LATEST NEWS
MU RWANDA
Gitifu w’akarere ka Rutsiro yatawe muri yombi
Publish Date: mercredi 18 novembre 2015
VISITS :864
By Admin

Umunyamabanga Nshingwabikorwa w’Akarere ka Rutsiro, Murenzi Thomas, afunzwe akurikiranweho ubufatanyacyaha mu kwakira ruswa.

Umuvugizi wa Polisi y’igihugu, CSP Twahirwa Celestin, yabwiye Imvaho Nshya dukesha iyi nkuru ko Murenzi afungiwe mu mujyi wa Kigali mu gihe iperereza rigikomeje.

Mbere y’uko afungwa, uyu munyamabanga nshingwabikorwa yabajijwe irengero rya miliyoni zisaga 25 z’amafaranga y’u Rwanda yatikiriye ku rugomero mu murenge wa Rusebeya.


Thomas Murenzi Umunyabanga Nshingwabikorwa w’Akarere ka Rutsiro.

Ayo mafaranga yari yatanzwe mu rwego rwo kubaka no gutunganya urugomero rw’amashanyarazi muri uwo murenge w’akarere ka Rutsiro, ariko kugeza ubu uwo mushinga wararangiye abaturage baguma mu icuraburindi.

Murenzi yabwiye Imvaho Nshya ko ikibazo cyabaye ari uko abaturage bakoze ibirebana n’ubushobozi bwabo amafaranga akanga akaba make.

Ati” Bimwe mu bikoresho “installation’’ byahiye intego yo kwegereza umuriro abaturage itagezweho none biracyari aho dutegereje ubundi bufasha.’’

Abaturage baracyijujutira ko ibyakozwe kuri urwo rugomero bitangana na miliyoni 25 zivugwa ko zari zahagenewe.

Bashinja bamwe mu bayobozi b’akarere kuyakoresha nabi bafatanyije na meya wa Rutsiro, Byukusenge Gaspard.

Muri ako karere kandi havugwa ikibazo cya rwiyemezamirimo, Hitimana Nathanael, watsindiye isoko ryo kubaka inzu y’amacumbi uvuga ko yahuye n’igihombo yatewe no gusabwa ruswa ya miliyoni 100 n’abayobozi b’akarere barimo gitifu, ushinzwe ubutegetsi n’imari, meya n’abagize akanama k’amasoko.

Hitimana abashinja kumukoresha ibitari mu gitabo cy’ipiganwa.

Gitifu Murenzi Thomas we avuga ko ibyo ari ibinyoma kuko basanze uwo rwiyemezamirimo hari ibyo adafitiye uburenganzira ku mirimo y’inyongera bakandikira RPPA none ikaba itarabasubiza kugira ngo imirimo ikomeze.

Kamurase Hassani

IBITEKEREZO
seminega

aha nimwicecekere gusa iminsi iba myinshi igahimwa numwe njye muzambaze narahakoreye uyu mugabo nimubi cyane nimutarushwa mukurya ruswa ahubwo bari baratinze kumutahura.

M_peter

birababaje kuba uwakarwanyije icyo cyaha ariwe ujyikora iperereza nirikorwe icyaha nicyibahama bahanywe nubutabera.

rukundo

Ese amaku

jeannette

Ariko kuki iyo ikintu kibaye nkiki kuki hatarebwa nibyiza byakozwe ?ni ukuvuga se ko gitifu yakoze ibyaha ndengakamere ?ndumva hakorwa iperereza ukuri kukamenyekana kandi rwiyemezamirimo akurikiranwe nawe niba iyo ruswa avuga yasabwaga nib

jeannette

Yewe isi ntisakaye koko kandi nta ninyiturano igira.kandi ubwo hari byinshi uwo muyobozi yakoze abitakazamo naye agirango ateze imbere akarere ke.guea

betty

Nonese kubera iki hakurikiranwe gitifu wenyine abo bafatanyije kuyobora ntibakurikiranwe ?nihakorwe iperereza ryimbitse hamenyekane ukuri kwabyo uwo muyobozi arenganurwe cyane ko atafatiwe mu cyuho.rwiyemezamirimo nawe agaragaze ibimenyetso byuko yatswe ayo mafaranga areke gusebanya.murakoze.

zayasi

Visimeya we bite ? Bazabirebe neza. Niba...

nyangezi

Reka ditegereze ikizava mu iperereza. Nkurikije ibitekerezo nagiye mbona kuri izi nkuru. Ubanza harimo abagiye bakabya cyane cyane bavugamo abandi bayobozi kdi nabonye umuvugizi wa polisi asobanura ko uwo bakurikiranye ari gitifu gusa. Rutsiro ariko yakunze kuvugwamo aboyobozi harabika abandi kuva za 2007 simperukayo ngo menye noba byararangiranye na Manda. Ruswa yo ni imungu pe !

Juma

Ruswa imunga ubukungu bw'igihugu birababaje kuba umuyobozi wakabaye iyambere yo gukanguria abaturage kuyihashya ahubwo ariwe uba iyambere mu kurya ruswa, anyway uyu mugabo nakurikiranwe ibyaha nibiufata azahanwe n'amategeko/

rukara

turizera ko polisi yacu irakora ipereza nibimuhama rwose ahanwe kabisa kuko aba nibo badindiza iterambere kandi nabo bafatanyije bose bazahanwe


TANGA IGITEKEREZO

Kwamamaza
Kwamamaza
Also in this section
Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

NEW POSTS
Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...