LATEST NEWS
MU RWANDA
Imbere y’imbaga y’abakirisitu be, Apotre Gitwaza yarahiye izina ry’Imana ko atahunze igihugu
Publish Date: lundi 25 avril 2016
VISITS :4117
By Admin

Nyuma y’amezi asaga 7 Intumwa Dr Paul Gitwaza amaze aba hanze y’u Rwanda avuga ko yari yaragiye mu ivuga butumwa, hakumvikana amakuru y’uko yahunze igihugu, kuri iki cyumweru yamaze impungenge abakristo be ababwira ko nta kibazo na kimwe afitanye na Leta y’u Rwanda.

Kuri iki cyumweru tariki ya 24 Mata 2016 mu rusengero rwa Zion Temple rwo mu Gatenga, Apotre Paul Gitwaza yarahiye mu izina ry’Imana isumba byose abivuga akomeje ko atigeze ahunga igihugu kuko niyo haba hari ibibazo afitanye na Leta, umwanzuro ngo utari uwo guhunga ahubwo yari kuguma hamwe akabanza akabikemura.

Nyuma yo kujya hanze y’u Rwanda agasangayo umuryango we wose (umugore n’abana) bamwe mu bakristo ba Zion Temple kimwe n’abandi benshi bo mu yandi matorero bagize impungenge z’uko yaba atazagaruka mu Rwanda ahanini bashingiye ku kuba ngo hari ibibazo afitanye na Leta y’u Rwanda.

Gitwaza yabamaze impungenge ababwira ko yari mu ivugabutumwa ndetse ko mu kwezi kwa 6 uyu mwaka, umugore n’abana nabo ngo bazaza mu Rwanda kuko abana be biga hanze bagiye kujya mu kiruhuko.

Ese ibyo bibazo bivugwa ko Apotre Gitwaza yaba yari afitanye na Leta ni ibihe ?

Nubwo nyiri ubwite Apotre Gitwaza atigeze agira byinshi abivugaho ndetse na Leta y’u Rwanda ikaba itarigeze itangaza ko yaba ifitanye ibibazo na Apotre Gitwaza, mu mpera z’umwaka ushize wa 2015, Apotre Paul Gitwaza yanenze abadepite ko bakuye interuro “Imana isumba byose”mu itegeko Nshinga,ibyo bikaba ngo byaratumye ahinda umushyitsi nkuko yabishyize mu itangazo yanditse.

Kubera ibyo yatangaje akavuga ko atabyishimiye, nyuma yaho nibwo hatangiye kuvugwa ko ashobora kuzabiryozwa bituma kujya hanze kwe no kugumayo byitwa ko yahunze igihugu.

Ejo ku cyumweru yagize ati : Muri iki gitondo,ndagirango mbabwize ukuri, ni ukuri kw’Imana ntabwo nahunze(igihugu),uwakubwiye ko nahunze yarakubeshye uko niko kuri kose, n’uwakubwiye amagambo ngo yarahunze yarakubeshye. Gusa ndabimenyereye kuva mu 2000 iyo ngiye ngatinda bavuga byinshi ariko naza bagaceceka. Bakozi b’Imana turi mu murimo.

Apotre Paul Gitwaza yavuze ko muri gahunda ye yari kuzamara umwaka wose aba hanze y’u Rwanda ariko kubera ibyavuzwe byinshi kuri we ko yahunze igihugu akaba yahisemo kugaruka mu Rwanda kugirango abinyomoze.

Yiyeretse abakristo be abasaba kwamamaza iyo nkuru y’uko yagarutse kandi adafitanye ikibazo na kimwe na Leta. Yashimiye cyane abakristo be bagumye mu rugo muri Zion Temple ashimira n’abandi bari baragiye ariko bakaba bagarutse kubera ko nawe yagarutse avuga ko ibyo ari ibintu bisanzwe mu bantu.

Ku bijyanye n’abibaza impamvu yagiye hanze y’igihugu akajyana n’umuryango we wose, yavuze ko Intumwa ubusanzwe akazi kayo ari ugushinga amatorero hirya no hino ku isi bityo kuba mu murimo w’Imana yari kumwe n’umuryango we bikaba byari bikwiye kubashimisha aho kubateza impagarara.

Yavuze ko mu mezi asaga 7 amazeyo amaze gutangiza amatorero menshi muri Amerika no mu Burayi ndetse no muri Israel bakaba bafiteyo ishami. Yavuze kandi uburyo byamugoye kuza gushyingura mukuru we Bishop Ruben Kajabika uherutse kwitaba Imana apfiriye mu Burundi akaba ariwe wafashije Zion Temple kubona ibyangombwa muri icyo gihugu.

