LATEST NEWS
New section No17
Guhinduza impushya zo gutwara ibinyabiziga zarengeje igihe bikorwa ku buryo budahenze kandi bwihuse
Publish Date: dimanche 29 novembre 2015
VISITS :344
By Admin

​Kongeresha agaciro uruhushya rwo gutwara ikinyabiziga rusanzwe rwararengeje igihe bikowa ku buryo bworoshye kandi buhendutse nk’uko bitangazwa n’ubuyobozi bw’ishami rya Polisi y’u Rwanda rishinzwe kubungabunga umutekano wo mu muhanda. Hishyurwa amafaranga y’u Rwanda ibihumbi bitanu.

Umuvugizi w’ishami rya Polisi y’u Rwanda rishinzwe kubungabunga umutekano wo mu muhanda Superintendent of Police (SP) JMV Ndushabandi avuga ko guhinduza uruhushya bikorwa ku buryo bw’ikoranabuhanga hifashishijwe terefoni igendanwa ku buryo bukurikira : hifashishishwa ubutumwa bugufi ukoresheje terefone umurongo wa MTN.

Ujya ahandikirwa ubutumwa muri terefone yawe, ukandika inyuguti ya R ugasiga akanya, ukandika nimero yawe y’indangamuntu ugasiga akanya, ukandika akarere wifuza kuzayifatiramo, ugasiga akanya, ukandika nimero ya gitansi y’ikigo cy’igihugu gishinzwe imisoro n’amahoro (RRA), hanyuma ukohereza ubwo butumwa kuri nimero 3126.

Yakomeje agira ati :”Impushya zo gutwara ibinyabiziga zongerwa agaciro kuri ubu buryo : abazifite bari hagati y’imyaka 16-65 uruhushya rugira agaciro k’imyaka 10. Abafite imyaka iri hagati ya 65 na na 73 bahabwa uruhushya rw’igihe kingana no kuva ku myaka bafite kugera kuri 73 (ni ukuvuga imyaka 73 gukuramo iyo ufite. urugero:niba ufite 66 uzahabwa urufite agaciro k’imyaka 7). Naho abasaba guhindurirwa bari hejuru y’imyaka 73 impushya zabo zigenda zongerwaho imyaka 3 bitewe n’uko ubuzima buba buhagaze”.

SP Ndushabandi yagize n’icyo avuga ku banyarwanda baba hanze bafite izo mpushya agira ati :”Kimwe n’abandi banyarwanda bafite impushya zo gutwara ibinyabiziga ku buryo bwa burundu ariko zarengeje igihe (zirengeje imyaka 5 uhereye igihe zakorewe), baba hanze y’u Rwanda nabo bazifite, bararebwa n’igikorwa cyo kuzihinduza.”

Yavuze ko nabo batagomba gucikanwa n’iki gikorwa kuko ari uburenganzira bwabo. Yagize ati :” umunyarwanda uba hanze y’u Rwanda akora akazi gatandukanye nawe ufite uruhushya rwarengeje igihe ashobora kwifashisha cyangwa akohereza mwenewabo, umuvandimwe, umuturanyi we cyangwa se inshuti ye akamuhinduriza uruhushya rwe. Cyakora mu gihe urwo ruhushya rwakozwe, bisaba nyirarwo ko ariwe uza kurwifatira kugira ngo hasuzumwe ko urwo ruhushya ari urwe koko”.

Iki gikorwa cyatangijwe n’ishami rya Polisi y’u Rwanda rishinzwe kubungabunga umutekano wo mu muhanda guhera mu kwezi kwa Mata 2015. Uku guhinduza izi mpushya bikaba bigenwa n’iteka nimero 05/MOS/TRANS/015 ryo kuwa 08 Mata 2015 rigena igihe uruhushya nyarwanda rwo gutwara ikinyabiziga rumara, n’uburyo rwongererwa igihe.

Umuvugizi w’ishami rya Polisi y’u Rwanda rishinzwe kubungabunga umutekano wo mu muhanda Superintendent of Police (SP) JMV Ndushabandi yavuze ko ufashwe atwaye ikinyabiziga uruhushya rwe rwararengeje igihe afatwa nk’undi wese utubahiriza amategeko y’umuhanda. Uje gutwara uruhushya rwe rwongerewe agaciro, yitwaza indangamuntu ye ndetse n’uruhushya rwo gutwara ikinyabiziga rw’umwimerere asanganywe.

Kuva mu mwaka w’2009 hatangira uburyo bw’ikoranabuhanga bwo guhindura impushya za kera hatangwa izijyanye n’igihe z’ikoranabuhanga, hakiyongeraho n’abandi bagiye bakorera impushya nyuma y’uwo mwaka bakazitsindira ; ubu abatunze izo mpushya z’ikoranabuhanga bose ni 237 824. Muri iki gihe harabarwa impushya zo gutwara ibinyabiziga 66 453 zarengeje igihe ; mu gihe impushya zimaze guhindurwa ari 8937.

Uwakenera ibindi bisobanuro yahamagara nimero : 0788311553, 0788311502 na 0788311351.

RNP

IBITEKEREZO
Mike

By'umwihariko, urwanjye rwari rusigaje igihe gito.Polisi y'u Rwanda yakoze kutugezaho aya makuru kuko yatumye menya uko nzabigenza.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Agatha Kanziga : sinigeze nunva radio RTLM na Habyarimana ntayo yumvaga

29-04-2017

Agatha Kanziga : sinigeze nunva radio RTLM na Habyarimana ntayo...

Abava muri FDLR bose bagaragaza gucikamo ibice gukomeye

29-04-2017

Abava muri FDLR bose bagaragaza gucikamo ibice gukomeye

Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...