LATEST NEWS
MU RWANDA
Karongi : Abakozi bo mu bitaro bya Kirinda bigishijwe uko inkongi z’imiriro zirindwa n’uko bazizimya
Publish Date: vendredi 4 décembre 2015
VISITS :184
By Admin

Umuyobozi wa Polisi y’u Rwanda mu karere Karongi, Chief Inspector of Police (CIP) Bérnard Gahima, ku itariki 2 Ukuboza 2015, yigishije abakozi bo mu bitaro bya Kirinda bagera kuri mirongo itandatu igitera inkongi z’imiriro, uko bazirinda , ndetse n’uko bazizimya mu gihe zibaye.
Abahawe ubwo bumenyi ni abaganga b’ibyo bitaro, ababikoramo isuku, ndetse na bamwe mu barwaza.

CIP Gahima yatangiye abasobanurira ko inkongi z’imiriro ziterwa ahanini no kwinjiza ibikoresho byinshi bikoresha amashanyarazi mu kindi nacyo kiyakoresha ariko kidafite ubushobozi bwo kubyakira ku buryo kigera aho gisumbywa ubushobozi n’ibyakinjijwemo, ibyo bikaba bitera sirikuwi ari na yo rimwe na rimwe izitera.

Yababwiye ko ziterwa kandi no gukoresha ibikoresho by’amashanyarazi bishaje, cyangwa bitujuje ubuziranenge, no gukoresha abantu badafite ubumenyi mu gushyira amashanyarazi mu nyubako.

Amaze kubabwira ibishobora kuzitera, CIP Gahima yabagiriye inama yo kugura no gushyira ibikoresho by’ibanze byo kuzimya inkongi z’imiriro (Fire extinguishers) mu nyubako zabo kugira ngo niziramuka zibaye bazizimye vuba zitarangiza ibintu byinshi.

Yagize ati :"Nubwo buri wese agirwa inama yo kugira ibyo bikoresho, utarabona ubushobozi bwo kubigura, yakoresha umucanga, amazi, n’ibitaka byumutse mu kuzimya inkongi y’umuriro mu gihe ibaye, kandi agomba guhita akupa amashanyarazi, ndetse agahungisha ibitarafatwa na yo."

CIP Gahima yababwiye na none ati :"Amashanyarazi ari mu bikorwa remezo byihutisha iterambere. Ikosa rito cyangwa uburangare runaka mu mikoreshereze yayo bishobora kwangiza ibintu bitagira ingano, guhitana no gukomeretsa abantu, akaba ari yo mpamvu hagomba kwirindwa no gukumirwa igishobora kuziteza cyose."

Yabibukije kutabika ibikomoka kuri peterori mu nyubako, no kutajya kure ya buji , itara, itadowa n’ibindi bikoresho biba byaka.

Na none CIP Gahima yababwiye kujya bazimya ibikoresho byose bikoresha amashanyarazi nka tereviziyo, radiyo na mudasobwa, kandi bagatandukanya n’ibindi biyakoresha mu gihe batari kubikoresha.

Yabwiye abo bakozi bo muri ibyo bitaro nomero za terefone za Polisi y’u Rwanda zitabazwa iyo habaye inkongi y’umuriro, izo akaba ari : 112 n’111, izi zika zitishyurwa, n’izindi zishyurwa ari zo : 0788311120, 0788311224, 0788311657 na 0788311335 .

Umuyobozi w’ibi bitaro, Dr Kanyarukiko Sarathiere yashimiye Polisi y’u Rwanda muri aka karere kuri ubwo bumenyi yahaye abakozi b’ibitaro abereye umuyobozi, aha akaba yaragize ati :"Ubu bumenyi buzatuma twirinda inkongi z’imiriro muri ibi bitaro no mu nyubako zacu kandi tubashe tuzizimya vuba mu gihe zihabaye."

Yasabye abo baganga b’ibitaro abereye umuyobozi kuzasangiza ubumenyi bungutse abandi kugira ngo muri rusange hirindwe kandi hazimywe inkongi z’imiriro zitarangiza ibintu byinshi mu gihe zibaye .

Ishami rya Polisi y’u Rwanda rishinzwe kuzimya inkongi z’imiriro no gutabara abari mu kaga riragira inama abaturage yo kwirinda guhindura ibikorwa byemewe gukorerwa mu nyubako runaka bakayikoreramo ibindi bitajyanye n’ubushobozi ndetse n’ububasha bwayo cyangwa ibyagenwe kuyikorerwamo kuko biri mu bishobora gutera inkongi y’imiriro.

Ubu butumwa buje bukurikira ishya ry’uruganda rwitwa Gold Liquor Ltd rwakoraga inzoga zikunze kwitwa siriduwiri, urwo ruganda rwari mu kagari ka Kamashashi, umurenge wa Kanombe, mu karere ka Kicukiro, rukaba rwarahiye ku itariki ya 1 Ukuboza 2015, ahagana saa tanu z’ijoro.

Iri shami ryahise ritabara vuba rizimya iyo nkongi itarangiza ibintu byinshi. Hagati aho, iperereza rikaba rikomeje kugira go hamenyekane icyateye urwo ruganda gufatwa n’inkongi y’umuriro.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Inama y’Abagore bo mu nzego z’umutekano muri Afurika yasojwe hafashwe ingamba zo guca ihohoterwa rishingiye ku gitsina

Inama y’Abagore bo mu nzego z’umutekano muri Afurika yasojwe hafashwe ingamba...

Abagenerwabikorwa ba Imbuto Foundation bakanguriwe kurangwa n’ikinyabupfura

Abagenerwabikorwa ba Imbuto Foundation bakanguriwe kurangwa n’ikinyabupfura

Amahanga arifuza ikoranabuhanga ryahimbwe n’Abanyarwanda mu gukurikirana abanyeshuri

Amahanga arifuza ikoranabuhanga ryahimbwe n’Abanyarwanda mu gukurikirana...

[AMAFOTO] : Mushakire hamwe ingamba zirwanya ihohoterwa rishingiye ku gitsina-Minisitri w’Intebe Murekezi

[AMAFOTO] : Mushakire hamwe ingamba zirwanya ihohoterwa rishingiye ku...

Bwa mbere, U Rwanda rurakira inama nyafurika y’abagore bo mu nzego z’umutekano

Bwa mbere, U Rwanda rurakira inama nyafurika y’abagore bo mu nzego...

NEW POSTS
Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...