LATEST NEWS
New section No17
CNLG irasaba ko Ntaganzwa Ladislas uherutse gufatirwa muri Congo Kinshasa yoherezwa mu Rwanda
Publish Date: dimanche 13 décembre 2015
VISITS :546
By Admin

Komisiyo y’Igihugu yo kurwanya Jenoside,CNLG irasaba ko Ntaganzwa Ladislas uherutse gufatirwa muri Congo Kinshasa, yoherezwa mu Rwanda akaburanishwa ku ruhare akekwaho muri Jenoside yakorewe Abatutsi mu 1994.

Ntaganzwa ni umwe mu bantu icyenda bashakishwaga n’Urukiko mpuzamahanga Mpanabyaha rwashyiriweho u Rwanda(TPIR), bashyiriweho akayabo, wamaze gufatirwa muri Repubulika Iharanira Demokarasi ya Congo muri iki cyumweru.

CNLG mu bimenyetso yagiye ikusanya hirya no hino aho Ntaganzwa akekwa gukorera ibyaha, bigaragaza ko yagize uruhare mu rupfu rw’ Abatutsi basaga ibihumbi 50, biciwe mu cyahoze ari Perefegitura ya Butare, ikaba yifuza ko yaburanishwa, abo yahemukiye bakabona ubutabera.

Ntaganzwa ashinjwa iki ?

Dr Bizimana J. Damascene Umunyamabanga nshingwa bikorwa wa CNLG avuga ko Ntaganzwa ashinjwa kugira Uruhare rugaragarira mu bikorwa yagize byo kuyobora ubwicanyi bwa Jenoside yakorewe Abatutsi mu 1994, by’umwihariko mu cyahoze ari komini Nyakizu yayoboraga. Ubwo bwicanyi burimo ubwakorewe abatutsi bari bahungiye muri Paruwasi ya Cyahinda n’abari ku musozi wa Bitare.

Abatutsi bahungiye ku musozi wa Bitare bagerageje kwirwanaho mu guhangana n’interahamwe ariko Ntaganzwa afatanytije n’abasirikare barimo Majoro Habyarabatuma wayoboraga Jandarumori i Butare babagabaho ibitero n’ubwo bamwe muri bo barokotse bagahungira i Burundi. Ibyo bitero ni na byo byishe abantu bari kuri Paruwasi ya Cyahinda.

CNLG yemeza ko Ntaganzwa yafatanyije mu bikorwa bitandukanye by’ubwicanyi ndetse no kwitabira inama zari zigamije kurimbura Abatutsi bose mu cyahoze ari Perefegitura ya Butare. Muri bo harimo Nyiramasuhuko Pauline abari abaperefe ba Butare barimo Sylvestre Nsabimana, Col Alphonse Nteziryayo kanyabashi wari Burugumesitiri n’abandi.

Ladislas Ntaganzwa yoherejwe i Kinshasa aho koherezwa mu Rwanda nk’uko byari byasabwe n’umushinjacyaha wa TPIR

Bizimana avuga ko umuyobozi nk’uwo wicishije abantu bageze mu bihumbi 50 iyo afashwe kiba ari igikorwa gikomeye cyane akaba azashyikirizwa inkiko z’u Rwanda niba Congo Kinshasa ikurikije ibyo isabwa, ni ubutabera buba butanzwe kuko abacitse ku icumu bashobora kujya mu rukiko bagashinja uwo muntu , kugira ngo ubutabera butangwe.

Kuburanishwa kw’abakekwaho Jenoside kandi bifasha mu kubungabunga amateka ya Jenoside kuko iyo umuntu agejejwe mu rukiko hari ibimenyetso rugaragaraza , bikaba byemewe ku buryo bitakiri ibyo gukeka. Ikindi Ni uko abahohotewe iyo babonye uwabahohohoteye agejejwe mu butabera bisa nk’aho byongera kubagarurira icyizere, bitandukanye n’uko yakomeza kwidegembywa.

Siboyintore Jean Bosco, Umuyobozi w’ishami rishinzwe gushakisha no gukurikirana abakekwaho uruhare muri Jenoside yavuze ko ifatwa rya Ntaganzwa, ari igikorwa cyiza cyanyuze u Rwanda, cyagombye no gukorwa ku bandi bose bagishakishwa.

Yagize ati “Ni inzira nziza, ni igikorwa cyiza cy’uko mu bashakishwaga icyenda, umwe muri bo afashwe bivuze ko n’abandi bazafatwa kuko bose bihishe kuri iyi si turiho.”

Yakomeje avuga ko Ntaganzwa agomba koherezwa mu Rwanda akurikije icyemezo cy’Urukiko mpuzamahanga mpanabyaha rwashyiriweho u Rwanda(TPIR/ICTR), icyemezo rwafashe ko Ntaganzwa n’abandi batanu bagomba koherezwa mu Rwanda mu gihe cyose bazaba bafashwe.

Batatu barimo Kabuga Félicien, Major Protais Mpiranya wayoboraga umutwe warindaga umukuru w’igihugu, na Augustin Bizimana wari Minisitiri w’ingabo, bakazakurikiranwa n’ Urwego rwa Loni rwashyiriweho kurangiza imanza zasizwe na ICTR.

Abazoherezwa mu Rwanda ni Aloys Ndimbati wari Burugumesitiri w’icyahoze ari Komini Gisovu, ushinjwa kwica abatutsi bo mu Bisesero afatanyije na Charles Ryandikayo wari umushoramari mu cyahoze ari Komine Gishyita, ukekwaho kugira uruhare mu iyicwa ry’ Abatutsi bari bahungiye muri kiliziya yo mu Bisesero.

Harimo Kayishema Fulgence wari umuyobozi wa polisi mu cyahoze ari Komine Kivumu, uregwa uruhare mu bwicanyi bw’abatutsi b’i Nyamabuye aho yayoboye ibitero byiciwemo benshi na Charles Sikubwabo, wari Burugumesitiri wa Komini Gishyita ushinjwa uruhare mu bwicanyi bwabereye muri kiliziya ya Bisesero ndetse na Lt col Pheneas Munyarugarama, ushinjwa ibyaha birimo Jenoside, ibyaha byo mu ntambara n’ibyibasiye inyokomuntu.

Umwanditsi wacu

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Ishyaka Green Party Riramagana ibyatangajwe na Général Kayumba Nyamwasa.

30-03-2017

Ishyaka Green Party Riramagana ibyatangajwe na Général Kayumba...

Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...