LATEST NEWS
New section No17
Intumwa zo muri Burkinafaso zashimye imikorere ya Polisi y’u Rwanda
Publish Date: vendredi 27 novembre 2015
VISITS :173
By Admin

Itsinda ry’intumwa esheshatu zaturutse mu nzego z’ubutabera mu gihugu cya Burkinafaso zashimye imikorere ya Polisi y’u Rwanda n’uburyo ikorana neza n’abaturage mu gucunga umutekano.

Ibi, izi ntumwa, zari ziyobowe na Mouhamadou NIANG, zabitangaje ku itariki 26 Ugushyingo 2015 nyuma yo gusura Ishami rya Polisi y’u Rwanda ry’ubugenzacyaha (Criminal Investigation Department-CID).

NIANG n’abo yari ayoboye bakiriwe ku cyicaro gikuru cya Polisi y’u Rwanda ku Kacyiru n’Umuyobozi w’iri shami, Assistant Commissioner of Police (ACP) Theos Badege, akaba yari hamwe n’Umuvugizi wa Polisi y’u Rwanda, Chief Superintendent of Police (CSP) Celestin Twahirwa , n’abandi ba ofisiye bayo bakora mu nzego zitandukanye.

Izo ntumwa zimaze guhabwa ikaze, zasobanuriwe amavu n’amavuko ya Polisi y’u Rwanda, aho igeze uyu munsi, n’ibyo iteganya gukora kugira ngo irusheho guha serivisi nziza abaturarwanda, no gucunga umutekano wabo n’ibyabo.

ACP Badege yasobanuriye izo ntumwa imikorere y’ishami abereye umuyobozi, imikoranire yaryo n’izindi nzego hagamijwe gutanga ubutabera.

Yababwiye ko Polisi y’u Rwanda ikoresha Ikoranabuhanga rigezweho mu gukangurira abaturarwanda kwirinda no kurwanya ibyaha, kubamenyesha amakuru ajyanye n’umunyacyaha ushakishwa, kandi ko yashyizeho imirongo ya terefone itishyurwa ihamagarwa n’uyisaba serivisi, uyisobanuza ku kintu runaka, ndetse n’uyiha amakuru yatuma hakumirwa icyaha cyangwa yatuma hafatwa uwagikoze ndetse n’utegura kugikora.

NIANG yavuze ko we na bagenzi be bari mu rugendo shuri rw’iminsi itanu mu Rwanda, bakaba bararutangiye ku itariki 21 Ugushyingo 2015.

Yavuze ko baje kwigira ku bunararibonye bwa Polisi y’u Rwanda mu kugenza ibyaha , uko ifatanya n’izindi nzego mu kubikora, n’imikorere y’izo nzego z’ubutabera.

Nyuma y’ibiganiro bagiranye na CID, NIANG yagize ati :" Kuba twaratoranyije kuza kwigira ku bunararibonye bw’u Rwanda , ntitwibeshye. Twarutoranyije tuzi neza ko hari icyo twarwigiraho."

Yakomeje agira ati :"Twigiye byinshi ku mikorere y’ Ishami rya Polisi y’u Rwanda ry’ubugenzacyaha, kandi ubumenyi twungutse buzadufasha kunoza imikorere y’uru rwego mu gihugu cyacu."

Yavuze ko mbere yo gusura Polisi y’u Rwanda, itsinda yari ayoboye ryari ryabanje gusura Minisiteri y’Ubutabera , Urukiko Rukuru, Urwego rw’igihugu rushinzwe imfungwa n’abagororwa, n’Ikigo cy’Igihugu gishinzwe Indangamuntu.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Lt Gen Karenzi Karake na Maj. Gen Jack Nziza mu basirikare bakuru basezerewe

21-07-2017

Lt Gen Karenzi Karake na Maj. Gen Jack Nziza mu basirikare bakuru...

Menya abakandida bahatanira kuyobora u Rwanda

14-07-2017

Menya abakandida bahatanira kuyobora u Rwanda

Abaturage Kaniga ngo’ RPF - Inkotanyi ’ iri hafi guhindura aho batuye paradizo

14-07-2017

Abaturage Kaniga ngo’ RPF - Inkotanyi ’ iri hafi guhindura aho batuye...

Ukuntu Perezida wa Green Party yanga abamuvuga ibyo adashaka atowe yavamo umunyagitugu

12-07-2017

Ukuntu Perezida wa Green Party yanga abamuvuga ibyo adashaka atowe yavamo...

Ubukungu bw’u Rwanda bwiyongereye ku kigero cya 1.7% mu gihembwe cya mbere cya 2017

10-07-2017

Ubukungu bw’u Rwanda bwiyongereye ku kigero cya 1.7% mu gihembwe cya mbere...

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba Abatutsi banyuzemo

10-07-2017

Hamuritswe igitabo cyiswe ’’amakayi y’urwibutso’’ kivuga ku nzira y’umusaraba...

Ambasaderi w’umuryango w’ubumwe bw’Uburayi mu Rwanda yagawe kubera kwivanga muri politiki y’u Rwanda

6-07-2017

Ambasaderi w’umuryango w’ubumwe bw’Uburayi mu Rwanda yagawe kubera kwivanga...