LATEST NEWS
New section No17
Kicukiro : Abaturage baganiriwe ku ihohoterwa rishingiye ku gitsina
Publish Date: jeudi 26 novembre 2015
VISITS :48
By Admin

Polisi y’u Rwanda mu karere ka Kicukiro, yahuguye abaturage n’ abayobozi b’ibyiciro bitandukanye bo mu mirenge yose yo mu karere ka Kicukiro ku bijyanye n’inshingano zabo, aha bakaba barasabwe kongera imbaraga mu bukangurambaga bwo kurwanya no gukumira ibyaha birimo ihohoterwa rishingiye ku gitsina n’irikorerwa abana kugira ngo umutekano urusheho gusugira muri aka karere ndetse n’abaturage bakomeze kwigishwa amoko y’ihohoterwa n’uruhare rwabo mu kurirwanya.

Kuwa kabiri taliki ya 24 Ugushyingo, hari hatahiwe abaturage bo mu murenge wa Nyarugunga, aho abagera ku ijana bahawe ikiganiro mu kagari ka Kamashashi, kikaba cyatanzwe na Inspector of Police Hamdun Twizeyimama, akaba ashinzwe imikoranire ya Polisi y’u Rwanda n’abaturage hagamijwe kurwanya no gukumira ibyaha mu karere ka Kicukiro.

Aba baturage ba Nyarugunga bashimiwe uruhare bagira mu kwicungira umutekano ariko basabwa kongera imbaraga mu gufatanya na Polisi y’u Rwanda gukumira no kurwanya ibyaha aho biva bikagera.

IP Twizeyimana yababwiye ko guhanahana amakuru ku gihe ari ingenzi kuko bituma icyaha gikumirwa ,naho mu gihe cyabaye bigatuma uwagikoze afatwa vuba.

Mu byo yabigishije harimo ubwoko bw’ibyaha by’ihohoterwa rishingiye ku gitsina n’irikorerwa abana, ibiritera, ubwoko bw’ibiyobyabwenge, ingaruka zabyo, n’uburyo bwo kubirwanya.

Yabasobanuriye ko ibyo byaha kimwe n’ibindi bikorwa ahanini n’abanyoye ibiyobyabwenge nk’urumogi kandi kubera ko baba badatekereza neza, bakora ibindi bikorwa binyuranyije n’amategeko biteza umutekano muke, bityo abasaba kongera imbaraga mu kurwanya inyobwa, itundwa, n’icuruzwa ryabyo.

Ku ngaruka z’ihohoterwa kandi, IP Twizeyimana yagize ati "Ihohoterwa rishingiye ku gitsina n’irindi ritandukanye, rigira ingaruka zitandukanye nko kwigunga ku warikorewe, ibi bikomere byo ku mutima umuntu akaba ashobora kubana nabyo ubuzima bwe bwose, ibi bikaba byanamuviramo kwiheba akumva ko isi yose yamutereranye ndetse akaba yanakwiyahura mu gihe ntacyaba gikozwe bwangu ngo bene uyu muntu yitabweho.”

Benimana Olivier w’imyaka 34 y’amavuko, akaba ari umwe mu bari bitabiriye ikiganiro, yagize ati "Iki kiganiro ni ingenzi kuko cyakanguye intekerezo zacu ku bijyanye no kumenya amoko y’ihohoterwa kuko hari n’ibyo twajyaga dukora tutazi ko ari ihohoterwa kuko nkanjye nari nzi ko ihohoterwa ari ugukubita umugore gusa, ariko nyuma y’ibiganiro tubonye, hari impinduka zigiye kuba ku myitwarire yanjye mu bijyanye n’uko nafataga igitsina gore .”

Yabwiye bagenzi be baherewe hamwe ikiganiro gukurikiza inama bagiriwe no gushyira mu bikorwa ingamba bafatiye hamwe.

Umugore witwa Mukamana Francoise w’imyaka 29 y’amavuko, we yagize ati :”njye nari nzi ko ihohoterwa ari ugufata ku ngufu gusa, nyuma y’iki kiganiro kandi menye ko no gukoreshwa imibonano mpuzabitsina itumvikanyweho hagati y’abashakanye nabyo ari ihohoterwa, nkaba nanone buriya nari nzi ko ihohoterwa rikorwa gusa n’abagabo ku bagore, nkaba nsanze atari ko bimeze kandi nanjye niyemeje guhinduka.”

Yarangije kandi ahamagarira abanyarwanda cyane cyane abagore bagenzi be hirya no hino mu gihugu kudahishira abakekwaho gukora ihohoterwa, aha akaba yarashimangiye ko agiye kugira uruhare mu gutanga amakuru agamije kurwanya no gukumira ihohoterwa dore ko kuri we asanga ko ubu aribwo buryo buboneye bwo kugira ngo iki cyaha gicike burundu mu gihugu.

RUSHYASHYA

IBITEKEREZO
Muhoza djafari

Gusa nange icyo nabibutsa bashyiremo imaraga ntibacike intege


TANGA IGITEKEREZO

Kwamamaza
Kwamamaza
Also in this section
EAPCCO na Polisi y’u Butaliyani basinye amasezerano y’ubufatanye

EAPCCO na Polisi y’u Butaliyani basinye amasezerano y’ubufatanye

Polisi y’u Rwanda na Uganda zakoranye inama yo gukomeza ubufatanye hagati yazo

Polisi y’u Rwanda na Uganda zakoranye inama yo gukomeza ubufatanye hagati...

Abayobozi bakuru berekeje i Gabiro mu mwiherero [ AMAFOTO ]

Abayobozi bakuru berekeje i Gabiro mu mwiherero [ AMAFOTO ]

Tito Rutaremara Yatangaje ko kwambara Bikini kubakobwa atabibonamo ikibazo

Tito Rutaremara Yatangaje ko kwambara Bikini kubakobwa atabibonamo...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...