LATEST NEWS
MU RWANDA
Hasohotse ubushakashatsi bw’uko Jenoside yateguwe igashyirwa mu bikorwa aho Habyalimana yavukaga
Publish Date: mercredi 27 avril 2016
VISITS :3702
By Admin

Komisiyo yo Kurwanya Jenoside yasohoye ubushakashatsi bugaragaza uko Jenoside yateguwe ikanashyirwa mu bikorwa aho uwari Perezida w’u Rwanda, Habyalimana Juvenal yavukaga.

Habyarimana Kinani

Habyalimana Juvenal yavukaga ahahoze ari muri Komine Karago, mu yahoze ari Perefegitura ya Gisenyi.

Ubu bushakashatsi bwakozwe n’abashakashatsi 2 ba CNLG, Gahongayire Libertha na Mafeza Faustin, bwashyizwe ahagaragara kuri uyu wa 19 Mata 2016, aho bwari bumaze imyaka 2 bukorwa.



Dr. Bizimana Jean Baptiste

CNLG ivuga ko impamvu yakoze ubu bushakashatsi muri Gisenyi ari Perefegitura yavukagamo uwari umukuru w’Igihugu, Jenerali Majoro Juvenal Habyarimana ndetse ikaba ari na yo yabanje gukorerwamo ubwicanyi mu Kwakira 1990 hicwa Abatutsi i Kibilira muri Ngororero bazizwa igitero cya FPR-INKOTANYI.

Iyi Komisiyo inavuga ko Gisenyi yakomokagamo abategetsi benshi biganjemo abateguye Jenoside kandi bagashishikariza ishyirwa mu bikorwa ryayo mu gihugu hose.

Iyi perefegitura kandi ni na yo ya mbere yavukagamo abasirikare benshi bo ku rwego rwo hejuru, barimo abateguye Jenoside bakanayishyira mu bikorwa, barangajwe imbere na Colonel Bagosora Theoneste ;

Col. Theoneste Bagosora

Dr Bizimana Jean Damascene, Umunyamabanga Nshingwabikorwa wa CNLG avuga ko bihaye gahunda yo guteza imbere ubushakashatsi, bakaba barafashe umurongo wo kwerekana uko Jenoside yagenze hashingiwe ku kuntu ubuyobozi bwari bumeze icyo gihe.

Yagize ati “Twasanze akenshi, n’ubwo Jenoside yateguriwe ku rwego rw’Igihugu ariko yaragiye ishyirwa mu bikorwa hashingiwe ku miterere y’ubuyobozi.

Nyuma ya Gisenyi, Dr Bizimana avuga ko bazakorera no mu zindi perefegitura.

Uretse ubu bushakashatsi ku miterere y’ubuyobozi, CNLG inavuga ko izajya inareba n’ibindi bintu by’ingenzi byaranze amateka ya Jenoside tubikoreho ubushakashatsi, aho ku ikibitiro izahera ku bushakashatsi bugaragaza ibyaha byakorewe abagore n’abakobwa muri Jenoside yakorewe Abatutsi.

Ubu bushakashatsi bwari bugamije kwerekana no gusobanura imibanire y’abaturage bari batuye mu yahoze ari Perefegitura ya Gisenyi muri Repubulika ya mbere n’iya kabiri.

Gen Bizimungu yagizwe umugaba mukuru w’Inzirabwoba

Bunagaragaza ibikorwa by’ivangura, urugomo n’ubwicanyi bwakorewe Abatutsi hagati ya 1990-1993 ndetse no kwerekana uburyo bwakoreshejwe mu gutegura Jenoside yakorewe Abatutsi n’uko yashyizwe mu bikorwa mu yahoze ari Perefegitura ya Gisenyi.

Mu byavuye muri ubu bushakashatsi harimo kuba mu gihe cy’ubutegetsi bwa Kayibanda Gregoire hari amacakubiri, itotezwa, ihezwa, n’ubwicanyi byose byakorewe Abatutsi.

Dr. Bizimana JD Umunyamabanga nshingwa bikorwa wa CNLG

Aha, abashakashatsi ba CNLG bifashishije zimwe mu ngero aho berekana ko hari Itotezwa n’ihezwa ry’Abatutsi ku butegetsi bwa Kayibanda aho bavuga ko no muri Perefegitura ya Gisenyi na bo byabagezeho.

Ubu bushakashatsi butanga ingero, aho mu mwaka wa 1963, Abatutsi bo muri Komini Ramba na Rwerere bishwe, inzu zabo barazitwika, banyaga inka zabo n’andi matungo magufi.

