LATEST NEWS
New section No17
Iburasirazuba : abafatanywe ibiyobyabwenge barakangurira abandi kubireka
Publish Date: mercredi 9 décembre 2015
VISITS :138
By Admin

Abantu mirongo ine na babiri bafatanywe ibiyobyabwenge birimo kanyanga n’urumogi bo mu ntara y’iburasirazuba mu kwezi gushize, barakangurira abanywa ibiyobyabwenge ndetse n’ababicuruza kubireka, kuko bigira ingaruka mbi ku buzima bwabo ndetse bikabakururira n’ubukene mu gihe babifatiwemo.

Ibi ni ibyavuzwe na bamwe muri bo kuri uyu wa kabiri tariki ya 8 Ukuboza 2015 kuri sitasiyo ya Polisi ya Mukarange mu karere ka Kayonza, ubwo Polisi y’u Rwanda yerekaga itangazamakuru abagiye bafatirwa mu turere twa Nyagatare,Gatsibo,Rwamagana,Kayonza,Ngoma na Kirehe.

Umuvugizi wa Polisi y’u Rwanda Assistant Commissioner of Police (ACP) Celestin Twahirwa yavuze ko aba bafashwe kubera ibiyobyabwenge bari mu byiciro bitandukanye : harimo abatetsi ba kanyanga,abanywi b’urumogi na kanyanga,harimo kandi abacuruzi babyo,abambutsa n’abatunda urumogi na kanyanga babivana mu bihugu duturanye ndetse hakabamo n’abajya kugurisha ibyo biyobyabwenge hirya no hino no mu mujyi wa Kigali.

ACP Celestin Twahirwa yakomeje avuga ko mu kwezi gushize muri iyi ntara y’i Burasirazuba hafashwe ibiro 705 by’urumogi,amajerekani 664 ya kanyanga na chief waragi nyinshi. Umuvugizi wa Polisi y’u Rwanda yasabye abanywi b’ibiyobyabwenge kubireka kuko nta nyungu iba mu kubinywa uretse kubangiriza ubuzima, gufungwa iyo bafashwe ndetse n’imiryango yabo bikayigiraho ingaruka mbi. ACP Twahirwa yasoje asaba ubufatanye bw’abaturage mu kubirwanya cyane cyane batanga amakuru kugira ngo ibi biyobyabwenge byugarije cyane cyane urubyiruko bicike burundu.

Umwe mu bari baragizwe imbata n’ibiyobyabwenge waje kubireka, yitwa Nsengimana Damien wo mu murenge wa Musaza mu karere ka Kirehe mu buhamya bwe, yagize ati :”Nakoresheje ibiyobyabwenge igihe kirekire.Navanaga urumogi mu gihugu cy’abaturanyi ariko nta nyungu nakuyemo uretse kuba narafunzwe umwaka umwe.Ibi rero byarandindije cyane,ariko aho mfunguriwe nagiye inama n’umugore wanjye ku buryo nihannye nkabireka burundu. Ubu niteje imbere, ndi umuhinzi-mworozi,ku kwezi sinabura amafaranga ibihumbi 100.” Yakanguriye abanywa ibiyobyabwenge kubireka ahubwo bagafata ingamba nziza nk’izo yihaye zo kiteza imbere binyuze mu nzira zemewe n’amategeko.

RNP

IBITEKEREZO
Rwihandagaza

Bravo police mukomeze mudusobanurire ahari twafashwa ntituzongere gukora nkibyo. Kubona banyirukubikora bakangurira abandi ububi bwibiyobyabwenge nintera nziza ikomeye.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...