LATEST NEWS
MU RWANDA
Kacyiru : Abapolisi basoje amahugurwa yo gukumira no kurwanya ibyaha by’ihohoterwa rishingiye ku gitsina
Publish Date: jeudi 10 décembre 2015
VISITS :433
By Admin

Kuri uyu wa gatatu taliki ya 9 Ukuboza 2015, ku cyicaro gikuru gikuru cya Polisi y’u Rwanda ku Kacyiru, hasojwe amahugurwa y’iminsi itanu yari ahuje abapolisi 53 bashinzwe gukumira no kurwanya ihohoterwa rishingiye ku gitsina baturutse mu mitwe ya Polisi hirya no hino mu gihugu.

Yari agamije kubongerera ubumenyi mu bijyanye no kurwanya ihohoterwa rishingiye ku gitsina, no kugirango babashe gutahura ibyaha byerekeranye n’ihohoterwa n’uburyo bakwakira uwahohotewe.

Abasoje amahugurwa bakaba barahawe amasomo ajyanye n’uruhare rw’ubufatanye bwa Polisi n’abaturage hagamijwe gukumira no kurwanya ibyaha (community Policing) mu kubikumira, gukumira ihohoterwa rishingiye ku gitsina n’uko bakira uwarikorewe, uruhare rw’abapolisikazi mu butumwa bwo kubungabunga amahoro mu bihugu bitandukanye, imikorere ya Isange one Stop Centre, uburyo bwo kuringaniza imbyaro, kwirinda virusi itera Sida ndetse n’imicungire y’abakozi, hamwe n’uko wahangana n’ibyatera umuhangayiko(stress).

Inspector of Police (IP) Albert Ruzindana wari uhagarariye abahuguwe, yashimiye Polisi yateguye amahugurwa, maze avuga ko aya mahugurwa abasigiye byinshi kuko bamenyeyemo uburyo bakwirinda inkongi z’imiriro, ubumenyi bwo kurwanya no gukumira ibyaha bitandukanye cyane cyane ihohoterwa rikorerwa mu ngo ndetse n’imyitwarire y’umupolisi mu kazi ka buri munsi cyane cyane igihe yakira kandi yita ku wakorewe ihohoterwa.

Yarangije avuga ko bagiye kuba umusemburo w’uburinganire aho bakorera kandi bagaharanira ko ihohoterwa rishingiye ku gitsina ryagabanyuka mu muryango nyarwanda, ndetse rigacika.

Asoza ku mugaragaro ayo mahugurwa, umuyobozi ushinzwe amahugurwa muri Polisi y’u Rwanda, Commissionner of Police (CP) Cyprian Gatete yashimiye abitabiriye amahugurwa, abasaba kuzashyira mu bikorwa ibyo bize barushaho kunoza umurimo.
Yavuze ko amahugurwa ari ingirakamaro, kuko yongerera ubumenyi abayakoze bityo abasaba kujyana ubwo bumenyi aho bagiye bakazigisha abandi uburyo bakumira ibyaha, kurwanya ihohoterwa no kumenya uburyo bakira uwakorewe icyaha cy’ihohoterwa kuko iyo batanze serivisi nziza biborohereza gukusanya ibimenyetso ku cyaha ndetse no gukurikirana neza ababa bagikoze.

Yarangije abibutsa guhora batyaza ubwenge no kurangwa na disipuline aho bari mu kazi, kuko bituma Polisi igirirwa ikizere n’abo ishinzwe guha serivisi.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Visi Perezida w’u Buhinde, Hamid Ansari yagiranye ibiganiro na Perezida wa Sena y’u Rwanda

Visi Perezida w’u Buhinde, Hamid Ansari yagiranye ibiganiro na Perezida wa...

Moto yibwe mu karere ka Bugesera yafatanywe umugabo muri Gakenke

Moto yibwe mu karere ka Bugesera yafatanywe umugabo muri Gakenke

Incamake y’amakuru yatangajwe na Polisi y’u Rwanda mu cyumweru gishize

Incamake y’amakuru yatangajwe na Polisi y’u Rwanda mu cyumweru...

Impanuro z’Umukuru w’Igihugu Perezida Kagame i Nyagatare

Impanuro z’Umukuru w’Igihugu Perezida Kagame i Nyagatare

Polisi y’u Rwanda irihanangiriza abantu batanga ruswa ngo bahabwe uruhushya rwo gutwara ibinyabiziga

Polisi y’u Rwanda irihanangiriza abantu batanga ruswa ngo bahabwe uruhushya...

NEW POSTS
Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...

Ubutinganyi (homosexuals) buravuza ubuhuha muri RNC

13-02-2017

Ubutinganyi (homosexuals) buravuza ubuhuha muri RNC