LATEST NEWS
New section No17
Bugesera : Abakozi bo mu bitaro bya ADEPR Nyamata bahawe ubumenyi ku kwirinda no kuzimya inkongi z’imiriro
Publish Date: dimanche 29 novembre 2015
VISITS :144
By Admin

Ushinzwe guhuza Polisi y’u Rwanda n’abaturage hagamijwe gukumira no kurwanya ibyaha mu karere ka Bugesera, Assistant Inspector of Police (AIP) Cyprien Uwitonze, ku wa 27 Ugushyingo 2015, yigishije abakozi bo mu bitaro bya ADEPR Nyamata bagera ku ijana.Yabigishije ubwoko bw’inkongi z’imiriro, ikizitera, uko bazirinda , ndetse n’uko bazizimya mu gihe zibaye.

Ayo mahugurwa y’umunsi umwe yahawe abaganga, abakozi ba Kompanyi icunga umutekano muri ibi bitaro n’abakozi ba Kompanyi ibikoramo isuku. Ayo mahugurwa AIP Uwitonze akaba yarayabahereye muri ibi bitaro biri mu kagari ka Nyamata y’Umujyi, mu murenge wa Nyamata.

AIP Uwitonze yabasobanuriye ko inkongi z’imiriro zishobora guterwa no gukoresha ibikoresho by’amashanyarazi bitujuje ubuziranenge, no gukoresha abantu badafite ubumenyi mu gushyira amashanyarazi mu nyubako.

Yababwiye ko zishoboka guterwa kandi no kwinjiza ibikoresho byinshi bikoresha amashanyarazi mu kindi nacyo kiyakoresha ariko kidafite ubushobozi bwo kubyakira ku buryo kigera aho gisumbywa ubushobozi n’ibyakinjijwemo, ibyo bikaba bitera sirikuwi ari nayo rimwe na rimwe itera inkongi z’imiriro.

Yabagiriye inama yo kugura no gushyira ibikoresho by’ibanze byo kuzimya inkongi z’imiriro (Fire extinguishers) mu ngo zabo no kujya bita ku buzima bwabyo babisuzumisha ku babihugukiwe buri nyuma y’amezi atandatu kugira ngo babarebere ko bikiri bizima.

AIP Uwitonze yababwiye ati :"Ikosa rito cyangwa uburangare runaka mu mikoreshereze y’amashanyarazi birahagije ngo byangize ibintu bitagira ingano, guhitana ndetse no gukomeretsa abantu, akaba ariyo mpamvu buri wese akwiye kwirinda igishobora kuyitera."

Yabibukije kutabika ibikomoka kuri peterori mu nyubako, no kutajya kure ya buji, itara, n’ibindi bikoresho biba byaka.

Na none AIP Uwitonze yababwiye kujya bazimya ibikoresho byose bikoresha amashanyarazi nka tereviziyo, radiyo na mudasobwa no gutandukanya ibikoresho bikoresha amashanyarazi muri rusange mu gihe batarimo kubikoresha.

Yababwiye ko umucanga, amazi, n’ibitaka byumutse bikoreshwa mu kuzimya inkongi y’umuriro kandi ko aho ibaye, abantu bagomba guhita bazimya amashanyarazi kandi hagahungishwa ibitarafatwa n’inkongi.

Yababwiye guhamagara nomero za terefone zitabazwa mu gihe habaye inkongi y’umuriro, izo akaba ari : 112 n’111, izi zikaba zitishyurwa, n’izindi zishyurwa arizo : 0788311120, 0788311224, 0788311657 na 0788311335.

Umuyobozi w’agateganyo w’ibitaro bya ADPR Nyamata, Dr Niyomugabo Jean Fidèle yashimiye Polisi y’u Rwanda muri aka karere kuri ubwo bumenyi yahaye abakozi babyo.

Yagize ati :" By’umwihariko, hari ubumenyi nungutse buje bwiyongera k’ubwo nari nsanganywe ku bijyanye n’inkongi z’imiriro. Ubu bumenyi buzadufasha kuzikumira no kuzizimya mu gihe zibaye, haba mu bitaro byacu, mu ngo zacu, ndetse n’ahandi".

Undi muganga witwa Buhirike Jean Bosco yagize ati :" Mu by’ukuri, nta bumenyi buhagije nari mfite ku nkongi z’imiriro, ariko nyuma y’aya mahugurwa nabigizeho ubumenyi buhagije."

Yasabye bagenzi be gusangiza ubumenyi bungutse abandi kugira ngo hirindwe kandi hakumirwe inkongi z’imiriro, kandi mu gihe zibaye habeho kuzizimya vuba zitarangiza ibintu byinshi.

RNP

IBITEKEREZO
Mike

Nabonye hari n'ibindi byiciro by'abantu bigishije.Iki ni igikorwa cyiza kuko gituma twirinda inkongi no kuzizimya mu gihe zibaye.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...