LATEST NEWS
MU RWANDA
Gatsibo : Abagize komite zo kwicungira umutekano bibukijwe inshingano zabo
Publish Date: dimanche 29 novembre 2015
VISITS :51
By Admin

Abagize Komite zo kwicungira umutekano (Community Policing Committees-CPCs) basanzwe bagira uruhare runini mu kurwanya no gukumira ibyaha. Polisi y’u Rwanda ikaba ibaha amahugurwa kugira ngo bakomeze basohoze inshingano zabo uko bikwiye. Ni muri urwo rwego ku itariki 27 Ugushyingo 2015, yahuguye abo mu murenge wa Gasange,mu karere ka Gatsibo bagera ku 130.

Bahuguriwe mu kagari ka Teme, umudugudu wa Teme n’ushinzwe imikoranire hagati ya Polisi y’u Rwanda n’abaturage (DCLO) hagamijwe kurwanya no gukumira ibyaha muri aka karere, Inspector of Police (IP) Roger Rwakayiro, akaba yari afatanyije n’Umunyamabanga Nshingwabikorwa w’umurenge wa Gasange, Dominique Iyakaremye.

IP Rwakayiro yasobanuriye aba bagize Komite zo kwicungira umutekano muri uriya murenge ko ibiyobyabwenge nk’urumogi na Kanyanga n’ibindi, uretse kuba ubwabyo bibujijwe, binatuma abantu bakora ibyaha nko gukubita no gukomeretsa, ubujura, ihohoterwa rishingiye ku gitsina, gufata ku ngufu, no gusambanya abana, maze abasaba kongera imbaraga mu kubirwanya.

Yagize ati :"Biriya byaha biteza umutekano muke, akaba ariyo mpamvu imbaraga zigomba gushyirwa mu kurwanya inyobwa, itundwa n’icuruzwa ryabyo hatangwa amakuru ku gihe y’ababikora." Yabasabye kandi kongera imbaraga mu gukangurira abaturage kuba ijisho ry’umutekano no kwirinda amakimbirane.

Na none IP Rwakayiro yaganiriye nabo ku byerekeranye n’icuruzwa ry’abantu. Yabasabye gukangurira urubyiruko kwima amatwi abarushuka ko bababoneye akazi hanze y’u Rwanda. Yagize ati :” urubyiruko rugomba kwima amatwi umuntu waza ababwira ko ashobora kubaha cyangwa kubashakira akazi n’amashuri byiza mu bihugu by’amahanga. Iyo babagejejeyo babambura ibyangombwa byose maze bakabakoresha imirimo ivunanye kandi nta gihembo ndetse bakabashora mu busambanyi”.

IP Rwakayiro kandi yasabye abagize Komite zo kwicungira umutekano kuba inyangamugayo, no kugisha inama cyane cyane ku byemezo birenze ububasha bwabo, kandi abasaba kurushaho kwegera abaturage kugira ngo babashe kubona amakuru ashobora gutuma batahura kandi bagakumira ikintu cyose gishobora gutera umutekano muke.

Umwe muri abo ba CPCs witwa Sekanyange Augustin, umuyobozi w’umudugudu wa Rugarama mu kagari ka Kigabiro, yagize ati :"Iyi nama yari ingenzi kuko yaduhwituriye kwita ku nshingano zacu,tukaba dushimira Polisi kubera kuduhugura".

Na none mu kwezi kwa Nzeri uyu mwaka, hari hahuguwe bagenzi babo 135 bo mu mirenge ya Remera,Kageyo na Muhura.

RNP

IBITEKEREZO
Murekezi

Nibyo kwiga ni uguhozaho kandi izi komite zirakora peee ! Hano iwacu ubona aribo bashyira amarondo kuri gahunda no gukurikirana buri kantu bakeka ko kahungabanya umutekano ! Polisi mwarebye kure kabisa !

RWANDAMURA

polisi yacu ibaye ubukombe,twishimiye uko yegera abanyarwanda ibaha amakuru


TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...