LATEST NEWS
New section No17
Gatsibo : MINALOC yasabye inzego zibanze gutanga amakuru
Publish Date: mardi 10 novembre 2015
VISITS :213
By Admin

Inzego zibanze mu karere ka Gatsibo zirasabwa kujya zitanga amakuru kugira abaturage bajye bamenya gahunda zigezweho. Umuyobozi mukuru muri Minisiteri y’Ubutegetsi bw’igihugu Egide Rugamba, yasabye inzego zibanze kujya ziha amakuru abanyamakuru.

Ibi umuyobozi mukuru muri MINALOC, Egide Rugamba, yabisabye inzego zitandukanye ubwo yari mu mwiherero w’abafatanyabikorwa b’akarere ka Gatsibo wamaze iminsi itatu ubera i Gabiro.


Uhereye ibumoso hicaye Umuyobozi mukuru muri MINALOC Egide Rugamba na Wilson Rutayisire Perezida wa Njyanama y’akarere ka Gatsibo.

Nyuma y’aho hagaragarijwe ko hari ikibazo cy’abayobozi bamwe badatanga amakuru, Rugamba yavuze ko buri muyobozi wese akwiye gutanga amakuru ku rwego rumuri hejuru ndetse n’abanyamakuru nabo akayabaha hagamijwe kunoza imikorere n’imikoranire.

Avuga ko bitumvikana ukuntu umuntu yaza kubaza amakuru y’aho umuyobozi ashinzwe kuyobora n’ay’abo ayobora bangana kuriya, afite inshingano zikomeye, narangiza abe nk’ikiragi ntatange amakuru.

Yagize ati “Gahunda ya ceceka ntabwo ari yo mujye mutanga amakuru, aho bitagenda neza bigaragare hanyuma bikosorwe. Amakuru agenewe abanyamakuru ndetse n’abaturage bose muri rusange.

Ikindi kandi umuyobozi utamenya ibibera aho aba, agaceceka abibona, wamubaza uti ibi urabizi ? ngo oya, uwo aba ari we mwanzi wa mbere w’igihugu.”


Inzego zitandukanye zirimo n’izishinzwe umutekano.

Ku rundi ruhande, uyu muyobozi avuga ko mu gihe hari abayobozi badakora inshingano zabo neza, wabasaba amakuru bakigira ba ntibindeba cyangwa ngo ntibabimenye, ngo ni bo basubiza inyuma igihugu.

Umuyobozi muri Minisiteri y’Ubutegetsi bw’igihugu, Egide Rugamba, asaba abayobozi b’ubutugari n’imirenge bavugwaho ruswa ko bakwiye kubireka.

Ashimangira ko abayobozi b’ ubutugari n’ab’imirenge bakwiye kumenya amakuru y’ibibera aho bakorera, kuko ibihabera ni bo babibazwa.

Yongeraho ko abayobozi bo mu nzego z’ibanze bagomba kugenzura bakamenya ibyo abafatanyabikorwa bakora ikindi kandi abo bayobozi bombi bose bagomba kubahana no gukorana.

Perezida w’inama Njyanama y’akarere ka Gatsibo Wilson Rutayisire, yagarutse ku bayobozi badatanga amakauru akavuga ko hari ibintu bitagenda neza abo bayobozi baba badashaka ko bijya hanze.

Yagize ati “Iyo udatanga amakuru hari ibyo uba uhisha udashaka ko bijya hanze.” Akomeza avuga ko amakuru ahawe abanyamakuru agera ku baturage mu buryo bwihuse.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’