LATEST NEWS
New section No17
Bugesera : CPCs bo mu mirenge ibiri bahawe ubumenyi ku byaha by’ihohoterwa rishingiye ku gitsina
Publish Date: mercredi 9 décembre 2015
VISITS :83
By Admin

Abagize Komite zo kwicungira umutekano bagera ku 150 bo mu mirenge ya Rweru na Gashora , yo mu karere ka Bugesera, ku itariki 7 Ukuboza 2015, bahawe ubumenyi ku byaha by’ihohoterwa rishingiye ku gitsina, kandi basabwa kongera imbaraga mu kubirwanya no kubikumira.

Ayo mahugurwa y’umunsi umwe yabereye ku biro by’iyi mirenge. Abo mu wa Gashora bahuguwe na Inspector of Police (IP) Charles Kabanda, akaba ari umuyobozi wa sitasiyo ya Polisi y’u Rwanda ya Gashora, naho abo mu murenge wa Rweru bakaba barahuguwe na Assistant Inspector of Police (AIP) Cyprien Uwitonze , akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha muri aka karere.

IP Kabanda yabwiye abo mu wa Gashora ko ihohoterwa rishingiye ku gitsina nk’uko ryitwa, rishobora gukorwa n’igitsina gabo kirikorera igitsina gore nk’uko ryakorwa n’igitsina gore kirikorera igitsina gabo, aha akaba yarabahaye urugero rw’umugabo cyangwa umugore uhoza ku nkeke uwo bashakanye, kumutoteza, kumukoresha imibonano mpuzabitsina ku gahato, no kumubuza uburenganzira ku mutungo bashakanye.

Yababwiye ko biriya byaha bikorwa ahanini n’abanyoye ibiyobyabwenge nk’urumogi kandi ko kubera baba badatekereza neza, bakora n’ibindi bikorwa binyuranyije n’amategeko kandi biteza umutekano muke nko gukubita no gukomeretsa abandi, gufata ku ngufu, no gusambanya abana, maze abasaba kongera imbaraga mu kurwanya inyobwa, itundwa, n’icuruzwa ryabyo.

AIP Uwitonze ubwo yaganiraga n’abo mu murenge wa Rweru, yabasabye kujya bigisha abaturage bo mu murenge batuyemo ko ibiyobyabwenge, uretse kuba bibujijwe, bishobora gutera uburwayi butandukanye ubinywa.

Yababwiye kujya babasobanurira kandi ko nta terambere rishobora kuba mu muryango urimo ihohoterwa rishingiye ku gitsina kuko nta kujya inama ku iterambere ryawo bibaho.

Umwe mu bahuguwe wo mu murenge wa Rweru witwa Habimana Theoneste yagize ati :" N’ubundi, inshingano zacu n’ukunganira Polisi y’u Rwanda mu kurwanya no gukumira ibyaha. Aya mahugurwa ni ingenzi kuko yatumye ndushaho kumenya ubwoko bw’ibyaha by’ihohoterwa rishingiye ku gitsina, ubu bumenyi bukaba buzatuma ndushaho kurwanya bene ibyo byaha ndetse n’ibindi bifitanye isano."

Undi wo muri uwo murenge witwa Uwababyeyi Bibiane yashimye Polisi y’u Rwanda muri aka karere kuri ubwo bumenyi yabahaye kandi ayizeza ko azabusangiza abaturage bo mu murenge atuyemo, ndetse ko azashyira mu bikorwa ibyo we na bagenzi be biyemereje muri iyo nama.

RNP

IBITEKEREZO
boniface

TURASHIMA POLISI YACU UKUNTU YIGISHA ABANYARWANDA ARIKO NATWE TUJYE TWIRINDA IBYAHA NIBWO IGHUGU CYACU CYATERA IMBERE.

kananga

Nta kiza nko guhabwa ubumenyi nta kiguzi, n'umunyarwanda yagize ati "ugira umugira inama aba agira imana. turashimira Abapolice baje kuduhugura twungutse byinshi pe. ibyaha bishingiye ku gitsina twahagurukiye kubirwanya hano iwacu.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Hanze y’igihugu haracyari indashima nyuma y’imyaka 23 Leta y’ubumwe bw’abanyarwanda igiyeho

25-07-2017

Hanze y’igihugu haracyari indashima nyuma y’imyaka 23 Leta y’ubumwe...

Lt Gen Karenzi Karake na Maj. Gen Jack Nziza mu basirikare bakuru basezerewe

21-07-2017

Lt Gen Karenzi Karake na Maj. Gen Jack Nziza mu basirikare bakuru...

Menya abakandida bahatanira kuyobora u Rwanda

14-07-2017

Menya abakandida bahatanira kuyobora u Rwanda

Abaturage Kaniga ngo’ RPF - Inkotanyi ’ iri hafi guhindura aho batuye paradizo

14-07-2017

Abaturage Kaniga ngo’ RPF - Inkotanyi ’ iri hafi guhindura aho batuye...

Ukuntu Perezida wa Green Party yanga abamuvuga ibyo adashaka atowe yavamo umunyagitugu

12-07-2017

Ukuntu Perezida wa Green Party yanga abamuvuga ibyo adashaka atowe yavamo...

Ubukungu bw’u Rwanda bwiyongereye ku kigero cya 1.7% mu gihembwe cya mbere cya 2017

10-07-2017

Ubukungu bw’u Rwanda bwiyongereye ku kigero cya 1.7% mu gihembwe cya mbere...

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba Abatutsi banyuzemo

10-07-2017

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba...