LATEST NEWS
New section No17
Huye yegukanye igikombe mu mupira w’abafite ubumuga bwo kutabona itsinze ikipe ikomeye cyane
Publish Date: lundi 30 novembre 2015
VISITS :84
By Admin

Ku cyumweru tariki 29/11/2015 muri petit stade i Remera habaye amarushanwa y’umupira w’abantu bafite ubumuga bwo kutabona ikipe y’Akarere ka Huye yegukana igikombe ariko binyuze mu nzira ndende kandi zitari zoroshye kuko yatsinze ikipe ikomeye cyane.

Ayo marushanwa y’umupira w’amaboko bita GOALBALL yari avunannye cyane kuko shampiyona yatangiye kuri uwo munsi wo kucyumweru na finale ikinwa uwo munsi Huye yegukanye icyo gikombe itsinze ikipe y’Akarere ka Kirehe ku bitego 10 ku munani. Kirehe yari yakoze neza cyane mu majonjora, nayo yakozwe kuri uwo munsi wa finale.

Umukino wa mbere w’ayo majonjora wahuje Nyamasheke na Karongi aho Nyamasheke yatsinze ku kaburembe ibitego 11 ku i 10. Umukino wa kabiri wahuje Huye na Burera aho Huye yakubise Burera nta mbabazi ibitego 10 ku busa naho mu mukino wa gatatu Kirehe itsinda Nyamasheke ibitego 11 kuri bitandatu. Kuri uyu mukino niho urugendo rwa Burera rwahise rurangirira !

Umukino wa kane wagaragaje yuko n’urugendo rwa Karongi rugenda rurangira. Muri uwo mukino iyo kipe ya Karongi yahuye n’iya Kirehe aho Karongi yakubiswe ibitego 13 byose kuri bitatu, mu mukino wakurikiyeho Karongi ivamo nyuma yo gutsindwa na Huye ibitego 11 kuri kimwe.

Ni kuri uyu mukino kandi Huye yahise ibona itike yo gukina finali. Mu mukino wakurikiyeho nibwo na Kirehe yabonye itike yo gukina finali nyuma yo gutsinda Nyamasheke ibitego 11 kuri bine. Finali rero yahuje Kirehe na Huye aho Huye yegukanye igikombe itsinze Kirehe ibitego 10 ku munani.

Aya marushanwa y’umukino wa GOALBALL yari yateguwe n’inama nkuru y’igihugu y’abantu bafite ubumuga (NCP) mu cyumweri mpuzamahanga cyahaririwe kuzirikana abantu bafite ubumuga.

Depite Rwaka P. Claver ashyikiriza Huye igikombe

Uko niko abakinnyi baba bategereje umupira

Uyu mukino wa GOALBALL ni umukino uryoheye ijisho kureba kuko uba urimo utuntu dushekeje twinshi. Mu kibuga haba harimo abakinnyi batatu kuri buri kipe, bari ku murongo utambitse mu buryo bwo kurinda izamu ariko hagati y’umukinnyi n’undi harimo nka metero. Abakinnyi baba bicaye cyangwa baryamye hasi bategereje yuko umupira uza ngo bawufate.

Umupira ukinwa uba urimo inzogera umukinnyi yawujugunya ya nzogera ikagenda ivuga, abakinnyi bo ku ruhande ujugunywemo bakawukurikirana kuwufata, hakaba ubwo bawufata cyangwa bagafata aho uvuye, igitego kikinjira.

Uyu mukino wa GOALBALL ugira amategeko yawo, amwe akaba yaranakoreshejwe muri iryo rushanwa ryari ryanitabiriwe n’abanyamakuru bibumbiye mu muryango w’abanyamakuru bakorera ubuvugizi abantu bafite ubumuga (ROJAPED- Solidarity) kimwe n’abandi banyamakuru b’imikino baturutse mu bitangazamakuru bitandukanye.

Amwe muri ayo mategeko n’uko umukinyi umwe adashobora kujugunya umupira mu izamu ry’ikipe bahanganye inshuro eshatu yikurikiranya. Ikindi n’uko abakinnyi baba bambaye amarineti yagenewe uwo mukino. Iyo umukinnyi akoze kuri ayo marineti atabanje kubibwira umusifuzi ikipe ye irabihanirwa. Uko ibihano biteye n’uko abakinnyi babiri bava mu kibuga umupira ugaterwa mu izamu ryabo hasigayemo umukinnyi umwe gusa !

Uyu mukino n’ubwo ari mwiza ariko umupira ukinwa uba ukomeye cyane kuburyo ugomba kuba usigamo imvune abakinnyi nkuko byemezwa n’umuyobozi wa ROJAPED, Bukebuke Aimable. Yagize ati niba bishoboka hakwiye gushakishwa imipira itaremereye cyane.

Kayumba Casmiry

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...