LATEST NEWS
New section No17
Col Tom Byabagamba yise abayobozi b’u Rwanda abicanyi – Ubushinjacyaha
Publish Date: vendredi 11 décembre 2015
VISITS :4635
By Admin

Urukiko Rukuru rwa Gisirikare rwatangiye kuburanisha mu mizi urubanza ruregwamo Col Col Tom Byabagamba, Rtd. Brig. Gen. Frank Rusagara na Rtd Sgt Kabayiza Francois ku byaha bashinjwa .

Ubushinjacyaha bwa gisirikare bwazaniye Urukiko Rukuru rwa Gisirikare ejo kuwa Mbere ibimenyetso birimo ibishinja Col Tom Byabagamba kuba yarise abayobozi b’u Rwanda abicanyi.

Haherewe ku bimenyetso, ariko umunsi wose warangiye higwa ku gishinjwa Col Byabagamba, wayoboraga abasirikare abarinda Perezida Kagame, icyaha cyitwa ‘icyo gukwiza nkana ibihuha agomesha rubanda abangisha ubutegetsi. ’

Abasirikare bagenzi be babanye mu butumwa bw’amahoro muri Sudani y’Epfo, nibo ubushinjacyaha bwabwiye Urukiko ko aribo biyumviye Col Byabagamba abwira amagambo abantu batandukanye, ahantu hatandukanye.

Iyi nkuru dukesha Izuba rirashe ivuga ko Ubushinjacyaha bwagaragaje ko bukimushinja bushingiye ku mutangabuhamya Col David Bukenya wari mu butumwa bw’amahoro muri Sudani y’Epfo, Col Byabagamba yagaragarije ko abayobozi bariho mu Rwanda ari abicanyi. Agera n’aho avugira mu ruhame abwira abasirikare ati ‘muzunamura icumu ryari ?”

Aya magambo, uyu musirikare akavuga ko yavuzwe Col Byabagamba yikuye mu bandi basirikare. Ibi akaba yarabivuze nyuma y’urupfu rwa Maj Gen John Sengati wari Umudemobe, wapfuye arashwe ku butaka bw’u Rwanda.

Mu mvugo za Col Byabagamba, Ubushinjacyaha buvuga ko abatangabuhamya bagaragaje ko yari agamije kubangisha ubutegetsi buriho, kandi ko ibyo yababwiraga byari gutuma abasirikare banga abayobozi.

Col Byabagamba yanashinjwe ko yavuganaga n’abatavuga rumwe n’ubutegetsi bw’u Rwanda ariko nta bimenyetso biratangwa.

Mu nyandiko mvugo ye, Lt Col Bukenya yabwiye Ubushinjacyaha ko Col Tom Byabagamba yanamubuzaga gukoresha inama z’abasirikare, ntanitabire gahunda zitandukanye zirimo izo kwibuka Jenoside yakorewe Abatutsi ku nshuro ya 20.

Col Bukenya yavuze ko byageze naho ngo yiyemeje guhangana na Col Byabagamba, abonye ko ari kubiba amagambo mabi mu basirikare.

Col. Tom Byabagamba

Uretse Col Bukenya, Col Tom ngo yanabwiye Col Ibambasi ati “Leta y’u Rwanda ibyayo ni ukwica abantu gusa.” Ibi ngo yabivuze nyuma y’urupfu rw’umuhungu w’umusirikare witwa Rtd Lt Kagarama, ariko uyu Ubushinjacyaha bukagaragaza ko butamuzi.

Uyu mwana w’umuhungu ngo Col Byabagamba yavuze ko yiciwe mu Rwanda akuwe mu modoka, ariko iby’iyi nkuru Umucamanza ntacyo yabisobanuriweho, kuko na Col Byabagamba yibazaga uwo mwana icyo leta yari kuba imuziza, ko n’uwo se Ubushinjacyaha butanerekana ko abaho.

Uretse ibyo, Col Ibambasi yanavuze ko Col Byabagamba yanagaragarije mu ruhame kunenga Umukuru w’Igihugu. Aha ngo yavuze ko “Umukuru w’Igihugu ahubuka mu gufata ibyemezo, kandi ko ngo n’abajenerali bamwe ntawe ufata icyemezo kirebana n’igisirikare.

Ikindi ngo yumvise telefone ya Lt Col Karakire ivuze, yumva ari Perezida Kagame uvuga iyo agiye kwitaba, Colonel Tom aramubaza ngo ariko uwo mugabo umushakaho iki, umubitsemo iki ?

Ubushinjacyaha

Nubwo Ubushinjacyaha bwatanze ubu buhamya, Col Tom n’abamwunganira bakomeje guhata urukiko kubwira Urukiko ko Ubushinjacyaha bwagaragaza ibimenyetso bifatika, bigaragaza igihe ibyo byaha yabikoreye.

Uru ruhande rwanavuze ko ibyo ashinjwa atari byo, kuko ni uko bavuga ko batumvikanaga na Col Mukenya, ko batari gutegereza umwaka wose ngo babone kubivuga nk’uko Ubushinjacyha bubigaragaza.

Col Tom yabwiye Urukiko ko ibyo bamushinja ari ibinyoma, ndetse ko mu nshingano yari afite mu butumwa bw’akazi, ntaho yahuriraga bya buri munsi na Col Bukenya, byongeye ngo Col Ibambasi we yagiye muri Sudani y’Epfo, Tom ari kuharangiza inshingano ze.

Me Valery umwunganira yanavuze ko nta kuntu umukiriya we yari kuba afite imyitwarire mibi mu butumwa yari arimo, akarangiza manda ye, akongezwa indi.

Uregwa yavuze byinshi yiregura, bizagenda binagaruka mu rubanza rwe mu mizi, hamwe n’abo bashinjwa hamwe. Ariko bagiye bagaragaza ko ibyo abatangabuhamya bavuga ari ibinyoma, kandi umuntu umwe wabwirwaga atari rubanda. Kandi aho bavuga ko byaberaga muri Sudani y’Epfo ntacyo byari guteza imvururu muri rubanda mu Rwanda.

Col. Tom Byabagamba ashinjwa icyaha cyo gukwiza nkana ibihuha agomesha rubanda abangisha ubutegetsi buriho, icyo gusebya Leta, gusuzugura ibendera ry’igihugu no guhisha nkana ibimenyetso byashoboraga gufasha kugenza icyaha gikomeye.

Urubanza rwasubitswe ku mugoroba, ruzasubukurwa kuwa 11 Ukuboza 2015.

Umwanditsi wacu

IBITEKEREZO
Cyizere

Ariko Nyagasani Mana wafashije abana b'u Rwanda koko, maze uyu mu-Jenerali nawe akava mu menyo ya za Rubamba, nk'uko David Kabuye byagenze ? Kokokokookokoooo inkora-shyano zikihanukira zigashinja ibinyoma "INYANGAMUGAYO" yarinze umukuru w'Igihugu, bugacya ikoherezwa mu butumwa bw'amahoro kabiri kose ? Ni ukuri Imana izaca inkoni izamba, n'igisiga cy'urwara rurerure ntikijya kikora mu nda ; ntabwo rero u Rwanda ari rwo rwo kurenganya abana barwo ! May God Almighty save Rwanda and Rwandans altogether !

Laly

@Kabeho. Nanjye numva ko niba Tom yarakize n'amakosa yakagombye guhabwa imbabazi. Kuko ni inyangamugayo.

Joel

Byaba bibaje koko uyumugabo ibyo ashinjwa biramutse aribyo gusa dukurikije iyi nkuru yanditse ntiwamenya ukuri ahantu guherereye reka dutegereze twumve ukuri ahantu kuri NB abacamanza bazashishoze

kabeho j.m.v

Sinzi niba ari impamo ibyo uyu mugabo aregwa,ariko ikigaragara ubushinjacyaha buragendera kumabwire. Gusa,uyumugabo muzi nk'umuntu warinze H.E kuburyo buhebuje. Nakundaga cyane uburyo yangaga akajagari aho Nyajubahwa yari bunyure nibura mbere y'iminsi 2. Umurimo we yawukoraga awukunze kandi n'ubwitange bwinshi. Yego umuntu ni umuntu, ariko nyabuneka niba yarakoze amakosa hakagombye kurebwa n'uburyo yakoze byinshi maze bigashingirwaho agirirwa imbabazi. Ariko kandi mutekereze KO ni kunenga ibyo utemera niba muri kamere muntu. Harebwe kandi n'amashyari y'a bagenzi be doreko yari afite umwanya mwiza ndetse n'umufasha we . amatiku arasenya gusa.

Akumiro

Ye baba weeeeeeeeeeeeeeeee !e Ko bibabaje ? Jye mbaye ndi Ubucamanza nafata inkozi z'ibibi zose mu gushinja IBINYOMA nkazishyira aho zashakaga gushyira inzira-karengane ! Unfortunately sindi Ubucamanza, sinteze no kuba bwo. Birababaje ariko !


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...

Kigali : Ubutinganyi bwafashe indi ntera

17-03-2017

Kigali : Ubutinganyi bwafashe indi ntera

Gloria Kayitesi Umugore wa Lt. Joel Mutabazi arafatanya na Kayumba mu bikorwa byo guhungabanya umutekano w’u Rwanda

14-03-2017

Gloria Kayitesi Umugore wa Lt. Joel Mutabazi arafatanya na Kayumba mu...

Nta terambere rishoboka bikozwe n’umuntu umwe kabone nubwo yaba Perezida-Kagame

13-03-2017

Nta terambere rishoboka bikozwe n’umuntu umwe kabone nubwo yaba...