aba Bahinde bo bemera icyaha bavuga ko Kalisa yaje ababwira ko ashobora kuborohereza kuzishyura imisoro akabaha inyemezabuguzi. Aba bahinde agize bati “Yaje atubwira ko afite Ikigo cy’Ubucuruzi ku giti cye kandi ko yadufasha tukazatanga imisoro micye.Yaradushutse natwe turemera.”

Aba bagabo bemeye icyaha bakomeza bavuga ko biteguye kwakira ibihano, bakanagira inama abandi bacuruzi kutagwa muri iki cyaha.”

Ukuriye ishami rishinzwe kurwanya magendu mu kigo cy’igihugu gishinzwe imisoro n’amahoro (RRA), Robert Mugabe, yavuze ko iki ari igikorwa cy’uburiganya cyo gushaka kunyereza imisoro y’igihugu kandi bihanirwa n’amategeko.

Nibahamwa n’icyaha cyo kuriganya imisoro bazahanishwa igifungo kiri hagati y’amezi atandatu n’imyaka ibiri ndetseno no kwishyura imisoro barigishije.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Dr Gerard Gahima yandagaje bamwe mu bashaka gupfobya no guhakana Jenoside yakorewe abatutsi mu 1994

24-06-2017

Dr Gerard Gahima yandagaje bamwe mu bashaka gupfobya no guhakana Jenoside...

Bombori-Bombori mu Ishema Party : Uwitwa Muzungu Pierre yandikiye Padiri Nahimana Imyanzuro Ikakaye

24-06-2017

Bombori-Bombori mu Ishema Party : Uwitwa Muzungu Pierre yandikiye Padiri...

Ingabo z’u Rwanda zirashakisha Uruhindu abagabye Igitero i Rusizi cyaguyemo umwe, umunani bagakomereka

23-06-2017

Ingabo z’u Rwanda zirashakisha Uruhindu abagabye Igitero i Rusizi...

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...