Yagize ati : Ndabashimira ko mwagumye mu rugo ndashimira abakozi b’Imana abapasiteri aba Bishops, bagumye mu rugo turashimira n’abakristo mwagumye mu rugo n’abandi ko mwagarutse, bibaho ko umuntu agenda ariko akongera akagaruka, ngo amazi arashyuha ariko ntiyibagirwa iwabo wa mbeho, mwakoze ko mwagarutse iwanyu mu mbeho,muze mu bushyuhe bw’Imana.

Ndabizi ko kugenda kwanjye kwazanye ibintu byinshi amagambo n’ibigambo byinshi niko bimera niko abantu bamera kuko umuntu yishakira ibibazo yarangiza agashaka igisubizo kandi akacyamamaza. Ibinyamakuru, abantu ngo narahunze .

Ese kuki Apotre Gitwaza akunze kugaruka cyane mu Itangazamakuru kandi avugwaho ibintu bitari byiza ?

Ubwo yavugaga kuri iki kibazo,Apotre Paul Gitwaza yavuze ko itorero Zion Temple ririmo kwaguka cyane ugereranyije n’igihe ryatangiriye, ibyo bigatuma hari abanyamadini n’abakristo benshi bagirira ishyari Zion Temple n’ubuyobozi bwayo bukuriwe na Apotre Paul Gitwaza bitewo no kuba ari gufungura amatorero menshi ku migabane itandukanye mu gihe bo mu myaka myinshi cyane bamaze batari babigeraho.

Apotre Gitwaza Paul

Apotre Gitwaza yatangaje ibyo abikomeje ku kuba hari abakristo bo mu yandi matorero ya hano mu Rwanda ngo bagiye mu matwi y’abakristo ba Zion Temple bakabaca intege babumvisha ko Apotre Gitwaza atazagaruka mu Rwanda kubera ibibazo ngo afitanye na Leta. Hari benshi mu bakristo ba Zion Temple bumvise ibyo bihuha babifata nk’ukuri bamwe bayivamo bigira mu yandi matorero.

Iby’uko abakristo b’andi matorero bibaza impamvu Zion Temple yaguka umunsi ku wundi, mu myaka itambutse nabwo Apotre Gitwaza yabivuzeho avuga uburyo Kiliziya Gaturika yamusanze ikamuneka ngo irebe niba nta zindi mbaraga zimukoresha kuko abakristo bayo bajyaga kubwinshi muri Zion Temple. Icyo gihe Papa Yohana Pawulo II ngo yamubajije impamvu afite abakristo benshi mu gihe gito amaze atangije itorero, amubaza n’ibindi bibazo bigera ku 120.

Source : Inyarwanda

IBITEKEREZO
ANALYST

Rekambabwire umuntu usebanya ikintu cyambere kimuranga ntabwenge agira kuko ari igikoresho cya Shitani urugero Dr Appotre Gitwaza iyo ahunga yari kugaruka mugihugu gukora iki ?kubera ubwenge buke icyo ntimucyibazaho ikindi Dr Gitwaza ni umujyanama wa USA mubijyanye n'iyonokamana abamwemera bazakomeza kwiyongera abamurwanya namwe ni ishyari ahubwo muziyahura

morris

aliko kweli leta iracyafite akazi kenshi ko kwigisha abanyarwanda umuntu muzima yirirwa avuga ubusa kubandi sindumurokore aliko mbonye ubupfapfa bwanyu muzajya kumenya ko gitwaza yabasize nyabarongo itakiri umugezi yarabaye ikiyaga amatiku, amashyari nu bugome nibyo bituma mwirirwa mushonje mukanga gukora mwarangiza ngo leta yananiwe kubatamika ese leta niyo izishyingira inkora busa mwe gitwaza numugabo uhamye pee innovator person and visionally plz plz mureke kuvuga ubusa kuri gitwaza namwe muzanshinge izanyu

shimwa

Reka ntere mu rya golden Mwabantu mwe ngo Gitwaza yabonanye na PAPA Paul II ? Urumva yari afite umwanya wokubaza ngo itorero rya Gitwaza riramutwara abayoboke ? ahubwo se afite bangahe ? Tuvuge se ko nkaha iwacu i Rwanda ahafite abayoboke nka miliyoni. Niyo baba miliyoni ntabwo PAPA yamutumaho kuko atamuzi. Maze na ba Obama baba bashaka kubonana nawe ariko akababurira umwanya, none ngo ba Gitwaza. Mujye mujya kubesha abatgera ibwami cg abadasoma.

kamana2016

Hari amadini yibera mu migi gusa, no mu Rwanda ntihakwiriye, wagura amahanga ute utararigeze mu migi mito no mu byaro ? cyangwa mubona ntacyo mwaryayo ? muzigire kuri ADEPR, EPER na za Methodist na Catholique uburyo bakwiza ubutumwa kubantu bose batarobanuye ubukire bafite.