Theodor Sindikubwabo Perezida w’Abatabazi

Mu mwaka wa 1963, muri Komini Kayove, abapolisi n’abasirikare bafatanije n’abategetsi (ba konseye na burugumesitiri ) bafashe abagabo b’Abatutsi babapakira imodoka za gisirikare bajya kubicira ahantu hatigeze hamenyekana kugeza ubu.

Mu mwaka wa 1967, Abatutsi bo muri Komini Giciye barishwe bajugunywa mu mugezi wa Mukungwa.

Jean Kambanda Minisitiri w’Intebe wa Guverinoma y’Abatabazi

Mu gihe cy’ubutegetsi bwa Habyalimana Juvenal, ubu bushakashatsi bugaragaza ko muri iki gihe hari ibikorwa byinshi byagaragaye byari bigamije gutegura no gushyira mu bikorwa Jenoside yakorewe Abatutsi muri Perefegitura ya Gisenyi.

Mbere yo gukora Coup d’Etat yabaye tariki ya 5 Nyakanga 1973, Habyalimana yagiranye inama n’abasirikare bakuru muri Komine yavukagamo ya Karago.

Nyuma gato y’ivanwa ku butegetsi rya Kayibanda, muri Gisenyi habaye nk’aho haba agahenge ariko ntikamara igihe kuko ivangura mu mashuri, mu kazi ndetse n’ibindi byakorwaga mbere byakomeje.

Guhera mu mwaka wa 1990, Abatutsi, bashinjwe kuba ibyitso by’Inkotanyi, benshi barabafunga.

Muri icyo gihe ubutegetsi bwategetse abaturage guhamba umutumba nyuma y’itariki ya 2 Ukwakira 1990, ubwo Gen. Major Fred Gisa Rwigema yapfiraga ku rugamba. Aha mu makomini atandukanye abaturage barabyitabiriye cyane.

Ubu bushakashatsi bwerekana inama zabaye muri Gisenyi zari izo gutegura no gushyira mu bikorwa Jenoside, gutoza interahamwe no gutanga imbunda ndetse n’ubwicanyi bwakorewe Abatutsi mbere y’umwaka wa 1994.

Abitabiriye uwo muhango batanze ibitekerezo by’ibikwiye kunozwa muri ubu bushakashatsi, aho CNLG yavuze ko izareba ibifite ireme ikabyongeramo.

Interahamwe

Uretse ubu bushakashatsi hanamuritswe n’ubundi buri mu rurimi rw’Igifaransa bwitwa “L’Etat de l’ideologie du Genocide au Rwanda, 1995-2015,” mu Kinyarwanda bwitwa Imiterere y’Ingengabitekerezo ya Jenoside, 1995-2015.”

Gahongayire Libertha na Mafeza Faustin, abashakashatsi ba CNLG bakoze ub u bushakashatsi (Ifoto/ Ndayishimye JC)

Umwanditsi wacu

IBITEKEREZO
bobori jean claude

Kayihura urigiza nkana. Ntushobora kubaka ahazaza wirengagije igihe cyashize. Ubwo se waba wubaka ushingiye kuki ? Ahubwo ndabona ari wowe ushaka kurenzaho !

Rwagasana Gerard

Reactions (ibitekerezo) zatanzwe na bam we zerekana ko hakiri abantu bagihakana nkana jenocide yakorewe abatutsi. Birababaje ariko guhashya negationisme bifata igihe dore ko hari nabagihakana jenoside yakorewe abayahudi nyuma yicyaha irenga 70 ! Nta gitangaza rero dukomeze turwanye ingengabitekerezo ya jenoside mu banyarwanda . Congratulations kuri buri ya bushakashatsi bwakozwe neza cyane.

J.d.D

Ndasubiza Kamasa, Amateka ntabwo agomba kuba nyayo bitewe na C.V cg imyaka ndetse n amashuri yabayeho. Niba havuzwe Genocide banza umenye icyo iryo jambo risobanuye. Bizagufasha kubitandukanya n ibyaha by intambara, ubwicanyi busanzwe ndetse n urugomo. Wowe kimwe n abandi mujye mutanga ibitekerezo mwabanje gusobanukirwa, niba munasobanukiwe muba muhemukira abantu kugirango batumva neza ukuri kw amateka.

