LATEST NEWS
MU RWANDA
Gatsibo : Yatawe muri yombi agerageza guha umupolisi ruswa
Publish Date: mardi 1er décembre 2015
VISITS :235
By Admin

Ku wa 29 Ugushyingo 2015, ntibyashobokeye uwitwa Mbonigaba Aloys, wo mu karere ka Gatsibo, kugera ku mugambi we wo kugerageza guha umupolisi ruswa y’amafaranga y’u Rwanda angana n’ibihumbi ijana kugira ngo afungure Mudende Félicien wari ufungiwe gufatanwa Kanyanga.

Umuvugizi wa Polisi y’u Rwanda mu ntara y’Iburasirazuba, Inspector of Police (IP) Emmanuel Kayigi, yavuze ko Mbonigaba, uri mu kigero cy’imyaka 35, yafatiwe kuri sitasiyo ya Polisi y’u Rwanda ya Muhura, aha akaba ari ho Mbonigaba yashatse guhera uwo mupolisi iyo ruswa, hakaba kandi ari ho Mudende , uri mu kigero cy’imyaka 54, yari afungiwe."

Asobanura uko byagenze, IP Kayigi yagize ati :" Mbonigaba yahamagaye uwo mupolisi kuri terefone igendanwa, amubwira ko hari icyo ashaka kumubwira, amusaba ko bahura akamubwira icyo ari cyo."

IP Kayigi yakomeje agira ati "Uwo mupolisi yamubwiye kujya kuri sitasiyo ya Polisi y’u Rwanda ya Muhura niba hari serivisi ashaka muri Polisi y’u Rwanda, amubwira ko hari abandi bapolisi bamuha serivisi ashaka. Mbonigaba yakomeje gutitiriza abwira uwo mupolisi ko ashaka ko bahura.

Yarabimwemereye, maze bagihurira kuri iriya sitasiyo ya Polisi, ahita agerageza kumuha iriya ruswa kugira ngo arekure Mugende, wabyaye Mbonigaba muri batisimu."

IP Kayigi yasabye abaturage kudatanga no kutakira ruswa, kandi abibutsa ko iki cyaha nta mwanya gifite muri Polisi y’u Rwanda ndetse no mu gihugu muri rusange.

Yagize ati "Polisi y’u Rwanda ntitanga serivisi ku buryo bunyuranyije n’amategeko itanga serivisi ku buntu, irwanya ndetse igakumira bene ibyo bikorwa bibibya ruswa n’ibindi."

IP Kayigi yagiriye inama abavandimwe n’inshuti b’umuntu ukurikiranyweho icyaha cyangwa ikosa runaka kujya bategereza imyanzuro y’inzego zibishinzwe aho gutanga ruswa kugira ngo hakorwe ibinyuranyije n’amategeko.

Yakanguriye kandi abaturage kwirinda no kurwanya ibyaha muri rusange kandi abasaba kujya baha Polisi y’u Rwanda amakuru ku gihe y’ikintu cyose gishobora guhungabanya umutekano.

Kurwanya ruswa biri mu byo Polisi y’u Rwanda yibandaho, akaba ari muri urwo rwego yashyizeho umutwe ushinzwe by’umwihariko kuyirwanya (Anti-Corruption Unit).

Ingingo ya 640 y’igitabo cy’amategeko ahana y’u Rwanda ivuga ko umuntu, wese uha, ku buryo bweruye cyangwa buteruye, washatse guha undi muntu, ku buryo buziguye cyangwa butaziguye, impano cyangwa indonke iyo ari yo yose cyangwa yamugiriye amasezerano yabyo kugira ngo amukorere cyangwa akorere undi muntu ikiri mu mirimo ashinzwe cyangwa yifashishije imirimo ye, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’indonke yatanze cyangwa yashatse gutanga.

RNP

IBITEKEREZO
Juma

Abaswa basa nabasazi koko umuntu aziko police ishinzwe kurwanya ruswa hanyuma akayitanga ndetse akaniya na polisi ubuse uu siwe wizize nabandi barebereho rero babone ko ruswa ari mbi kdi baharanire kuyrwanya


TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...