LATEST NEWS
MU RWANDA
Bimwe mu byo Abanyarwanda bakesha Umushyikirano
Publish Date: lundi 21 décembre 2015
VISITS :217
By Admin

Inama y’igihugu y’umushyikirano iteganijwe kumunsi w’ejo tariki 21-22/12/2015, izayibanjirije zafashije u Rwanda gutera imbere, biciye mu myanzuro itandukanye yagiye ifatirwamo ndetse no kuganira kuri gahunda zafashije guteza igihugu imbere.

Bimwe mu byo Abanyarwanda bakesha Umushyikirano

Iyo nama igenwa n’itegeko nshinga ryatowe mu mwaka wa 2003, yatangiye kuba bwa mbere muri uwo mwaka.

Nkombo yavuye mu bwigunge ihabwa ubwato n’amashanyarazi

Kuvana Ikirwa cya Nkombo mu bwigunge wari umwanzuro wa 14 wafatiwe mu Nama y’Igihugu y’ Umushyikirano yabaye ku matariki ya 15 na 16 Ukuboza 2011 , wasabaga ko hakorwa uburyo abatuye ku kirwa cya Nkombo bazajya bahahirana n’abaturanyi babo bo mu yindi mirenge no mu tundi turere tw’Igihugu.

Byaje gushyirwa mu bikorwa maze abatuye Nkombo bahabwa ubwato bwabavanye mu bwigunge, batangira kugenderanira n’ibice bitandukanye by’igihugu ndetse no muri uno mwaka Perezida Paul Kagame yabemereye ubundi bwato, bwiyongera ku bwa mbere n’amashanyarazi bamushimiye ko yabavanye mu icuraburindi bahozemo byatumaga bibaza niba batuye mu Rwanda.

Ikigega Agaciro mu nama ya 9 y’Umushyikirano

Ikigega Agaciro Development Fund cyakomotse ku mwanzuro wafatiwe mu Nama y’Umushyikirano ya 9 yabaye ku matariki ya 15-16 Ukuboza 2011, ukigarukaho wari ujyanye no gushyiraho ikigega gihurizwamo amafaranga atari imisoro [ cyaje kwitwa Ikigega Agaciro].

Nyakatsi yacitse burundu

Inama y’umushyikirano yabaye tariki ya 20-21 Ukuboza 2010 yafashe imwe mu myanzuro irimo guca burundu nyakatsi. Ubu inzu zabaga zisakaje ubwatsi(nyakatsi) mu Rwanda zamaze kuba amateka abavuka ubu babaza uko zabaga zimeze, ndetse guca iyo nyakatsi byaje kuva ku nzu byadukira n’uburiri, aho Abanyarwanda bararaga ku byatsi n’imisambi, abenshi bamaze kwigurira matora.

Hatangijwe kandi Inteko y’Ururimi n’Umuco bitewe n’umwanzuro wafatiwe muri iyo nama, ubu igenda irengera ururimi rw’ikinyarwanda ndetse n’umuco w’Abanyarwanda ngo bidacika.

Icyo gihe hanafashwe uwo gutegura gahunda y’uburezi bw’imyaka 12, yamaze gutanga umusaruro kuko umubare w’abarangiza amashuri yisumbuye wikubye inshuro nyinshi, bitewe n’uko batakigorwa no kubona amafaranga y’ishuri ahubwo bigira ubuntu.

Hafashwe kandi umwanzuro wo gukangurira abaturage kugana Koperative zo kuzigama no kugurizanya (SACCO). Icyo gihe sacco zarimo kuvuka ariko abaturage benshi bataziganaga kuzitabira uko bisabwa, ubu bamaze kwitabira ku kigero cyo hejuru kandi baguza amafaranga yazo bakayakoresha mu bikorwa bibateza imbere.

Sacco Terimbere y’ Umurenge wa Nyagihanga mu karere ka Gatsibo yatangijwe mu mwaka wa 2010 n’abanyamuryango 1257 ifite n’imari shingiro ya miliyoni 15, ariko mu mwaka wa 2013 yari imaze kugira abanyamuryango bikubye hafi inshuro eshanu kuko babaye 5626 bafite n’imari shingiro ya 24 n’ibihumbi 571, ubwizigamire bw’abanyamuryango bwari bugeze kuri miliyoni 49 n’ibihumbi 765 n’inguzanyo hanze zingana na miliyoni 22 n’ibihumbi 921.

Mu miyoborere myiza, hafashwe imyanzuro irimo iyibanda ku gukumira Jenoside no kwita ku mibereho y’abarokotse Jenoside yakorewe Abatutsi, kunoza politiki igena ikanatunganya gahunda y’ubukorerabushake, kwegereza abaturage ubushobozi n’ubuyobozi ndetse no gukumira ruswa no gushishikariza impunzi gutahuka.