YEGOO

Mujye mumenyako umuntu akwigisha amateka bitewe nicyo ashakako uzavamo. Mbese bitewe nuko ashaka kuzagukoresha. Ntagitangaza kirimo rero. Mwakire ubwo bushakashatsi uko babusohoye.

mzee

Ariko buriya Habyarimana Juvenal ntiyari mà » byihebe (terroristes) kubera KO yateguye génocide ariko akabanza kwanza kwicwa ngo ishyirwe mubikorwa. Ubu se haraho atanuye nabihambiraho ibusasu ngo bice abantu

Kamassa

Bjr.basomyi. Maze gusoma iyo nkuru.nibazaga byinshi.ariko nsanze ntacyo nabivugaho gihambaye.ahubwo ndemeranwa n'a Kayihura. Gusa ngire icyonibariza Liberatha n'a Faustin. Niba ntabanga ririmo,babwira imyaka yamavuko yabo.naho bize.ndavuga za CV zabo.kuko sinumva ukuntu umu ntu agenderaho nibintu atahagazeho. Nonese kuki iyobavuze ibyo FPR inkotanyi nakoze za byumba mutabyemera.kdi bivugwako nabahize Murizongabo. Ikindi niba mushaka kubana ubumwe bwabanyarwanda. Nimwandike amateka nyayo.atagize aho abigamiye. Nimufate indege mujye kureba Kigeli,ariyo arababara amateka ngaho niba mwemera ko Umwami yagezwagaho amakuru yose.ntimubitware murwego rwaba "Abanyiginya n'a Abega". Mbona njyewe guhora mwandika kuri joneside nibyo mwita Ingengabitekerezo.aruburyo ahubwo mushaka gukomeza guhisha ukiri ibyabaye byose. Kuko mwanga kobyazagaragara ko Mubuyegetsi buriho bwaba bwarabigizemo uruhare.mukababaro mwarashyizeho uburyo bwose bishobora ngo mwushyira igihirahiro mubantu. Amaherezo ukuri kuzamenyekana.kdi ntabwo kuzahishwa igihe cyose.rero nimutubwize ukuri.ibyabaye ibyo murikubiba izindi nzangano.dushobora kuzagira ingaruka zirenze ibyabaye mugihe kizaza.ngaho.nimuduhe amakuru yuko muyandi maperefegitura byatangiye bakora ubwo bwicanyi.doré ko mwatangiyese muvugana kobyatangiye muri 1959.mutubwire uko abanyagitarama nabanyinyanza ahahoze ari ibwami uko byabagendekeye.mugerageze.

Gahung u

Aliko se muzi KO muba mubwira abantu bazi ubwenge ? Ubushakashatsi muvuga burin he ? Ntabwo mbona bazabanze bajye kwiga uko bakora ubushakashatsi namwe mwige itangazamakuru muve muri fanatisme n'amarangamutima

kayihura alexis

IBYO NTAWABITINDAHO CYANE KUKO NIBO BARI BAFITE UBUBASHA BWOSE. NJYE IKIBAZO MFITE NI UKO AHO KUREBA IMBERE HAZAZA DUHOZA UBWONKO INYUMA NKABA NSANGA BITUBAKA AHAZAZA, 22 NI MYINSHI RWOSE GENERATION ZICYO GIHE TURIREBA CYANEEEE....HARI IBINDI BISHISHIKARIJE ABANA NABUZUKURU BACU KANDI BYADUHURIZA HAMWE TWESE TUKARUSHAHO KUGIRA INGUFU AHO GUHORA TURENZAHO, TURENZAHO... MU BURYO BUGARAGARIRA USHAKA KUBONA WESE.


TANGA IGITEKEREZO

Kwamamaza
Kwamamaza
Also in this section
Abagenerwabikorwa ba Imbuto Foundation bakanguriwe kurangwa n’ikinyabupfura

Abagenerwabikorwa ba Imbuto Foundation bakanguriwe kurangwa n’ikinyabupfura

Amahanga arifuza ikoranabuhanga ryahimbwe n’Abanyarwanda mu gukurikirana abanyeshuri

Amahanga arifuza ikoranabuhanga ryahimbwe n’Abanyarwanda mu gukurikirana...

[AMAFOTO] : Mushakire hamwe ingamba zirwanya ihohoterwa rishingiye ku gitsina-Minisitri w’Intebe Murekezi

[AMAFOTO] : Mushakire hamwe ingamba zirwanya ihohoterwa rishingiye ku...

Bwa mbere, U Rwanda rurakira inama nyafurika y’abagore bo mu nzego z’umutekano

Bwa mbere, U Rwanda rurakira inama nyafurika y’abagore bo mu nzego...

Gicumbi : Gitifu w’Akarere yeguye, abajijwe impamvu ati : “Eeeh ! Waba uretse gato.”

Gicumbi : Gitifu w’Akarere yeguye, abajijwe impamvu ati : “Eeeh ! Waba...

NEW POSTS
Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...