LATEST NEWS
MU RWANDA
Kagame yagaye cyane Abanyeshuri bize muri Israel banga gukora i Nasho ngo ni mu cyaro
Publish Date: jeudi 5 mai 2016
VISITS :3552
By Admin

I Rwamagana – Mu kiganiro Perezida Paul Kagame yagiranye n’abavuga bakumvwa mu Ntara y’Uburasirazuba, yanenze cyane bamwe mu rubyiruko rw’u Rwanda Leta yatanzeho amafaranga ngo bajye kwiga muri Israel bagaruka mu Rwanda bakanga gukora ibyo bize bijyanye n’ubuhinzi i Nasho muri Kirehe ngo ni mu cyaro.

Ni mu ruzinduko rw’iminsi itatu agirira mu Burasirazuba bw’u Rwanda, kuri uyu wa kane akaba yari mu karere ka Ngoma, nyuma aza kugirana ikiganiro n’abavuga rikijyana mu Ntara y’Uburasirazuba i Rwamagana.

Kagame mu mpanuro yatanze yavuze ko iterambere nta muntu uriha undi mo impano uretse kurikorera ngo rigerweho.

Yongeye kunenga cyane uburyo hari ibitagerwaho kandi biri mu bushobozi bw’abantu, kubera umuco wo kumva ko abandi bazaguha.

Yagize ati “Amajyambere nta nzira y’ubusamu ihari, amajyambere hari uzayaduha nk’impano ? Mu mateka hari aho muzi bayabonye ku ibahati (ishaba) ?. Murasiganya nde ?”

Aha Perezida Kagame yavugaga ku mishinga y’iterambere abavuga rikumvikana mu Burasirazuba biyemeje gukora ariko ntiyagerwaho irimo Hotel y’inyenyeri eshatu yubakwa i Ngoma/Kibungo mu mujyi, n’iyitwa Epic Hotel i Nyagatare zose zananiranye kuzura.

Yagize ati “Kuki ibyo dushobora gukora tubikora igice ? Niba dushoboye gukora 30% kuki dukora 15%, ibindi bikajya mu bafatanyabikorwa ? Abo bafatanyabikorwa kuki mwumva ko batugomba amafaranga, iyo wumva ko hari uzakuzanira amajyambere, ikibazo kiba kivutse, ni ikibazo cy’imitekerereze (mindset).”

Kagame ngo hari ibyo yumvise ku buryo kutabivuga byaba ari icyaha

Perezida Kagame yavuze ko mu nama y’Abaminisitiri aribwo yabwiwe ko hari abana b’Abanyarwanda banze gukora mu mushinga w’umugiraneza akaba n’umushoramari w’Umunyamerika Howard Buffet, uyu akaba afite umushinga wo gutangiza ibikorwa byo kuhira imyaka muri Nasho ahakunze kwibasirwa n’amapfa muri Kirehe, akaba azahinga ibigori kuri Ha 1200 zirenga.

Aba banyeshuri ngo bize ku nkunga ya Leta muri Israel ibijyanye no kuhira imyaka (Irrigation), ariko bamwe bageze i Nasho ngo basanga ni mu cyaro batahakorera.
Kagame ababaye cyane yagize ati “Ibikorwa remezo si ukubyubaka gusa, ni ukugira ngo abantu bahakorere ariko banige. Aba bana bacu twigishije, twatanzeho amafaranga baravuga ngo ntibahaba.”

Yungamo ati “Abenshi mu bavuga ngo ntibahaba, iwabo baba mu nzu ziri munsi y’izo bagenewe kubamo i Nasho, ni inzu abakerarugendo bifuza kuraramo bishyuye n’amafaranga…Umwana w’Umunyarwanda, urubyiruko kujya kwinenaguza, yarigishijwe…akararika igitwe ngo ntashobora kuba hariya ?”

Perezida Kagame yahise avuga ko uruhare ruri kubayobozi barebera abo bana kandi bamenye ikibazo, ariko ntigihite gikemuka, avuga ko we ubwe azabareba.
Ati “Bimure imirima bayitware i Kigali ? Ndashaka kuzahura na bo. Ni bo bavuga ngo Leta yabimye akazi bateza abantu urubwa…”

Urundi rugero rw’ibyo yumvise, ngo ni uburyo hari abanyeshuri bize iby’ubuganga (Medicine) banze gukora Stage mu cyaro ngo barashaka gukorera i Kigali kandi hegeranye na Hotel Serena, ku bwe ngo ibi biratangaje.

