LATEST NEWS
New section No17
Imbaga y’Abanyarwanda yifatanyije na Perezida Kagame mu muhango wo guherekeza umubyeyi we
Publish Date: mardi 1er décembre 2015
VISITS :4781
By Admin

Imbaga y’Abanyarwanda baturutse hirya no hino bifatanyije n’umukuru wa Repubulika y’u Rwanda, Paul Kagame, mu muhango wo guherekeza bwa nyuma umubyeyi we Asteria Rutagambwa, saayine za mugitondo habaye Missa yo kumusabira yabereye muri Diocese ya Kabgayi mu karere ka Muhanga kuri uyu wa Gatanu ku ya 27 Ukwakira 2015.

Iki gitambo cya Misa cyayobowe na Mgr Filipo Rukamba umushumba wa Diyoseze ya Butare, kuko umushumba wa Diyoseze ya Kabgayi yagiye muri Kenya kwakira Papa Francis.

Nyuma Perezida Kagame, yafashe umwanya aha muri Basilika, atangira ashimira ndetse abyitsaho cyane.

Yashimiye cyane abantu bose bamutabaye n’abafashe mu mugongo umuryango wabo.

Yashimiye cyane abaganga n’abaforomo bo mu bitaro by’umwami Faycal ndetse abavuga mu mazina yabo, uburyo bitaye ku mukecuru we arwaye, ashimira n’abana be n’abavandimwe be uko nabo bamwitayeho.

Amateka

Perezida Kagame n’umuryango we bunamira umubyeyi wabo

Imva ya Nyakwigendera

Perezida Kagame yahereye ubwo bahungaga mu 1959 na mbere yaho, uburyo umubyeyi we Deogratias Rutagambwa yahunze mbere ubwicanyi (ku batutsi) bwari bwibasiye abagabo, we yari umucuruzi ndetse watangije ikitwaga TRAFIPRO.

Abana basigaranye na nyina aho bari batuye ku musozi wa Buhoro. Ubu ni mu mudugudu wa Nyagatovu, Akagali ka Buhoro, umurenge wa Ruhango mu karere ka Ruhango.

Nyuma gato ngo baje nabo kuburirwa n’umuntu ko nabo bagiye gutwikirwa bashobora no kwicwa nk’uko byariho bikorerwa abandi, maze nyina ahungisha abana be berekeza muri Uganda.

Perezida Kagame yavuze ko muri Uganda babayeho mu buzima bubi bw’ubuhunzi aho basanze na Papa wabo, gusa ngo uyu mubyeyi we watabarutse yarabafashije cyane, ndetse anagira ibyago byo gupfusha umugabo we Rutagambwa mu 1972.

Perezida Kagame ati “Kubera Politiki mbi muri Uganda twongeye guhungishwa tujya i Burundi nyuma tuza kongera kugaruka muri Uganda. Bwari ubuzima bubi bw’ubuhunzi ariko….yari (mama we) byose…. yari umugabo akaba n’umugore. Icyo yahoraga atubwira buri gihe yaratubwiraga ati ntimuzihorere.”

Yavuze ko yavugiraga ibi ko ababamenesheje bakabasenyera, bakabicira imiryango bari abantu b’abaturanyi kandi b’inshuti, bagabiwe inka n’iwabo kandi bakamiye amata.

Ati “Impamvu ubu u Rwanda ruri gutera imbere ni uko abanyarwanda benshi barenze icyo cyo kwihorera bakababarirana, bakirengagiza amateka mabi bakiyemeza kubana no kubaka igihugu cyabo.”

Perezida Kagame yavuze ko yumva mu mahanga abantu bavuga ngo Kagame ntiyihanganira abatavuga rumwe na we, ngo icyo akora ni ukubasuzugura gusa.

Ati “Nihanganiye abagiriye nabi umuryango wanjye….bakawumenesha, bakawicira abantu none ngo sinihanganira abo tutavuga rumwe ??…Abo bantu bavuga gutyo….ndabasuzugura gusa.”

Muri bimwe mu byo yavuze ku mubyeyi we, Perezida Kagame yavuze ko mu buzima bwe yaranzwe no kunyurwa no gusangira ibyo afite byose. Ndetse n’ubu ngo ibyo yamugeneraga byinshi yabyangaga akamubwira ati ‘bihe abandi banyarwanda ibyo mfite birampagije.’

Ikintu umubyeyi we ngo yahoraga amusaba ngo ni uko yaba (Kagame) umukristu akagera ku rwego rwe (Mama we) cyangwa akamurushaho.

Asteria Rutagambwa atabarutse nyuma yo kuva mu buhungiro yagiyemo mu gihugu cya Uganda ahagana mu 1959, iki gihe Kagame yari afite imyaka ibiri gusa, yabaye mu nkambi ya Nshungerezi ni mu burasirazuba bwa Uganda, aho ubuzima butari bworoshye nagato.

Perezida Kagame n’umubyeyi we witabye Imana

Asteria Rutagambwa yashakanye na Deogratias Rutagambwa watabarutse mu 1972 aguye muri Uganda, Asteria Rutagambwa asigarana abana wenyine aha akaba yarahagaragaje ubutwari kuko yabashije kubarera neza uko ashoboye, Asteria Rutagambwa, yaje gutahuka nyuma y’urugamba n ’intsinzi y’Ingabo za RPF, umwana we Paul Kagame yari ayoboye. Nyuma gato y’urugamba rwokubohora igihugu, umurambo wa Deogratias Rutagambwa wakuwe muri Uganda uza gushyingurwa mu Rwanda kimwe n’uwase wa Gen. Fred Gisa Rwigema.

Kuri ubu Mzee Deogratias Rutagambwa, ashyinguye ahitwa i Buhoro muri Ruhango mu cyahoze ari Gitarama ari naho hashyinguwe uwo bashakanye Asteria Rutagambwa .

Asteria Rutagambwa, atabarutse afite imyaka 84. Asize abana 5, abuzukuru 13 n’abazukuruza 7.

Imana imwakire mu bayo.

Rushyashya

IBITEKEREZO
NSENGIYUMVA EMMANUEL

IMANA nibane nawe iteka ryose, kdi twese abanyarwanda twese twigire urukundo k'uwo mubyeyi waca watuvuyemo.

Michel

nifatanije namwe mubirori byo guherekeza umubyeyi wanyu

Ngarambe

Twifatanyije mu kababaro na President wacu uwo mubyeyi Imana imuhe iruhuka ridashira

Ngarambe

Twifatanyije mu kababaro na President wacu uwo mubyeyi Imana imuhe iruhuka ridashira

Ana

Imana imuhe iruhuko ridashira.

Ngwije

Uwo mubyeyi Imana yamaze kumwakira ibyiza yakoze ntibigira urugero. HE n'abe bose bihangane uretse ngo "akabura ntikaboneke ni nyina w'umuntu". HE agira imbabazi akanababrira, Imana nawe izabimuhembera. Nyamara hà ri bamwe mu baminisitiri be badakurikiza urwo rugero rwe rwiza bagahembera inzika mbi. Baramutobera cyane nashishoze.

Hope

Yo, iryo jambo yabwiye abana be ryo kutihorera ni ryo rigejeje u Rwanda aha. Imana irinde abo asize bose.

eric

ARIKO BISHOBOKA BITE KONTANA MAFOTO MWADUSHYIRIYEHO NATWE ABATAHAGEZE NGO TUREBE UKOBYAGENZE.

Mutabazi moses

Imana imwakire ngogokuru yanyuzekure ariko akunda igihugu ikindi yabujije abana kwihorera nibyo izompanuro tuzazifatamo nkimpamba


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...