LATEST NEWS
MU RWANDA
Igisirikare cy’u Rwanda cyabeshyuje amakuru y’iraswa ry’ umusirikare waguye muri Sudani y’Epfo
Publish Date: mercredi 25 novembre 2015
VISITS :307
By Admin

Ingabo z’u Rwanda zirabeshyuza amakuru y’uko hari umusirikare w’u Rwanda waba warapfiriye mu butumwa bw’amahoro bw’Umuryango w’Abibumbye muri Sudani y’Epfo, UNMISS.

Amakuru yanyuze mu binyamakuru bitandukanye avuga ko umusirikare w’u Rwanda yaguye muri Sudani y’Epfo tariki ya 23 Ugushyingo 2015 azize ibikomere by’amasasu.

Inkuru ya Bloomberg ivuga ko ‘umusirikare wari mu butumwa bw’amahoro muri Sudani y’Epfo yarashwe agapfa ku birindiro by’izo ngabo mu murwa mukuru , Juba, naho umwe muri bagenzi be akaba ari gukorwaho iperereza kubera uru rupfu.’

Iyi nkuru ikomeza ivuga ko "abaganga kuri ibyo birindiro bemeje ko uwo musirikare ufite ubwenegihugu bw’u Rwanda yazize ibikomere by’amasasu kuwa Mbere mu gitondo."


Umuvugizi w’Ingabo z’u Rwanda, Brig Gen. Joseph Nzabamwita.

Ibi ngo bikaba byaremejwe n’umuvugizi w’izo ngabo by’agateganyo Shantal Persaud mu kiganiro yagiranye n’iki kinyamakuru kuri telefoni ndetse ko n’undi musirikare ari guhatwa ibibazo kubera uru rupfu ari umunyarwanda.

Ingabo z’u Rwanda, RDF, zivuga nta musirikare w’u Rwanda wishwe ndetse ko nta n’umwe uri kubazwa.

Umuvugizi w’Ingabo z’u Rwanda, Brig Gen. Joseph Nzabamwita, mu itangazo ryashyizwe ahagaragara na RDF kuri uyu wa Gatatu yagize ati “igihari ni uko umwe mu basirikare bandi bari mu butumwa muri UNMISS yazanywe ku ivuriro ry’ingabo z’u Rwanda (Contingent Medical Clinic) i Juba kuwa Mbere tariki ya 23 Ugushyingo 2015. Ku bw’ibyago aza gupfa azize ibikomere yari yatewe n’amasasu yarasiwe mu bikorwa bitigeze bigirwamo uruhare n’ingabo z’u Rwanda.”

U Rwanda rwihanganishije kandi umuryango wa nyakwigendera n’ingabo z’igihugu akomokamo ziri mu butumwa bw’amahoro muri Sudani y’Epfo kubwo kubura uyu wari wariyemeje kwitangira abandi.

U Rwanda rwasabye kandi UNMISS kubeshyuza amakuru atariyo yatanzwe mu binyamakuru.

Rushyashya

IBITEKEREZO

TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...