Ati “Imico ijyana ite n’amajyambere ? Simbyumva mumpe inama. Kwishyurira umuntu umuhendahenda, yarangiza kwiga agakora ubusa. Amajyambere y’abantu ntashobora guturuka mu macenga, mu gukora ubusa, mu kubeshya, mu kwiratana ubusa…”

Ikindi cyababaje Kagame, ngo ni uburyo hari abantu bubaka Kigali Convention Center, Leta yasabye ko bashyiramo n’Abanyarwanda mu kazi, ariko amasosiyete bashyizemo akagaragaza imbaraga nkeya cyane n’ubunebwe ahubwo akadindiza imirimo y’abo banyamahanga.

Kagame yavuze ko hari byinshi Abanyarwanda bageraho kandi ko no guhinduka bishoboka ariko ngo bigenda gahoro gahoro.

Kuri iyi ngingo yo kwanga akazi kandi Leta yaratanze amafaranga ku muntu, abenshi mu babyeyi basanze hari uruhare rwabo bakwiye kugira mu gutoza abana gukora kandi bagakorera ahantu hose.

Uretse kuba aba banyeshuri barangije kwiga muri Israel bagenerwa amacumbi aho bakorera i Nasho hari amakuru avuga ko banahembwa amafaranga y’u Rwanda ibihumbi 450 nk’umushahara wa buri kwezi.

Abikorera basabwe kugira uruhare mu iterambere ry’igihugu

Umwanditsi wacu

IBITEKEREZO
Mike Kalinda

Murakoze cyane kuri comments, Kuko birafasha nuwaba afite iyo myumvire idahwitse. Gusa ibyo babwiye H.E ntago aribyo. Abobajyanyeyo bababwiyeko ari stage kandi bagahembwa ibihumbi 90,000 Frw, bakazahabwa akazi hashize byibuze amezi 6 kandi bakora naza week end. Mwibukeko abakora stage RDB ubwayo ibaha 100,000 Frw. Nkuko Charles yabisobanuye, abatanze inkuru batanze icyinyoma. Ibaze ahantu umu Engineer bamuha akaze agasezera nukwezi kutarashira. Abayobozi bakwiye kujya bavugisha ukuri. H.E navugisha bariya bana muzamenya ukuri nyakuri kuko muzasanga bihabanye cyane. Mugire umunsi mwiza

Mutabazi moses

Ibaze guhembwa ayo mafaranga kukwezi hakiri numuntu utungwa ni dorari rimwe kumunsi umurengwe nubwirasi nuko mwigiye ubuntu nyine ibyubuntubirangiza man haba mumutwe nejo hazaza njye mbasabiye ngando yamezi 6

Bugingo

Ikosa ryareberwa mu gihe bahabwaga iyo buruse yo kujya kwiga ibyo. Iyo bohereza abana babikunda kandi babyiyemeje nta kibazo Kiba filariose.

nana

Inzira iracyari ndende yo kwigisha. Abo banga gikora mu cyaro se bahimbye akahe kazi mu mugi,ukoze iperereza wasanga banywa amatabi kuko yica umuntu ahagaze

Charles

Ntabwo alibyo:baliya bana babyanze ni abana boherejweyo ku gahato.bari basangannywe imibereho muli Kigali ahubwo bagenzi babo (biganye muli Israel) babishakaga cyane bimwe akazi,Ubu bibereye mugiturage iwabo .Abo bana ni abagronome ndabazi barangije i Nyagatare barakoze stage y'umwaka muli Israë l nyuma bakora na stage i Gatsibo bababwirako bazajya gukora i Nasho barategereza baraheba ! Ahubwo bohereza yo abandi basanganywe akandi kazi keza i Kgli.

richard

Aba ntaho bataniye n'abavuga ngo ntibakorera ku Gikongoro.Ngo ni habi.Mu Rwanda ahabi ni he koko ??? Hari n'abandi b'i Kigali batari n' abo banyeshuri bavuga ko batajya gukorera hanze ya Kigali ngo ntibajya gukorera mu cyaro.Birababaje ! Ni ukuba imburamukoro.

