LATEST NEWS
New section No17
Gicumbi : Abatwara ibinyabiziga bakanguriwe kubahiriza amategeko yo kubitwara
Publish Date: mercredi 23 décembre 2015
VISITS :71
By Admin

Polisi y’u Rwanda mu karere ka Gicumbi irakangurira abatwara ibinyabiziga muri aka karere kubahiriza amategeko yo kubitwara kugira ngo hirindwe impanuka zo mu muhanda zikomerekeramo cyangwa zikagwamo abantu, kwangiza ibikorwa by’iterambere ndetse n’ibinyabiziga byazikoze.

Ubu butumwa babuhawe ku itariki 22 Ukuboza 2015 n’Umuyobozi wa Polisi y’u Rwanda muri aka karere, SP Steven Gaga, mu kiganiro yagiranye n’abamotari n’abanyonzi bakorera uyu mwuga mu murenge wa Rukomo no mujyi w’akarere ka Gicumbi, ndetse n’abashoferi ba Kompanyi zitwara abagenzi mu modoka zikorera muri aka akarere, izo akaba ari Stella na Virunga.

Iyo nama yahuje ubuyobozi bwa Polisi y’u Rwanda muri aka karere n’abo bamotari, abanyonzi, ndetse n’abashoferi bageraga kuri 80, yabereye mu kagari ka Gacurabwenge.

SP Gaga yababwiye ati :"Kubahiriza amategeko yo gutwara ikinyabiziga biri mu nyungu zanyu ndetse n’abandi bose bakoresha umuhanda kuko iyo impanuka ibaye ntitoranya."

Yabibukije ko impanuka zo mu muhanda ziterwa ahanini n’umuvuduko urenze urugero rwagenwe rwo gutwara ikinyabiziga, uburangare, kuvugira kuri terefone utwaye ikinyabiziga nko kuyihamagaza umuntu cyangwa kwitaba uyiguhamagayeho, kuyandikamo ubutumwa bugufi utwaye ikinyabiziga, no kugitwara wasinze cyangwa unaniwe.

SP Gaga yakomeje ababwira ati :"Ntimugakorere ku ijisho. Mujye mwibuka ko muba mutwaye abantu. Niyo haba nta mupolisi uri mu cyerekezo muri kujyamo, mukwiye kubahiriza amategeko n’amabwiriza bigenga umwuga wanyu kugira ngo mwirinde gukora impanuka cyangwa kuziteza."

Yabwiye abo bamotari n’abanyonzi kudatwara imitwaro ku magare na moto byabo , kujya babitwaraho umugenzi umwe gusa, no guhagarara igihe cyose bahagaritswe n’umupolisi cyangwa undi muntu ubifitiye ububasha.

Na none, SP Gaga yababwiye kujya bagira amakenga y’abantu batwaye kugira ngo hato badatwara abagiye gukora ibikorwa bishobora guhungabanya umutekano cyangwa batwaye ibintu binyuranyije n’amategeko nk’ibiyobyabwenge, kandi mu gihe batahuye bene abo bantu bagahita babimenyesha Polisi y’u Rwanda.

Yabasabye gukomeza gukorana neza na Polisi y’u Rwanda bayiha amakuru ku gihe yatuma hakumirwa ibyaha aho biva bikagera kandi yatuma hafatwa ababikoze cyangwa abategura kubikora.

Umwe muri abo bamotari witwa Ndagijimana Theogene yagize ati :" :"Akazi kacu tugakora nta nkomyi kuko hari umutekano usesuye mu gihugu. Birakwiye rero ko tugira uruhare mu kuwusigasira no kuwubumbatira.

Ibyo twabikora twubahiriza amategeko n’amabwiriza by’umwuga wacu kandi duha Polisi y’u Rwanda amakuru y’uwakoze ikintu cyose kinyuranyije n’amategeko, ugiye kugikora, cyangwa utegura kugikora. "

Ndagijimana yashimiye Polisi y’u Rwanda muri aka karere ku nama yabagiriye, maze asaba bagenzi be kuzikurikiza kugira ngo barusheho gutanga serivisi nziza kandi bagire uruhare mu kubumbatira no gusigasira umutekano.

Kamurase Hassani

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’