LATEST NEWS
New section No17
Itsinda rishinzwe guteza imbere ihame ry’Uburinganire rikomeje ibikorwa byaryo
Publish Date: mercredi 30 décembre 2015
VISITS :64
By Admin

Itsinda rihuriweho n’inzego za leta zitandukanye zirimo ikigo cy’igihugu gishinzwe iyubahirizwa ry’Uburinganire bw’ibitsina byombi,Polisi y’u Rwanda ,n’Ubushinjacyaha bukuru n’izindi nzego,batangiye ingendo zitandukanye hirya no hino mu gihugu, aho bareba uko ishyirwamubikorwa ry’uburinganire rimeze ndetse n’inzitizi rihura nazo hagamijwe gufata ingamba zituma uburenganzira bw’abagore bugerwaho.

Iri tsinda riyobowe n’umuyobozi w’ikigo cy’igihugu gishinzwe iyubahirizwa ry’Uburinganire bw’ibitsina byombi Rose Rwabuhihi, ryatangiriye urwo ruzinduko mu karere ka Kirehe,tariki ya 29 Ukuboza.

Bagiranye inama n’abayobozi b’inzego z’ibanze ,iz’umutekano zo muri aka karere,abashinzwe ibijyanye no guteza imbere uburinganire mu karere ka Kirehe,abakozi bo mu by’ubuzima,abagize inzego z’abagore n’abandi.

Abahagarariye Polisi y’u Rwanda muri iki gikorwa cyo kuzenguruka harebwa uko ihame ry’uburinganire ryubahirizwa ni ACP Morris Murigo, umuyobozi wungirijwe w’ishami rishizwe ubugenzacyaha (CID),SP Pelagie Dusabe, umuyobozi ushinzwe ishami ryo guteza imbere uburinganire muri Polisi y’u Rwanda,ndetse na SP Shafiga Murebwayire, umuyobozi w’Ikigo Isange One Stop Centre.

SP Murebwayire yavuze ko uru ruzinduko rw’iminsi ibiri barimo mu karere ka Kirehe ruzanatuma bareba uko ingamba zo kurwanya ihohoterwa rishingiye ku gitsina zishyirwa mu bikorwa ndetse n’uko abakorewe iryo hohoterwa bafashwa.

Yagize ati :” tuzareba uko serivisi zitangwa mu kigo Isange one stop center ya Kirehe,uko ihohoterwa rishingiye ku gitsina rirwanywa ndetse n’ingamba ziriho zo kurikumira mu nkambi ya Mahama.

Ibi byose bigamije kubonera vuba ibisubizo by’ibibazo bishingiye ku ihohoterwa rishingiye ku gitsina no gufata ingamba zihamye kugira ngo abagabo ndetse n’abagore bose hamwe bafatanyije bagere ku iterambere rirambye.

Isange one stop centre ifasha abahohotewe mu bijyanye n’ubuvuzi,ubutabera ndetse no kubafasha kutiheba, ikaba yarabonye igihembo cyo ku rwego mpuzamahanga kubera iyo mikorere myiza.

Kugeza ubu, Isange ifite amashami mu bitaro by’uturere 17 mu gihugu hose, hakaba hari gahunda yo kuzageza serivisi zayo mu bitaro 44 by’uturere.

Guverinoma y’u Rwanda yashyizeho gahunda mu mwaka w’2003 yo guteza imbere uburinganire no guca burundu inzitizi zose zatuma butagerwaho, bityo ishyiraho ingamba zo kurwanya no kudaha umwanya ihohoterwa rishingiye ku gitsina.

Ihohoterwa rishingiye ku gitsina ni imwe mu mpamvu zituma hatabaho uburinganire bikaba biterwa ahanini n’imyumvire ikiri hasi,ubujiji ,ibiyobyabwenge n’ibindi.

Isange One stop centre ifite icyicaro gikuru mu bitaro bya Kacyiru, aho imaze kwakira ibibazo bishingiye ku ihohoterwa rishingiye ku gitsina n’irikorerwa abana bigera ku bihumbi 10.

RNP

IBITEKEREZO
Mike

1 Mike 31/12/2015 at 08:21 Nta we ukwiye kuvutswa uburenganzira bwe kubera ko ari igitsina runaka.Twese duharanire ko ihame ry’uburinganire ryubahirizwa.Umuntu ubangamiwe cyangwa uwamenye amakuru y’umuntu wabangamiwe cyangwa uwagize uwo abangamura ajye abimenyeshwa Polisi y’u Rwanda n’izindi zibishinzwe.

Mike

Nta we ukwiye kuvutswa uburenganzira bwe kubera ko ari igitsina runaka.Twese duharanire ko ihame ry'uburinganire ryubahirizwa.Umuntu ubangamiwe cyangwa uwamenye amakuru y'umuntu wabangamiwe cyangwa uwagize uwo abangamura ajye abimenyeshwa Polisi y'u Rwanda n'izindi zibishinzwe.


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...