Abarokotse Jenoside bamaze kugenda biyubaka hirya no hino, ubukorerabushake nabwo bwamaze gutera intambwe, aho bagenda bafasha igihugu mu mirimo itandukanye irimo kuyobora ibikorwa by’amatora nta gihembo, mu bijyanye no gushishikariza impunzi gutahuka.

Ku bijyanye no gukorana n’ibihugu by’amahanga kugira ngo byohereze mu Rwanda abakoze jenoside cyangwa se bikaba byabacira imanza, hagiye hoherezwa abantu batandukanye barimo Dr Leon Mugesera urimo kuburanishirizwa mu Rwanda, kandi umubare w’aboherejwe ndetse n’abafatwa urimo kugenda wiyongera umunsi ku wundi nyuma y’uko hari ibihugu byahagurukiye icyo gikorwa.

Girinka na TIG byagarutsweho mu nama ya karindwi

Yabaye hagati ya tariki ya 10-11 Ukuboza 2009 yafashwe imyanzuro yo kongera imbaraga mu mirimo nsimburagifungo ifitiye igihugu akamaro (TIG) yaje gutuma igihugu cyunguka ibikorwa bitandukanye n’ abakoze ibyaha bagashyira mu bikorwa ibihano bahawe bamara kubisoza bagafungurwa ku bari bafunze.

Abaturage bifashije bari barahawe inka zitabagenewe muri Gahunda ya Girinka bakanguriwe kuzigarura, abaturage kandi bashishikarijwe kugira gahunda y’uburezi bw’ibanze bw’imyaka icyenda iyabo, maze nyuma biza gutanga umusaruro mwiza aho abaturage bafashije leta mu bijyanye no kubaka ibyumba bishya byigirwamo n’abana babo.

One Dollar Campaign, Umurenge Sacco ,Itorero ry’igihugu...

Inama ya 6 y’umushyikirano yabaye hagati ya 18-19 Ukuboza 2008, bimwe mu byagezweho byari byaganiriweho harimo ishyirwaho ry’Inama nyunguranabitekerezo ku ngamba zo kurwanya ruswa kandi n’abantu ibihumbi 90 bitabira Itorero ry’Igihugu nyuma y’ubukangurambaga bwakozwe kuri iyo gahunda y’Itorero.

Kwimakaza umuco wo kuzigama no kugabanya imyenda byatumye hashyirwaho Koperative zo kuzigama no kugurizanya (SACCO) mu Mirenge yose uko ari 416 ku buryo umubare w’abanyamuryango bazo wiyongereye ukagera kuri 675.772.

Hakozwe ubukangurambaga bugamije kurwanya ingengabitekerezo ya jenoside kandi abaturage bashishikarizwa kuboneza urubyaro, benshi mu Banyarwanda bamaze kumva ko kubyara abana benshi ntacyo ufite cyo kutabateganyiriza ari ikibazo gikomeye.

Abanyarwanda kandi bashishikarijwe kwitabira gutura mu midugudu, guhuza ubutaka no kurwanya isuri nabyo bimaze gutanga umusaruro mwiza.

Gahunda ya ‘One Dollar Campaign’

Gahunda ya « One Dollar Campaign » yashoboye gukusanya miliyari y’amafaranga y’u Rwanda yo kubakira imfubyi za jenoside. Ibyo bikaba byarafashije mu gushyira mu bikorwa umwanzuro wari ugamije gufasha abarokotse jenoside batishoboye.

Hafashwe n’undi mwanzuro usaba kwihutisha gahunda y’uburezi bw’ibanze bw’imyaka 9 watumye abaturage bubaka ibyumba by’amashuri 3000 bafatanyije na Leta y’u Rwanda. Kugeza ubu aya mashuri yatanze umusaruro n’Isi irata.

Nyagatare na Musanze twabimburiye utundi mu kwesa imihigo

Inama ya 5 y’Umushyikirano yabaye hagati ya tariki 27-28 Ukuboza 2007, uturere twa Nyagatare na Musanze twahembwe nk’uturere tubimburiye utundi mu kwesa imihigo, gahunda yatangijwe mu mwaka wa 2006, kuva icyo gihe uturere twatangiye kurushanwa mu gukorera neza abaturage biduhesha umwanya w’imbere.

Icyo gihe ni na bwo bwa mbere hatanzwe ibihembo ku twarushije utundi mu kwesa Imihigo.

Hafashwe kandi imyanzuro 19 , irimo kwihutisha gahunda yo kubakira abarokotse jenoside yakorewe Abatutsi, hasabwa gushyigikirako amadosiye y’abakurikiranyweho icyaha cya jenoside bo mu rwego rwa mbere yashyikirizwa Inkiko Gacaca, kwihutisha ishyirwaho ry’Abakomiseri ba Komisiyo y’Igihugu yo Kurwanya Jenoside no gusaba Abanyarwanda baba mu mahanga gufasha mu gikorwa cyo gukurikirana abaregwa jenoside bacumbikiwe mu bihugu barimo.

