LATEST NEWS
New section No17
Dr. Agnes Binagwaho yabonye akazi yishimiye Rwinkwavu
Publish Date: lundi 19 septembre 2016
VISITS :6600
By Admin

Dr. Agnes Binagwaho uherutse gukurwa ku mirimo y’ubuminisitiri bw’ubuzima ubu yiboneye akandi kazi Rwinkwavu kandi akavuga yuko akishimiye cyane.

Rwinkwavu iri mu karere ka Kayonza, hakaba hari n’ibitaro bishimwa gukora neza. Hafi y’ibyo bitaro uhasanga kaminuza yitwa UGHE ( University of Global Health Equity) aho hakaba ariho Binagwaho yabonye akazi k’ubwarimu.

Ejo tariki 15/9/2016 ikipe y’abanyamakuru, kuva mu bitangazamakuru bitandukanye, batembereye iyo kaminuza (UGHE) bakirwa n’abasangwa batandukanye barimo Dr. Agnes Binagwaho wanagize umwanya usesuye wo kuganira n’abo banyamakuru kandi anagaragaza yuko yisanzuye.

Yabajijwe niba bitamutera ipfunwe gusaba akazi gahoraho ahantu ho mu cyaro nka Rwinkwavu, avuga yuko ku isi yose abantu benshi baba mu byaro. Avuga yuko we nk’umuganga adakoreye mu byaro byaba ari atari ubuganga ! Ngo icy’igenze ni ugukorera igihugu cye kandi akagikorera aho ariho hose, mu byaro no mu mijyi.

Umuyobozi w’iyo kaminuza ni Umunyamerika, yitwa Peter Grobac. Yunganira Binagwaho kuri ibyo yari abajijwe, yavuze yuko uyu mudamu afite ubuhanga bumushoboza kwigisha muri za kaminuza z’ubuganga zibaho hano ku isi.

Grobac ati guhitamo gukorera iyo mu Rwanda ni byiza nk’uko n’abayishinze bahisemo kuyizana mu Rwanda natwe tugahitamo kuza kuhakorera. Ati Binagwaho iyo ahitamo kujya muri Harvad cyangwa ahandi bari kumwakira ariko yihitiramo Rwinkwaavu kandi nta kibazo bitye, ngo upfa gusa ukorera kiremwa muntu.

Grobac avuga yuko bishimira kwakira umuntu nka Binagwaho nk’umwarimu uhoraho muri UGHE kubera impamvu nyinshi zitandukanye. Ngo uretse n’uko ari umuhanga ngo yanakoze mu bijyanye n’ubuzima mu Rwanda mu gihe cy’imyaka isaga 20, harimo n’imyaka itanu ari Minisitiri w’ubuzima. Impamvu zatumye Perezida Kagame akura binagwaho kuri uwo mwanya wa Minisitiri w’ubuzima ntabwo zirasobanuka neza ariko amakuru dufitiye gihamya n’uko ntaho zihuriye n’imikorere mibi nk’umuganga !

Dr. Agnes Binagwaho

Kayumba Casmiry

IBITEKEREZO
Luciana

Erega ntawumenya byose. Uyu mu Docteur ashobora kuba yali afite incompetence mu by'ubu Ministre, noneho iyo incompétence ikaba ali nayo imuviramo gukosereza abo yayoboraga ngo arenzeho kubyo adashoboye. Kumugira Ministre aliko, mwibuke ko cyali icyizere gikomeye yahawe, none akaba agihawe nk'umuganga ushinzwe uburezi. Nta kigayitse kilimo, kazi ni kazi. Ubu rero bamuhaye akazi afitemo compétence, nimureke agakore neza, kuko hali uwabivuze neza, ati ashinzwe uburezi bw'abana b'igihugu ali nabo bazavamo aba Ministres b'ejo. Jye ndatekereza ko niba yarakuweho imburagihe, byaturutse ku mpamvu zizwi gusa n'abamutegekaga. Reka rero twe kubitindaho tutabizi neza. Igihe bizatangazwa, tuzongere tubiganireho. Murakoze.

Munini

Ahubwo aho niho akwiye gukorera kuko aratanga ubumenyi ku bantu benshi. Sibyo se ?

gatoya

Icyerekana ruswa mu itangazamakuru. Abambari be bakomeza gushaka ibitangazamakuru ngo berekane ko ari igitangaza ngo bahishe amabi bakoranye nawe.Ibinyamakuru birabyungukiramo ariko niba avuye ku mwanya runaka si byiza nyine kumwerekana nk'aho yazize ubusa. N'est-pas ? Mwe mumutaka ntabwo mumuzi mwenyine, icyo nzi ni uko ari umugore atari umugabo muri sens zose wabiha. Aha sinshatse gushira isoni.

Elimeleki

Ni byiza kurerera igihugu ni inshingano buri wese yakabaye agira ize kugirango tuzagire abanyagihugu babereye kndi bagendanye n'icyerekezo igihugu kihaye. Gusa umwanditse iyi nkuru akosore. Ntabwo umuyobozi w'iyi Kaminuza yitwa( Peter Grobac ahubwo ni Peter Drobac)

ndwaniye Francois

Kuba Binagwaho agiye mu kazi k'ubwarimu si ugushyirwa hasi. Ahubwo ni ugushyirwa hejuru. Arakorera igihugu ahugura abana bacyo. Kandi ni ukwerekana ko akunze igihugu.

Morisho

Tres bien madame courage, tu n'a pas etudes pour etre ministre mais medecin

alexandre

ntaco bitwaye gusa iyo woshize Hejuru Imana irakumanura uyu mugore yiciye benshyi ubuzima nagende.

Robert

Dukeneye abagore bafite imigambi myiza nk'iyi

Daniel

Tumwifurije Imirimo myiza. Ishya n'Ihirwe. She served the national in Health. Daniel

muhoza

Si byiza gukomeza kwerekana ko abayobozi kumukura ku buminisitiri ntacyo bakoze. Kimwe n'izindi zakurikiyeho si byiza rwose.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...