LATEST NEWS
MU RWANDA
Kigali : Abagizi ba nabi batatu bibishije imbunda banica umunyerondo
Publish Date: mardi 15 décembre 2015
VISITS :551
By Admin

Kuri uyu wa mbere tariki ya 14 Ukuboza 2015, Polisi y’u Rwanda yerekanye abagabo 3 bakekwaho ubujura bwitwaje imbunda bakanica umunyerondo mu murenge wa Kacyiru, mu karere ka Gasabo.

Ibi byabereye ku Kacyiru ku italikiya 7 Ukuboza, aho abitwa Musafiri Eugene, Semakamba Jean Baptiste na Munyaneza Florien bagiye gushaka umumotari witwa Harindintwari Nuha, bafite umugambi wo kumujyana aho bari bateguye ngo bamwambure moto ye ; bahamugejeje barayimwambuye baranamurasa baramukomeretsa bikomeye ubu akaba arwariye mu bitaro bya Polisi bya Kacyiru.

Nk’uko bitangazwa n’umuvugizi wa Polisi y’u Rwanda, ACP Celestin Twahirwa, Musafiri niwe wateze moto ayisangisha bagenzi be ngo buzuze umugambi wabo, mu gihe bari muri icyo gikorwa ariko, uyu mumotari yaratabaje maze abaturage baraza baratabara, akaba ari nabwo barashe umunyerondo wari uhuruye witwa Bisengimana Ismael ahita apfa.

ACP Twahirwa, avuga ko aba bagabo nyuma y’iki gikorwa, bagerageje guhunga ariko babona basumbirijwe, moto bayivaho bariruka ariko bahata telefoni , iyi nayo ikaba yaragize uruhare mu ifatwa ryabo kuko, Semakamba yafatiwe kuri Nyirangarama mu karere ka Rulindo yerekeza mu karere ka Rubavu.

Musafiri ari nawe wataye telefoni we yafatiwe mu karere ka Nyabihu naho Munyaneza we yafatiwe Mu Mujyi wa Kigali ari naho bose babanje gucumbika.

ACP Twahirwa yavuze ko imbunda yakoreshejwe, uwitwa Semakamba ariwe wayiguze amafaranga ibihumbi 200 ku Ruhuha mu karere ka Bugesera n’umuntu adashaka kuvuga.

ACP Twahirwa ashimira abagize uruhare bose mu ifatwa ry’aba bagizi ba nabi, ahereye ku baturage birutse kuri moto aba bari batorotseho, ndetse n’abamotari batanze amakuru yagize akamaro mu ifatwa ry’aba bagizi ba nabi.

Umuvugizi wa Polisi y’u Rwanda yagize ati "Muri iki gihe iminsi mikuru yegereje, abantu bamwe bashaka uko babona amafaranga yo gukoresha muri iyo minsi, hakabamo ababikora mu buryo butemewe harimo n’ubwakoreshejwe n’aba bagabo.

Aha ariko ndahumuriza abaturage ko Polisi y’u Rwanda nk’urwego rushinzwe umutekano w’abaturage n’ibyabo, itazaha amahwemo uzagerageza kunyura iy’ibusamo ngo atware iby’abandi .”

Yarangije ahamagarira abaturage kuba maso kandi bagatanga amakuru ku kintu cyose kibateye amakenga kandi bagafatanya na Polisi ibegereye kugira ngo umutekano ugumeho no muri ibi bihe by’iminsi isoza umwaka.

Bwana Ntaganzwa Celestin, uyobora impuzamashyirahamwe y’abatwara abantu kuri moto, yashimiye Polisi y’u Rwanda ku kazi yakoze kuri iki cyaha, avuga ko abo ahagarariye bahora bakangurirwa gukumira abagizi ba nabi kandi ko bagiye kongera umurego kuko birimo kubyara umusaruro.

Yagize ati "Tugendera ahanini ku nama duhabwa na Polisi kandi turashima ko zirimo kutugirira akamaro kuko hashize ibyumweru bibiri hibwe moto imwe, nyamara mu mezi abiri ashize hari hibwe moto 10 n’ubwo 6 muri zo zagarujwe tubifashijwemo cyane na Polisi.”

Aba bajura nibaramuka bahamwe n’icyaha, bazahanishwa ibihano biteganywa n’ingingo za 304, 305 n’ingingo ya 140 zihuriza ku gihano cyo gufungwa burundu.

RNP

IBITEKEREZO

TANGA IGITEKEREZO

Kwamamaza
Kwamamaza
Also in this section
Urukiko rwategetse ko Umunyamakuru Shyaka Kanuma afungwa by’agateganyo iminsi 30

Urukiko rwategetse ko Umunyamakuru Shyaka Kanuma afungwa by’agateganyo...

Kicukiro : Umunyeshuri yafatanwe kashe 39 z’impimbano

Kicukiro : Umunyeshuri yafatanwe kashe 39 z’impimbano

Abahuzabikorwa ba DASSO muri Nyamagabe basabwe kwibanda ku gukumira ibyaha

Abahuzabikorwa ba DASSO muri Nyamagabe basabwe kwibanda ku gukumira...

Umunani bafunzwe bazira kugerageza guha ruswa abapolisi

Umunani bafunzwe bazira kugerageza guha ruswa abapolisi

Perezida Kagame yibukije abayobozi ko Imana yabaremanye ubushobozi

Perezida Kagame yibukije abayobozi ko Imana yabaremanye ubushobozi

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...