kamos

babajyane iwawa babahate igiti urumva abo bajyiga birwa batonora inzara abandi bararitse ubwanwa

musema

Bashobora kuba baravukiye mu bisubizo ndumva arimwene segahinda ngofero atakanga ariko niba baravukiye mubisubizo biyibagije ko ba se abenshi babiharaniye barara rwa ntambi mu mashyamba n 'ibihuru Igihugu kikaba kigeze aha Mzee ndamwizeye azabakosora ubu bamwe batangiye gukora ibintu ntavuze mu mapantalo

bitu

abo bakwiye ,,, kuziburwa kabisa,,, ingando yabo itegurwe vuba kuko badupfira ubusa ,,nimisoro twabatanzeho yose

ntiwumva c ! babahaye burce muri islael none banze gukorera igihugu ? kandi twebwe aba scientific leta nta burce ikiduha zohanze .None nabo baziha ntibari gutanga umusaruro

EMILE

ABO BANZE AKAZI NI ABO KUGAWA RWOSE NIYO BABA BAFITE AKANDI KAZI NTBGOMBAGA KUVUGA AMAGAMBO MABI GUTYO

gapaka

Ngo Bararengana da nawe se Primary wakwiga Green Hills Sec ukiga Fawe cg Kigali parents hanyuma kaminuza ukiga Israel hanyuma ugakorera Nasho.Bakuze bamenyereye ubuzima bwumukozi umushoferi escort amafranga ahagije yo gusesagura kurya mayoneze ifiliti salade na makaroni rwose nta mwana wumuturage usanzwe wumukene wararika igitwe ngo ntiyaya Nasho d

Emmanuel

ikibazo cyabo bana bize muri Israel jye ndacyumva, nonese niba ba se ari intore, nigute bajya gukora mucyaro ? ni bangahe babasha kubona bourses zo kwiga muri Israel ?

John

Jye nzi umwana wavuye kwiga muri America ibya civil engeneering, we yifuzaga kujya aho akazi kari ngo abone ubunararibonye. Bagenzi be bahora bamubaza ngo "wava ute muri America ugahita uza gukora ahantu nkaha mu cyaro ???. Nyamara we nta na Leta yamurihiye se yarikokoye. Ngo umwana uhetswe neza asohora ukuboko. Barateteshejwe reka bifate gurtyo. Birababaje kubona abana banga kujya gukora ngo ni mu cyaro.Bazategereze ko uRwanda rwose ruhinduka Kigali !!!!!! Turacyafite inzira.

Kalisa

None se abo bavandimwe bashaka gukora irrigation mu mujyi ? Ntibyumvikana ko umuntu wize ibirebana n'ubuhinzi yakwanga gukorera aho amasambu ari ! none se n'abubatsi bajye biyubakira i Kigali gusa. Umurimo uwusanga aho uri ntabwo umurimo ugusanga aho uri. Kereka niba bajya kwiga muri Israel barasinye ko bazakorera mu mujyi Naho umushahara ndabona atar munini !

Kennedy Maridadi

Kera muli 1975, hari umugabo witwa Kariuki wari Assistant Minister of Labour muli Kenya. Niwe waturahiye akomeje ko nta mushomeri ubaho ahubwo ko umushomeri ariwe uba yabyiteye. 1. Ntuzahitemo icyo ukora 2. Ntuzahitemo ayo uhembwa 3. Ntuzahitemo aho ukora (ICYO, AYO , AHO). Abo bana babajyane mungando.Abo barushya imyaka y'ubukure bavunitse bikomeye babohoza iki gihugu. Cyangwa abo bana barakorana na........

Vincent kaouza

Birababaje cyane kubona umunyarwanda ugifite imyunvire yo kwanga gukorera igihugu ngo ni mucyaro ? Ubwose yize iki niba badafite ishyaka Ryo kubaka u Rwababyaye ? Bakwiye ku Gawa ndetse bagasaba imbabazi abanyarwanda bose.


TANGA IGITEKEREZO

Kwamamaza
Kwamamaza
Also in this section
Village Urugwiro : Perezida Kagame na Madamu bifurije Abana bato Noheli nziza

Village Urugwiro : Perezida Kagame na Madamu bifurije Abana bato Noheli...

Perezida Kagame yahawe igihembo n’Umuryango w’Abibumbye kubwo kurengera ibidukikije

Perezida Kagame yahawe igihembo n’Umuryango w’Abibumbye kubwo kurengera...

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Dr Sezibera Richard yatorewe gusimbura Senateri Mucyo

Dr Sezibera Richard yatorewe gusimbura Senateri Mucyo

Airbus 330-300, Indege nshya yiswe ‘Umurage’, iraye mu Rwanda

Airbus 330-300, Indege nshya yiswe ‘Umurage’, iraye mu Rwanda

NEW POSTS
Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa