LATEST NEWS
New section No17
Ibyemezo by’Inama y’Abaminisitiri idasanzwe yo kuwa Kabiri tariki ya 03/11/2015
Publish Date: mercredi 4 novembre 2015
VISITS :258
By Admin

Kuri uyu wa Kabiri, tariki ya 03 Ugushyingo 2015, Inama y’Abaminisitiri idasanzwe yateraniye muri Village Urugwiro, iyobowe na Nyakubahwa Perezida wa Repubulika, Paul KAGAME.

1. Inama y’Abaminisitiri yemeje imyanzuro y’Inama y’Abaminisitiri yo kuwa 14 Ukwakira 2015, imaze kuyikorera ubugororangingo.

2. Inama y’Abaminisitiri yemeje gahunda ngenderwaho yo guteza imbere imikoreshereze y’ikoranabuhanga mu Rwanda (Smart Rwanda Master Plan) ;

3. Inama y’Abaminisitiri yemeje Politiki y’Igihugu yo guteza imbere urubyiruko, ingamba n’uburyo bishingiye ku musaruro mu kuyishyira mu bikorwa.

4. Inama y’Abaminisitiri yemeje amasezerano hagati ya Guverinoma y’u Rwanda n’Amasosiyete y’Abikorera yerekeye ubucukuzi bw’amabuye y’agaciro mu cyahoze ari mine za Gatumba.

5. Inama y’Abaminisitiri yemereye amasosiyete mashya impushya zo gucukura mine na kariyeri mu Rwanda, yasabye mu kwezi kwa Kanama na Nzeri 2015.

6. Inama y’Abaminisitiri yemeje Imishinga y’Amategeko ikurikira :

Umushinga w’Itegeko rigena imiterere, imitunganyirize n’imikorere
by’Amashuri Makuru ;

Umushinga w’Itegeko rihindura kandi ryuzuza Itegeko No 44/2010 ryo kuwa 07/12/2010 rishyiraho Ikigo gishinzwe guteza imbere Uburezi mu Rwanda (REB) rikanagena inshingano, imiterere n’imikorere byacyo ;

Umushinga w’Itegeko rihindura kandi ryuzuza Itegeko No 72/03 ryo kuwa
10/09/2013 rishyiraho Inama y’Igihugu y’Amashuri Makuru, rikagena inshingano, imiterere n’imikorere byayo ;

Umushinga w’Itegeko ryemerera kwemeza burundu Amasezerano y’Inguzanyo No 1675P yashyiriweho umukono i Lima, Peru kuwa 08 Ukwakira 2015, hagati ya Repubulika y’u Rwanda n’Ikigega cya OPEC Gitsura Amajyambere Mpuzamahanga (OFID) yerekeranye n’inguzanyo ingana na miliyoni cumin’eshanu z’amadolari ya Amerika (15.000.000 USD) agenewe Umushinga w’Umuhanda Nyagatare- Byumba- Base.

Umushinga w’Itegeko ryemerera kwemeza burundu Amasezerano avugurura Amasezerano ya Marrakesh ashyiraho Umuryango Mpuzamahanga w’Ubucuruzi yashyiriweho umukono i Marrakesh, muri Morocco, kuwa 15 Mata 1994 yemejwe burundu kuwa 26 Gicurasi 1996 kugira ngo hongerwemo Amasezerano agamije koroshya ubucuruzi, umugereka wa 1A.

7. Inama y’Abaminisitiri yemeje Amateka akurikira :

Iteka rya Minisitiri w’Intebe rigena imiterere y’Igitabo giteganya uburyo imirimo ikorwamo mu Butegetsi bwa Leta ;

Iteka rya Minisitiri rigena impamyabumenyi n’impamyabushobozi zisoza buri cyiciro cy’amashuri ;

Iteka rya Minisitiri rigena urutonde rw’imiti n’ibikorwa by’ubuvuzi bitangwa kuri buri rwego rw’ibigo by’ubuvuzi.

8. Inama y’Abaminisitiri yemeje ko aba bakurikira bahagararira ibihugu byabo mu Rwanda ku rwego rwa Ambasaderi :

1. Bwana Pan HEJUN, w’Ubushinwa, afite icyicaro i Kigali ;

2. Bwana Yevhenii TSYMBALIUK, wa Ukraine, afite icyicaro i Nairobi ;

3. Bwana Joseph NOURICE, wa Seychelles, afite icyicaro i Addis Ababa ;

4. Bwana Chelva RETNAM RAJAH, wa Singapore, afite icyicaro I Singapore.

5. Bwana Felix COSTALES ARTIEDA, wa Spain, afite icyicaro i Dar-EsSalaam.

9. Inama y’Abaminisitiri yashyize mu myanya abayobozi ku buryo bukurikira :

Muri Minisiteri y’Inganda n’Ubucuruzi /MINICOM

 Bwana NGABONZIZA Emmy : Umuyobozi w’Ishami rishinzwe Ubutegetsi n’imari.

Mu Kigo cy’Igihugu gishinzwe Iterambere rya Transiporo /RTDA

 Bwana MPAYANA Fio Logan : Umuyobozi w’Ishami rishinzwe ubushakashatsi no kugenzura ireme.

Mu Kigo cy’Igihugu gishinzwe guteza imbere Amakoperative /RCA

 Bwana MUHIZI Jules Aimable : Umuyobozi w’Ishami rishinzwe igenamigambi n’iterambere ry’amakoperative.

10.Mu Bindi :

a) CEO/RDB akaba n’Umwe mu Bagize Guverinoma yamenyesheje Inama y’Abaminisitiri ko muri Raporo ya Banki y’Isi 2016 ijyanye n’uburyo Ibihugu byorohereza ubucuruzi n’ishoramari, u Rwanda rwaje ku mwanya wa 62, rwateye imbere muri gahunda zikurikira :

Korohereza abacuruzi gutangiza ibigo byabo,

Gutanga inguzanyo,

Kurengera abashoramari bato no

Gukemura impaka zerekeranye n’igihombo gituruka ku bucuruzi.

Muri Afurika, u Rwanda rwaje ku mwanya wa kabiri, nyuma y’Ibirwa bya Mauritius naho muri Afurika y’Iburasirazuba ruza ku mwanya wa mbere.

b) Umunyamabanga wa Leta muri Minisiteri y’Ubutegetsi bw’Igihugu ushinzwe Amajyambere Rusange n’Imibereho Myiza y’Abaturage yamenyesheje Inama y’Abaminisitiri ko ku itariki ya 3 Ukuboza 2015, u Rwanda ruzizihiza Umunsi Mpuzamahanga w’Abafite ubumuga. Kwizihiza uwo munsi bizabanzirizwa n’icyumweru cy’ubukangurambaga ku kwita ku bafite ubumuga kizatangira ku itariki ya 22 Ugushyingo kikageza ku ya 3 Ukuboza 2015. Ku rwego rw’Igihugu, uyu munsi uzizihirizwa mu Karere ka Musanze, ariko unizihirizwe no mu tundi Turere twose tw’Igihugu. Uyu mwaka Insanganyamatsiko ni “Twubake ubushobozi kuri bose, duteze imbere ibikorwa bidaheza.”

Iri tangazo ryashyizweho umukono na Stella Ford MUGABO
Ministiri Ushinzwe Imirimo y’Inama y’Abaminisitiri

IBITEKEREZO
niyonzima

nkunda paul kagame kuko ayoboye neza abanyarwanda. tumuri inyuma . uyu mugabo ntacyo atakoze kugirango dutere imbere. twe abanyarwanda dukunda paul kagame,imiyoborere ye myiza tuzahora tumukunda .

niyonzima

nkunda paul kagame kuko ayoboye neza abanyarwanda. tumuri inyuma . uyu mugabo ntacyo atakoze kugirango dutere imbere. twe abanyarwanda dukunda paul kagame,imiyoborere ye myiza tuzahora tumukunda .


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...