LATEST NEWS
MU RWANDA
Impinduka zitunguranye mu buyobozi bw’Itorero ’ZION TEMPLE’
Publish Date: mardi 7 février 2017
VISITS :5703
By Admin

Itorero Zion Temple ni Itorero ryabyawe na Ministere y’Ijambo ry’ukuri (Authentic Word Ministries) iyerekwa ryahawe umukozi w’Imana Apotre Dr. Paul Gitwaza ubwo yari afite imyaka 16 mbere y’uko yinjira muri Kaminuza ubwo Imana yamubwiraga ko umusore w’umu Authentique azahindura isi, ikaba yarabimubwiye mu rurimi rw’igifaransa ( un jeune Authentique transformera le Monde).

Apotre Dr. Paul Gitwaza kuri iki cyumweru yavuze ko nyuma yo guhabwa iryo yerekwa yakomeje gusenga, ageze muri kaminuza atangira gushaka abo bazafatanya mu murimo, bamwe bahurira muri Congo abandi bahura ageze mu Rwanda. Abo rero kuva umurimo utangiye nibo bakomeje gusimburana ku myanya y’ubuyobozi itandukanye. Ariko aho Itorero rimaze gukurira byabaye ngombwa ko status y’itorero (Itegeko Ngenga) ihindurwa nkuko byasabwe n’abandi bashumba baje mu murimo nyuma kugira ngo buri muntu wese ayibonemo kugeza no ku mukristo wo muri buri rusengero kuko n’ubundi Itorero ni iry’abakristo.

Ngo ibyo rero nibyo byatumye ubuyobozi bw’itorero bwifuza ko status ihinduka kugira ngo n’abandi bibone mu buyobozi mu buryo bwemewe n’amategeko kandi banashobore gukomeza gutanga umusanzu wabo mu kwagura uwo murimo bawiyumvamo. Byatumye rero habaho ubusabe ko Status y’Itorero Zion Temple yongera guhindurwa, biza kwemezwa nuko iravugururwa hashyirwamo ingingo nshya ndetse haba n’izivugururwa. Ibyo kandi byanahuriranye nuko Manda y’ubuyobozi bwari buriho yari yararangiye maze hashyirwaho ubuyobozi bushya.

Apotre Dr. Paul Gitwaza Umuyobozi Mukuru w’ Itorero Zion Temple

Apotre Dr. Paul Gitwaza yavuze ko mu nama yabaye taliki ya 28/12/2016 yemeje status nshya ishyirwaho umukono n’aba Bishops Bose, abashumba bose ba Zion mu Rwanda, ndetse banabisinyira imbere ya Noteri mu rwego rwo kugaragaza ko nta gahato ahubwo ko bibavuyemo kandi bayishyigikiye. Nyuma rero y’ihinduka rya Status kuri icyi cyumweru taliki ya 05/01/2017 hatangajwe ubuyobozi bushya bwasimbuye ubucyuye igihe. Ubuyobozi bwashyizweho ni ubugiye kuyobora Authentic Word Ministries na Zion Temple Celebration Center Rwanda

Abayobozi bashya ba Authentic Word Ministries uhereye iburyo hari Bishop Charles Mudakikwa, Rev Dr.David Bulambo, Pasteur Robert Runazi, Pasteur Hubert Kagabo, Pasteur Vincent Hakizimana, Pasteur Kamanzi Symphorien, Pasteur Karengera Ildephonse na Pasteur Uwera Egidia.

Ku mwanya wa Visionnaire ( uyu ntajya ahinduka) ni nawe Muyobozi mukuru w’umurimo yakomeje kuba Apotre Dr. Paul Muhirwa Gitwaza.

Umuyobozi mukuru wungirije mushya yabaye Bishop Charles Mudakikwa.
Umunyamabanga mukuru yabaye Dr Reverend David Bulambo.

Apostle Dr Paul Gitwaza yerekanye Komite nshya anatangaza ko nta bayobozi ba Zion Temple bazongera kumara imyaka ibiri Ku buyobozi bw’itorero.

Muri iyi Komite nshya Bishop Dieudonné Vuningoma , Bishop Muya, Bishop Claude Djessa n’abandi bari bafatanije kuyobora na Gitwaza nta n’ umwe wagarutse muri Komite nshya.

Bishop Claude Djessa na Madame we ntibagarutse mu buyobozi

Bishop Dieudonné Vuningoma na Madame we bivugwa ko birukanwe muri Zion Temple

Bishop Muya nawe ntakiri mu buyobozi bwa Zion

Ubwo hatangazwaga ubuyobozi bushya bwa Zion Apostle Gitwaza yatangaje ko abatagaruwe mu buyobozi, ngo ntibivuze ko bavuye mu itorero yongeraho ko ukeneye gushinga itorero rye yarishinga nta kibazo.

Bishop Vuningoma n’abandi bahagaritswe bamaze amezi arenga 4 batagaragara muri Zion Temple.

Dr. Paul Gitwaza yavuze ko abashoje manda ku nshingano bari bafite bakaba bakomeza gukora umurimo w’Imana nk’aba Bishop kugeza igihe bayoborerwa gukora ikindi cyangwa igihe bazaherwa izindi nshingano nshya mu murimo.

Ariko mu rwego rwo gukuraho ibihuha bimaze iminsi bivugwa nta mushumba n’umwe wirukanywe keretse uzitwara nabi cyangwa se uzivumbura ubwe agasezera ariko kugeza ubu nta wirukanywe dukurikije ibyatangajwe na Apotre Dr. Paul Gitwaza, Ahubwo habayeho gusoza manda kandi biranashoboka ko mu basoje manda bashobora kuzongera gutorerwa kuyobora imwe mu myanya bari barimo mu nyuma y’uko manda y’abagiyeho irangiye.

Cyiza D.

IBITEKEREZO
kamana

Bene data bakundrwa, si igitangaza ko inkuba ikubita bene ako kageni... Umujura yiba aho ibintu biri kandi bihundagaye, aho ashobora kunyikira ntawumubonye. Satani ntajya aryama ngo agoheke na rimwe. Cyane ho bigakabya iyo afite mu mutwe kurandura umukristo muto mu ntama za Kristo. Noneho se niba yarahigiye k'uruhindu intama nkuru nka ziriya zayoboraga ZION, akajya agenda azihusha azihusha, mu gihe azibonye murumva hacura iki ? Nzi neza ko Sekibi nta buryo yari gupfa kubona bari bashumba ngo abasenye kuko bari abashumba bakunda gusenga... Ariko Sekibi n'umunyazi udashirwa, ahora akubita agatoki ku kandi agita ati : Ujye njye nguteze iminsi... Yanga urunuka urukundo n'ubwumvikane ni nayo mpamvu asenya ingo z'abantu... Sekibi niba agushakiye aha n'aha akahakurasira mu kico akaguhusha, ujye ugenda ucumbagira, uzi neza ko ejo azanagaruka noneho ataje kuguhusha, ahubwo kugucura inkumbi... Yabuze aho abahera, abitegereje asanga, icyanzu yacamo nta handi kiri uretse kugishakira mu buyobozi hejuru. Ibyo bisiguye ko bikora ku cyubahiro... Icyubahiro rero burya ngo nticyijya gisangirwa... AMABOKO ASANGIRIRA KU MBEHE ARIKO NTASANGIRIRA KU NGOMA. Ariko Bibilia ivuga iki ku cyubahiro mw'itorero harya ye ? muri MTAYO 23:1-12 Ntigira iti : Muri iyi nkuru k'umurongo wa 11 na 12 harahugura hagira hati : Ahubwo uruta abandi muri mwe ajye aba umugaragu wanyu. Ati : Uzishyira hejuru azacishwa bugufi, uzicisha bugufi azashyirwa hejuru... Icyo satani ahiga muri ibyo byose ni za ntama nto ngo azitatanye maze azigarurire. Nta na rimwe urusengero rujya rugira ibitero nk'ibyo bitazanywe n'abarozi. Kandi abo barozi baba bari m'urusengero ndetse baza bigize abakristo bakabanza no gukora umurimo w'Imana kugeza n'aho bagiriwe ikizere bagashyirwa mu mirimo... Hanyuma bakazakora ibara ntawurabutswe... Ntabwo twari tubizi uburyo haza amakimbirane mu nsengero abakozi b'Imana bagashwana mw'isi hose... Kugeza aho bamwe mu bakoreshwaga na satani kuza kuroga abashumba n'amatorero, bagiye bagirirwa ubuntu na Kristo nyuma bakihana bagatangira gutanga ubuhamya bw'ukuntu basenyaga amatorero bakanica abashumba, n'uburyo bagenzaga abashumba b'abanyembaraga kuzageza babagushije bakanabica. Bashumba b'ubwoko bw'Imana mujye musaba Uwiteka abereke abarozi baza mu matorero yanyu kuyaroga bigize abakristo ndetse bakigira n'abakozi b'Imana. Nibashwa abo bashumba maze bagatana, i kuzimu hazabera umunzi mukuru uhambaye w'uko babatanije... Mu myaka maze mw'itorero yose ishyika hafi neza kuri 20, nabonye umukozi w'Imana wicisha bugufi cyane, ari we usumbya abandi icyubahiro mu bantu no ku Mana... Iyo bigeze ku cyubahiro no k'ubuyobozi, niho satani apimira rero koko abakozi b'Imana... Kuko bose niho bategerwa barwana bagira bati : Umurimo nijye nawitangiriye cyo nimujye gutangiza uwanyu... Ibyo byatubayeho natwe m'urusengero rwacu abashumba bararwana, bahita banatandukana... N'ahandi n'handi bigenda biba. Ubuyobozi burakundrwa kandi nibwo buzakora kubabufite.. Uwiteka abane n'abo bashumba...

Gaspard

Iyi company ko ikomeye ra aba Docteurs gusa nibyo koko bituma itagwa mugihombo. gusa arabeshya ngo yahamagariwe gukiza isi kdi ahuma abatari bake amaso. yewe ngo utamwemera agomba gushinga irye ariko ntibamuvangire. Itorero ntirishingwa ahubwo ryahozeho ari rimwe kuva ku bwa Nowa Aburahamu kdi ntirizahinduka

Uwipau paul

Gitwaza ni boss. Abandi bose ni abakozi. Bagomba gukora mu nyungu za business ya boss. Bamuvangiye, barirukanwa. Niko bigenda muri companies zose. Ibyo bindi muvuga ni urugambo gusa, no gushaka kujijisha cg kwijijisha.

Nkundamahoro

Ni ikibazo gikomeye mu madini kuko abantu ntibareba uwo bakorera ahubwo bibereye muri business gusa. Buri wese aba ashaka gukomera mu isi aho gukomera mu gakiza.nabo baraje bashinge ayabo madini nuko biza. batangire batubwire ukuntu bakunda imana nkaho aho bari bari ntayahabaga !!! njye narumiwe. Ariko ubundi umuntu yiyita Apotre gute ko aba Apotres bazwi batigeze babyiha ari Yesu wabatoranije. Mana yanjye ! abantu bakunda ama titles kandi bazabibazwa

jones

Ariko murasetsa,nonese Gitwaza akomeze abane nabantu bamuvangira muri vision NGO baratangizanye ? I'll faut kugira send ya logique.Dieudonné n'abandi bigomeka bakwiye gukosorwa bananirana,bakava muri systeme. Ibindi namatiku.Mureke Gitwaza yubake umurimo urusaku rule.

flora

Ibyago namakuba nibizabura mumiryango yanyu kuko mwahagaye uwasinzwe

tuza12@gmail.com

ariko nkawe Augustin uratuka umuntu ngo nishitani ngo aragapfa warangiza ukavuga ngo uri Umu Authentic ubwo urumva udafite ikibazo ? nawe wiyita Hadasa urita Pasteur wawe igisambo urumva utikururira imivumo ? urabwira Gitwaza ngo ni SEMWANGA IYO BYAVUYE se uramurusha kuhamenya aho Zion temple yavuye mwatuje mugasenga mukareka amagambo namatiku mukareka gyha satan umwanya ko amatiku ijuru ritayemera

augustin mb.