Imihingo y’Uturere yatangijwe muri 2006

inama ya 4 y’Umushyikirano yabaye ku matariki ya 18-19 Ukuboza 2006, hasuzumiwe hamwe aho igihugu cyari kigeze muri gahunda y’ubumwe n’ubwiyunge bw’Abanyarwanda no gusuzuma ibibazo by’ingutu bibangamiye iyo gahunda.

Hasuzumwe ibijyanye n’Imihigo y’uturere no kuyesa ndetse n’ishyirwa mu bikorwa ry’Icyerekezo 2020, cyane cyane ku birebana n’ubwiyongere bukabije bw’abaturage n’ingaruka zabwo ku bidukikije.

Mu nama ya 3 y’Umushyikirano yabaye hagati ya 13-14 Ukuboza 2005, harebewe hamwe ibyo kunoza amavugururwa y’inzego za Leta,kwihutisha imanza za jenoside hifashishijwe Inkiko Gacaca, gushaka uburyo buboneye bwo gukemura ibibazo by’abatishoboye byari bikiremereye nk’uburyo bunoze bwo kugera ku iterambere rirambye no kurushaho gushishikariza abaturage gahunda za Leta mu rwego rwo kwihutisha iterambere.

Inama ya 2 y’Umushyikirano yabaye ku matariki ya 21-22 Ukuboza 2004, yibanze ku miyoborere myiza no kurebera hamwe uburyo bunoze abayobozi batandukanye bagomba gukoresha mu kwimakaza umuco wo gusobanurira abaturage uko buzuza inshingano zabo n’uw’imikorere myiza, banaganiriye ku ngengabitekerezo ya jenoside.

Inama ya mbere y’Umushyikirano yabaye tariki ya 28 Kamena 2003, yitabiriwe n’abayobozi bo mu nzego zinyuranye za Leta harimo n’abo mu nzego z’ibanze, abagize Inteko Ishinga Amategeko ndetse n’abahagarariye sosiyete sivili. Ingingo zaganiriweho zirimo uruhare rw’inzego z’ibanze mu iterambere, Ubumwe n’ubwiyunge bw’Abanyarwanda mu mashyaka menshi, uruhare rw’ubuyobozi mu matora ya demokarasi n’icyerekezo u Rwanda rwihaye mu iterambere rirambye.

Umushyikirano ni inama iteganwa n’Itegeko Nshinga ikaba urubuga ruha Abanyarwanda uburyo bwo kujya impaka ku byerekeye uko Igihugu n’Ubuyobozi bw’ibanze bimeze ndetse n’ibyerekeye ubumwe bw’Abanyarwanda. Iba buri mwaka ikayoborwa na Perezida wa Repubulika kandi hagakorwa ku buryo Abanyarwanda bose babyifuza bashobora kugira ibyo babaza abayobozi babo baba bari muri iyo nama.

Perezida Kagame ageza ijambo kubagize inama y’Igihugu y’Umushyikirano

Iyo nama yitabirwa n’abagize Guverinoma, abagize Inteko Ishinga Amategeko, abahagarariye Abanyarwanda baba mu mahanga, abayobozi bo mu nzego z’ibanze, abanyamakuru, abahagarariye ibihugu byabo n’imiryango mpuzamahanga ndetse n’abandi Perezida wa Repubulika yatumira. Abanyarwanda bose barayikurikirana .

Umwanditsi wacu

IBITEKEREZO
lucky

twishimiye umuyobozi wacu turacyamucyeneye nkabanyarwanda.


TANGA IGITEKEREZO

Kwamamaza
Kwamamaza
Also in this section
Richard Muhumuza yavanwe ku mwanya w’Ubushijacyaha Bukuru, akazasimburwa na Mutangana J.B

Richard Muhumuza yavanwe ku mwanya w’Ubushijacyaha Bukuru, akazasimburwa na...

Polisi y’u Rwanda na TIGO basinyanye amasezerano ku gutahura ibyaha

Polisi y’u Rwanda na TIGO basinyanye amasezerano ku gutahura...

Muhanga : Umushoferi afunzwe akurikiranyweho guha umupolisi ruswa

Muhanga : Umushoferi afunzwe akurikiranyweho guha umupolisi...

Muri ULK : Abanyeshuri 2986 bahawe impamyabumenyi

Muri ULK : Abanyeshuri 2986 bahawe impamyabumenyi

NEW POSTS
Umudiho uva mu itako

10-12-2016

Umudiho uva mu itako

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...