J.Baptiste

Bavandimwe, mushobora kurwanya Gitwaza ariko ntimwashobora kurwanya umuhamagaro we kandi Imana irinda umuhamagaro w'umuntu kugeza igihe asohoreje icyo yahamagariwe. iyo urwanya umuntu wahamagawe uba urushaho ku mushyira mu mavuta yo gusohoza umuhamagaro. ibyo muharabika Intumwa Gitwaza nibyo bidutera ku mukunda, kuba mu mwanduza ntacuyuke nuko umumeshi we akoresha amaraso y'igiciro kinshi ya Krusto. kuba mu mukanga ntakuke umutima ni uko yahagaritswe ahakwiriye nubwo imiraba yaba myinshi arashikamye muri kristo. inyombya bayirashe amatama yombi ati :"amahambo ashize ivuga." narinzi ko umunsi Ap. Dr Gitwaza yagarutse mu gihugu amagambo azashira ivuga. ariko burya koko ubuze icyo ayinenga ayigaya icebe nyamara akayikamishirizaho urubyaro rwe ! muti yarahunze ntazagaruka none aragarutse ndetse mu mbaraga nshya n'amavuta mashya nihishurirwa rishya mu gitondo cy'umuzuko. we ubwe abasobanuriye ko atahunze ! muti ntacyo twabihakanaho kuko arahari ariko ngo ikibazo yabivuze arahira izina ry'Imana !!! isi we ntamushobora wayo. muti umuryango we ubaho mu buzima bwiza ! none muragira ngo ubeho mu buzima bubi ? nababwira ko ari ishyari ribakoresha ngo arababeshyera cyakora muri bamwangamwabo. uti papa ntaho bahuriye ! ubona Ap. afite nyungu ki mukuvuga ko yahuye na papa batarahuye ? uko utekereza siko Papa yatekerezaga kandi ukwiye kumenya ko Gitwaza atari mugenzi wawe n'ubwo umubona mu gatenga wakabaye umunyabwenge wasaba Imana ikaguhishurira uwo ariwe kuko uwambaye ikirezi ntamenye ko cyera agishyiramo ibizinga bizamugora kubimesa.

Karugarama

MU RWANDA HARI AMATORERO MENSHI, ABAPASITERI NABO NUKO.KUKI GITWAZA MWAMUGIZE IKIBAZO KANDI YARASANYE IMITIMA YABANYARWANDA BENSHI MU IJAMBO RY'IMANA ?KO MUTAVUGA BA MASASU,N'ABANDI ? IMANA NIBA IMWISHIMIRA NTACO MUZAMUTWARA URETSE IMIVUMO KURI MWE N'IMIRYANGO YANYU.GITWAZA ARAKOMEYE,KANDI AKOMEJWE NUKO AFITE IMANAHO UMUTABAZI. NTIMWIBUKASE DANIEL MU RWOBO RWINTARE...YARI YAZIZE AMAHERERE N'ISHYARI...ARIKO YARATABAWE. IMANA YACU IRAKOMEYE,IRAKORA IKANAKIZA.

J.d.D

Gitwaza ba Umunyakuri , wabonaniye hehe na Papa koko ? Ese usanga amadini yose ufite abayoboke benshi n ibikorwa byinshi koko k ubarusha ? Nubwo Papa yarashaje ndibaza atakuzi n agato, kdi ntutageze ntagereranya. Kora umurimo wawe neza ariko wikwiha urwego utariho

Masasu

URETSE AMATIKU MUGIRA,MURABONA GITWAZA ARI IKIBAZO KUGIHUGU ? YAKOZE IKI,AMATURO UKO AKORESHWA NA ZION BIRABAREBA ? KUBAHO NEZA N'UMURYANGO WE NABYO NI IKIBAZO ? NINDE WABABWIYE KO UMUKOZI W'IMANA ABAHO NABI ? MURABURA KUVUGA ABICANYI,ABAJURA,ABASAMBANYI NGO GITWAZA ! MUMUHE AMAHORO...IBYO BYABYITA ISHYARI.

Lacky

Gitwaza ibyo akora niba bitanezeza Imana niyo yonyine ibizi. Umurimo akora ufasha benshi. Niba arya amaturo ntuzajyaneyo ayawe kuko ntacyo yamarira itorero. Amagambo mwese abamusebya muvuga amutera imbaraga. Mwimenye rero. Ntimukandurishe akanwa kanyu amagambo mabi.