koko ? nyaboneka nimusobanukirwe ijambo autantic icyo risobanura. wenda mwaridusobanuriye ukundi ? nimureke inyungu zanyu murebe inyungu zuwabahamagaye. mwegutatanya intama z'uwabahamagaye. yemwe aba autantic mushizwe kuruhande nimwibuke ahomwaturutse ntimucike intege. ahubwo nimuhamagarane wicare mwibukiranye amabanga mwagiranye nuwabahaye umutwaro utoroshye. ndizerako abaha inshingano yraziko azabana namwe. n'umushimba mukuru nawe nibinadamu anahaja ya msaada wa maombi. mugihegito ibinyamakuru birabategereje. nyaboneka mwihutire kugarura umubano hato mutazivuguruza mubyo mwavize mbere. mbabajwe nabavandimwi baribataraba aba autentic nyabo. abomuzabagarura mikoresheje izihe nzira ? nyaboneka nimugarure umubano munibukoko muri umuryango mpuzamahanga wocuitegererezo. mbabajwe nukobibaye congo tukiri impinja. ariko dufite musoni azadufasha hamwe nuwamuhamagaye ndangije mbibutseko mwakwita kumurimo wuwiteka aahokwita kunyungu zanyu. nyaguhora kungoma nabidufashemo munvire uwiteka. ndizeyeko mwahamagawe mwese nimwicare mugaruke kurika karago mwaviganiyeho nuwiteka murahakura igisubuzo. nahokujya gufungura andi matorero siwo muti wikibazo. nogusohora iryojambo nukubwa umugono. genda sataniweee ! uragapfa !!! satawogapfaweee tuzajya gufungura atorero, twitwa aba autentic ? yewe abasigara tuzasigara twitwa aba autentic ? aba autentic nimwihangane dufatanye dusengere umuryango udasenyuka. murekere banyira amattorero bayagumane, twe tubake umuryango wacu ukowari usanzwe. muya, djessa, bievenu. n'oblier pas que vous n'avez pas droit a l'erreur. renseblee vous et revenez au bercail (murago) ne laissez nul place au diable. que le seigneur vous reunisse.

Hadassa

Ariko, Gitwaza nkubaze : Koko uratinyuka ukagereranya Dieudonne ! Claude, na Muya na Pierre, na Bienvenue, nk abantu basanzwe kuki wowe ?? Aba sibo bagufashije Kuva mbere hose ? Mbega agasuzuguro ? Mbega imvugo idakwiriye Dieudonne waretse ibye Byose Ngo azé mukorane !!!!mugasangira ibyo yarafite,none n uku umugize ? Na none ibya Bibliya ntimubikurikiza,Ariko na MBONEZAMUBANO urayishe...Ndababaye. Yooo, Paulo weee, rahira ko utabaye igisambo !! Ubaye...SEMWANGIYOBYAVUYE !!! IbuKa Dieudonne muri RRA ?....IbuKa muri Cave.... Yeweeee..ibika ba Pierre na Muya Ku karago k iRemera....IbuKa Dieudonne agenda amanywa n ijoro..aguha ibyo ..yakoreye....nubund nta mwana w umuntu une ba neza.....( ntimuyinyonge)


TANGA IGITEKEREZO

Kwamamaza
Kwamamaza
Also in this section
Perezida Kagame yahaye ipeti rya Sous-Lieutenant abasirikare ba Ofisiye 478

Perezida Kagame yahaye ipeti rya Sous-Lieutenant abasirikare ba Ofisiye...

Impuguke zasabye gushyiraho ingamba zihangana n’ubuhezanguni

Impuguke zasabye gushyiraho ingamba zihangana n’ubuhezanguni

Bane bafunzwe bacyekwaho guha ruswa abapolisi kugira ngo bakorerwe ibinyuranije n’amategeko

Bane bafunzwe bacyekwaho guha ruswa abapolisi kugira ngo bakorerwe...

Perezida Kagame yifuza impinduka mu bwikorezi bwo mu kirere

Perezida Kagame yifuza impinduka mu bwikorezi bwo mu kirere

NEW POSTS
Guverinoma y’Icyuka isa n’abana batoba akondo

24-02-2017

Guverinoma y’Icyuka isa n’abana batoba akondo

Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...