LATEST NEWS
MU RWANDA
Ishami rya polisi yo mu mazi ryiyemeje ubukangurambaga bwo gucunga umutekano
Publish Date: mercredi 30 décembre 2015
VISITS :94
By Admin

Mu gihe turimo tugana ku ndunduro y’umwaka wa 2015, Ishami rya Polisi rishinzwe umutekano wo mu mazi, riratangaza ko rifite ingamba nshya mu mwaka wa 2016 mu rwego rwo gukomeza kurinda umutekano w’abakoresha ibiyaga n’imigezi.

Izi ngamba ngo zikaba zizibanda ku bukangurambaga ku mikoreshereze y’ibiyaga n’imigezi kugira ngo umutekano ku bakoresha amazi muri gahunda zitandukanye ubashe kubungabungwa neza.

Mu kiganiro n’umuyobozi w’iri shami, senior Superintendent of Police (SSP) Alphonse Businge, yavuze ko mu mwaka wa 2016, ibikorwa by’iri shami bitazarangwa gusa no gukaza umutekano ku biyaga n’imigezi, ko ahubwo bazagerageza kugera ku bantu batandukanye mu gihugu hose babashishikariza gukoresha neza amazi mu buryo butabateza impanuka.

Yagize ati, “Turifuza kuzahura by’umwihariko n’abakora imirimo y’ubwikorezi mu mazi, turashaka kubashishikariza gusobanukirwa n’akamaro ko gukora iyi mirimo bafite ubwishingizi ndetse n’impushya zibemerera gukora iyi mirimo, ndetse ibi bakabikora buri gihe bambaye umwenda wabugenewe urinda impanuka zo mu mazi.”

Uretse abatwara abantu n’ibintu mu mazi, umuyobozi w’iri shami yakomeje avuga ko bafite gahunda yo guhura n’abandi baturage cyane abaturiye ibiyaga n’imigezi kugira uruhare mu ikumirwa ry’impanuka zo mu mazi n’ibyaha bikorerwa mu mazi.

Yakomeje agira ati, “Turifuza kuzakomeza tubagezaho ubutumwa bujyanye n’ingaruka z’ibyaha nka magendu. Nkuko tubizi, magendu ni icyaha kigira ingaruka ku bukungu bw’igihugu, inganda nto n’iziciriritse, ibikorwa by’ubucuruzi muri rusange.

Ntabwo iterambere ry’igihugu ryabasha kugerwaho mu gihe hari abantu bamwe bakwepa imisoro. Ibi nibyo dushaka kuzakomeza tubashishikariza bityo kugira ngo bumve ndetse banasobanukirwe n’akamaro ko gukora ubucuruzi bwemewe n’amategeko ndetse n’akamaro k’imisoro mu iterambere ry’igihugu.

Yunzemo kandi agira ati, “Mu mwaka tugiye kwinjiramo, ubu bukangurambaga buzibanda kandi ku gushishikariza abanyarwanda hirya no hino mu gihugu kwirinda uburyobyi bw’amafi butemewe n’amategeko bityo kugira ngo ibidukikije nk’amafi bibungabungwe.”

SSP Businge yakomeje agira ati, “Abantu benshi bishora mu bikorwa byo kuroba amafi batabifitiye impushya, ibi nibyo ahanini binakunze kuvamo impfu za hato na hato.”

Ku bijyanye n’ibikorwa bisanzwe by’iri shami byo gucunga umutekano mu biyaga n’imigezi cyane cyane muri iki gihe cy’imisi mikuru, SSP Businge yavuze ko abapolisi bafite ibikoresho bitandukanye birimo amato, kuri ubu byashyizwe ku ngengero z’ibiyaga bitandukanye, aho abantu bakunze gusohokera (beach), ku kiyaga cya Kivu mu karere ka Karongi na Rubavu.

Yavuze kandi ko nta mpanuka yo kurohama yagaragaye ku munsi mukuru wa Noheri, muri utu duce twavuzwe haruguru, ibi bikorwa nk’uko yakomeje abitanganza, ngo bikaba byaratewe ahanini n’imbaraga zakoreshejwe n’iri shami kugira ngo hirindwe izi mpanuka, ibi kandi ngo bikazanakomeza no mu bihe by’umunsi mukuru usoza umwaka na nyuma yaho.

Ishami rya Polisi rishinzwe umutekano wo mu mazi (Marine), ryagiyeho mu 2005, icyo gihe rikaba ryari rifite gusa abapolisi 35, kuri ubu umubare w’abapolisi bakora muri iri shami ukaba umaze kwiyongera ku buryo bushimishije.

Iri shami rifite icyicaro gikuru mu Murenge wa Mushonyi mu karere ka Rutsiro, rikaba kandi rikorera ahantu 7, ku biyaga hirya no hino mu gihugu.

Iri shami rya Polisi y’igihugu rishinzwe umutekano wo mu mazi rifite ibikoresho bigezweho ndetse n’abapolisi barikoramo bakaba bafite ubumenyi buhambaye bujyanye ahanini no gutabara abari mu kaga mu mazi.

SSP Businge yavuze ko, bimwe mu byaha bikunze kugaragara mu mazi harimo, uburobyi butemewe n’amategeko, inshundura zitujuje ubuziranenge, magendu, icuruzwa ry’ibiyobyabwenge, abakora ibi byaha bikaba kandi bikunze kubaviramo kurohama.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...