Lacky

Gitwaza ibyo akora niba bitanezeza Imana niyo yonyine ibizi. Umurimo akora ufasha benshi. Niba arya amaturo ntuzajyaneyo ayawe kuko ntacyo yamarira itorero. Amagambo mwese abamusebya muvuga amutera imbaraga. Mwimenye rero. Ntimukandurishe akanwa kanyu amagambo mabi.

GOLDEN CONTIBUTION

``Icyo gihe Papa Yohana Pawulo II ngo yamubajije impamvu afite abakristo benshi mu gihe gito amaze atangije itorero, amubaza n’ibindi bibazo bigera ku 120``. Papa uyu mwanya wo kubaza ibibazo120 abibaza umuntu umwe witwa gitwaza ntabwo yawubona !!!!!!!!!!!! TUVUGE KO IKIBAZO N` IGISUBIZO BYATWAYE 30 SECONDS eh papa yahaye gitwaza isaha yose alllllllo !!!!!!!!!!!!!!!!!!! EGLISE CATHOLIQUE ROMAINE IFITE ABANTU B` UBAHANGA INTITI BASHOBORA GUKORERA ANALYSE RIRIYA TORERO BAKABWIOIRA PAPA ICYO ASHAKA KURIMENYAHO MU MIRONGO ITAREZE 10 , IFITE KANDI UBUSHOBOZOI BWO GUHAGARIKA RIRIYA TORERO MU GIHE KINGANA NO GUHUMYWA NTIRIZONGERE KUNVIKANA UKUNDI KU ISI !!! ibi ariko babikora ari uko idini rya Gitwaza ntaryita iry` Imana akavuga ko ndimUnyaze !!!! RITEYE IKIBAZO ECR mukuri rero nta bwoba nta mpungenge idini rya Gitwaza riteye abaromani na busa ni nayo mpanvu batatekereza kumurwanya ................... si ndi umugatorika sinateganya kuba we ariko nemera ubwenge ubushobozi n` ubuhangange bwabo . icyo nagira inama Gitwaza ni uguca bugufi akirinda kurahira izina ry` imana mu busa cyangwa mu binyomaq akirinda kwigereranya no kwikuza ..... akubaha abamuruta ariyo madini yamutanze kubona izuba maze nawe agatuza akirira umusaruro uvuye ku mayeri azaba yashyize mu bamwemeye !

GOLDEN CONTIBUTION

``Muri iki gitondo,ndagirango mbabwize ukuri, ni ukuri kw’Imana ntabwo nahunze(igihugu),uwakubwiye ko nahunze yarakubeshye uko niko kuri kose`` ijambo ryawe rijye riba ``yego `` cyangwa ``oya``

mama

Yagura amatorero ???!!!! Nabanze yubake inzu zisengerwamo( insengero) ahereye mu gatenga siège areke kwirira amaturo n ibya cumi azenguruka amahanga yose aryohana n umuryango we !

penina

Mubi buze ukuri ngo IMBERE Y BAKRISTO BE....NI ABE SE YARABAPFIRIYE ??NYIRABUKWE AZABAMUBAZA !!!

H. D

B yonyine kubona Uko yavugaga buragaragaza ko hari ikibazo gikomeye kibyihishe inyuma.Ikindi nuko nta mpamvu niwe yari gutuza ARAHIRA IZINA RY IMANA...kuko Ijambo rivuga ngo:Ijambo ryanyu rive yee cyangwa oya ibirenze ibyo bituruka ku mubi ! Ikindi niba Zion Temple yara gut se kw isi yose ntacyo bibwiye Yesu Kristo....kuko Gitwaza aragura Zion Temple..ntabwo ya gura Itorero rya Yesu Kristo.Muri make ari korera. Ariko Narekere aho gucanga abantu. Rimwe ati : Imana yambwiye kujya iBurundi niho hari Imana...ubundi ati : blab laaa...Narekere aho yararutanze..kandi akomeje kurutanga.....Ntambara Yitonde !!!!


TANGA IGITEKEREZO

Kwamamaza
Kwamamaza
Also in this section
Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bwasobanuye iby’ifatwa ry’ Umunyamakuru Eminente

Ubushinjacyaha bwasobanuye iby’ifatwa ry’ Umunyamakuru Eminente

Polisi yafashe ibyuma by’imodoka bya Rwf 24,000,000 byibwe NPD - COTRACO

Polisi yafashe ibyuma by’imodoka bya Rwf 24,000,000 byibwe NPD -...

....’ntawe uzava ahandi ngo atwubakire ibikorwa nk’ibi’ -Perezida Kagame

....’ntawe uzava ahandi ngo atwubakire ibikorwa nk’ibi’ -Perezida...

Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

NEW POSTS
Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...