LATEST NEWS
New section No17
Huye : Abamotari bakanguriwe ubufatanye mu kurwanya ibyaha
Publish Date: lundi 28 décembre 2015
VISITS :52
By Admin

Abamotari bo mu karere ka Huye bagera kuri 700 bibumbiye muri Koperative ebyiri ari zo COTAMOHU (Cooperative de Taxi Motos de Huye) na CIM (Cooperative Intambwe Motard) bakanguriwe kugira ubufatanye na Polisi y’u Rwanda mu kurwanya no gukumira ibyaha.

Ubu butumwa babuhawe ku itariki 23 Ukuboza 2015 n’umuyobozi wa Polisi y’u Rwanda muri aka karere, CSP Francis Muheto, mu nama yagiranye na bo kuri sitade ya Huye iri mu Murenge wa Ngoma.

Mu byo yabasabwe harimo gutanga amakuru ku gihe yatuma hakumirwa ikintu cyose gishobora guhungabanya umutekano kandi yatuma hafatwa uwamaze kugikora cyangwa ufite imigambi yo kugikora.

Ibi, CSP Muheto yabibabwiye muri aya magambo :" Mutwara abantu benshi kandi batandukanye. Muri bo, hashobora kubamo abanyabyaha. Aha, tukaba twavuga nk’abafite ibiyobyabwenge nk’urumogi, n’inzoga zitemewe nka Kanyanga."

Yakomeje ababwira ati :"Nk’abandi baturarwanda, murasabwa kujya muha Polisi y’u Rwanda amakuru ya bene abo bantu ndetse n’abandi bakoze cyangwa bafite imigambi yo gukora ibinyuranyije n’amategeko kugira ngo bafatwe."

Uretse kubakangurira gutangira amakuru ku gihe, CSP Muheto yanasabye abo bamotari kubahiriza amategeko agenga umwuga wabo, aha akaba yarababwiye ko ari bwo buryo bwonyine bwo kwirinda impanuka zo mu muhanda.

Ibindi yabibukije , harimo kubahiriza ibyapa byo ku muhanda, kudatwara imitwaro kuri moto, kutayitwaraho abagenzi barenze umwe , gutwara moto ku muvuduko wagenwe, kwambara ingofero zabugenewe (casques) mu gihe batwaye moto, kandi bagahagurutsa moto ari uko umugenzi batwaye na we amaze kuyambara.

Na none CSP Muheto yabwiye abo bamotari kugira ibyangombwa birimo urubemerera gutwara moto, urubemerera gukora uyu mwuga, ndetse n’ubwishingizi, kandi ababwira kujya babigendana buri gihe cyose batwaye moto.

Umuyobozi wa CIM, ari we Habimana Jean Chrysostome yashimye imikoranire myiza irangwa hagati y’abanyamuryango b’Ishyirahamwe ryabo na Polisi y’u Rwanda mu karere ka Huye.

Aha akaba yaragize ati :" Turashima Polisi y’u Rwanda kuba yaratugiriye inama yo kureka gukorera mu kajagari. Mbere ntitwumvaga umumaro wabyo, ariko aho tumariye kwishyira hamwe, ubu tumaze kugera kuri byinshi."

Habimana yabwiye bagenzi be gukurikiza inama zose bagiriwe na Polisi y’u Rwanda muri aka karere.

Iyi nama yasojwe aba bamotari bakorera mu karere ka Huye biyemeje gukomeza kuba abafatanyabikorwa ba Polisi y’u Rwanda mu kurwanya no gukumira ibyaha, kandi bubahiriza amategeko agenga umwuga wabo.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...