LATEST NEWS
MU RWANDA
Ikiganiro n’Umuyobozi wa Polisi y’u Rwanda mu Mujyi wa Kigali
Publish Date: samedi 5 décembre 2015
VISITS :631
By Admin

​Muri iki gihe hagenda hagaragara iterambere ryihuse mu gihugu cyacu ariko cyane cyane mu Mujyi wa Kigali, aho usanga imihanda,amagorofa n’ibindi byiyongera umunsi ku wundi. Cyakora n’ubwo hariho iri terambere,rijyana n’ibikorwa bitandukanye bihungabanya umutekano kuko uko Umujyi ukura ari nako abanyabyaha biyongera ndetse n’uburyo ibyaha bikorwa bukagenda butandukana.

Ibi nibyo byatumye twegera Umuyobozi wa Polisi mu Mujyi wa Kigali Assistant Commissioner of Police (ACP) Elias Mwesigye tugirana ikiganiro kirambuye ndetse atubwira n’ingamba bafite mu kurusho gucunga umutekano mu mpera z’uyu mwaka.

Ikibazo:Umutekano wifashe gute muri iki gihe mu Mujyi wa Kigali ?

Igisubizo:Umutekano wifashe neza uretse ko hari bimwe mu byaha biwuhungabanya. Muri byo twavuga:ubujura bw’ibikoresho byo mu nzu birimo amaradiyo,tereviziyo,mudasobwa,terefone n’ibindi.Hari n’ibindi byaha nko gukubita no gukomeretsa,gukoresha ibiyobyabwenge nk’urumogi na kanyanga hakiyongeraho kandi n’ubujura bukorwa hifashishijwe sheki zitazigamiwe.

Cyakora n’ubwo hagiye hakorwa biriya byaha byavuzwe hejuru,twagiye dufata ababikoze, dukora dosiye tukaba twarazishyikirije ubushijacyaha.Twakoze ubukangurambaga ku buryo uku gukumira no kurwanya ibyaha tubikora dufatanyije n’abaturage

Ikibazo : Ni izihe mbogamizi muhura nazo mu kazi kanyu ko gucunga umutekano ?

Igisubizo : imbogamizi duhura nazo zerekeranye mbere na mbere n’imiterere y’Umujyi wa Kigali. Kuba Umujyi wihuta mu iterambere ntibyakagombye kuba ikibazo ahubwo igisubizo cy’iterambere ry’abaturage. Hari rero ikibazo cy’ubujura bukorwa mu mazu anyuranye twagiye duhura nacyo cyane cyane ubujura bw’ibikoresho by’ikoranabuhanga nka tereviziyo,mudasobwa,radiyo n’ibindi.

Ubu bujura rero bukorwa hatoborwa amazu cyangwa se abajura bagafatanya n’abakozi bo mu ngo. Ku byerekeranye n’ubu bujura hari za televiziyo zirenga ijana n’ibindi bikoresho birimo za mudasobwa twafashe tukaba dukangurira ababyibwe kutugana bitwaje ibyangombwa bibiranga. Iyo ibyo bikoresho bibuze ba nyirabyo tubishyikiriza inkiko bityo zikagena uko byagenda.

Ikibazo : Mu minsi yashize hakunze kugaragara ubujura bw’ibikoresho by’ikoranabuhanga.Ubu byifashe gute ?

Igisubizo : Kurwanya iki cyaha bisaba ubufatanye bw’inzego zose n’abaturage. Ariko kandi twanashyizeho umutwe wihariye wo kurwanya abakora ibyo bikorwa by’ubujura, ku buryo abarenga magana atatu twabafashe tukaba twarabashyikirije ubushinjacyaha.Cyakora hari n’abo twohereje mnu bigo ngororamuco hirya no hino.

Ikibazo : Uko Umujyi ukura ni nako hari abantu benshi bawuzamo.Ese ntibashobora kuiba imbogamizi y’umutekano ?

Igisubizo : Nibyo koko hari abantu benshi baza mu Mujyi wa Kigali ugasanga baratera ibibazo by’umutekano muke kubera ko nta kazi baba bafite.Aba rero usanga biganjemo urubyiruko ku buryo iyo ntacyo bakora bishora mu bikorwa by’ubujura, kunywa ibiyobyabwenge n’ibindi bikorwa bibi.Gushakira umuti iki kibazo ni uko aba bose bakwitabira gahunda z’igihugu zashyiriweho guteza imbere abaturage.

Ikibazo : Uruhare rw’abaturage ni uruhe mu gucunga umutekano ?

Igisubizo : Byagiye bigaragara ko abaturage bafite uruhare runini mu gucunga umutekano.Ibi bikorwa akenshi habayeho guhererekanya amakuru bityo hakabaho gukumira no gufata abanyabyaha. Kuba abaturage bakorana n’inzego z’umutekano mu guhererekanya amakuru nibyo byatumye kenshi hari abanyabyaha twafashe kandi iyo mikoranire tuzayikomeza.

Ikibazo : Mwiteguye gute muri izi mpera z’umwaka gucunga umutekano mu mujyi wa Kigali ?

Igisubizo:Muri izi mpera z’umwaka twiteguye neza kubungabunga umutekano w’abanyarwanda ku bufatanye n’izindi nzego z’umutekano. Ku ruhande rwa Polisi, mu Mujyi wa Kigali dufite abapolisi babihuguriwe kandi bafite ubushobozi n’ibikoresho, biteguye gucunga umutekano no gutabara aho bibaye ngombwa.Tuba tuzi ahantu hakunze gukorerwa ibyaha ku buryo tuhagenera uburyo bwihariye bwo kuhakorera akazi.

Ikibazo : Gira ubutumwa utanga ku byerekeranye n’urusaku rubera hirya no hino

Igisubizo : ubusanzwe ni uburenganzira bwa buri wese bwo kwishimira ko basoje umwaka. Ibi rero bigomba gukorwa hatagize ubangamirwa. Ni ukuvuga ko dukangurira abafite utubari,utubyiniro ndetse n’abanyamadini kugabanya urusaku ndetse bagashyira ibikoresho bigabanya urusaku aho bakorera. Abatabyubahiriza hari amategeko abihana kandi tuzabishyira mu bikorwa.

Ikibazo : Mugire ubutumwa mugeza ku batuye mu Mujyi wa Kigali

Igisubizo:Kigali ni Umujyi ufite umutekano usesuye ku buryo buri wese yishimira kuhagirira ibihe byiza haba kuhakorera ibikorwa bye no kuharuhukira. Polisi y’u Rwanda rero iri maso kandi yiteguye gukomeza kubungabunga umuteno w’uyu Mujyi. Mbifurije kuzagira Noheli nziza n’umwaka mwiza w’2016.

RNP

IBITEKEREZO
Mike

Izo ngamba zo kuducungira umutekano zirahamye, ariko natwe abaturage dukwiye kunganira Polisi y'u Rwanda, kuko itabona umupolisi wo gushyira kuri buri rugo. Umusanzu wacu mu kwicungira umutekano n'ukwirinda ibyaha kandi tugaha Polisi y'u Rwanda amakuru y'ababikoze cyangwa abategura kubikora.


TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

Perezida Kagame yibukije abayobozi ko Imana yabaremanye ubushobozi

Perezida Kagame yibukije abayobozi ko Imana yabaremanye ubushobozi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...